مطلوب: رقم مميز

Unixer · 22-06-2006, 01:27 PM

بسم الله الرحمن الرحيم

السلام عليكم

الطلب:

عندي احد الاصدقاء قاعد يدور له على لوحه تكون على اشكال اللوحات السعوديه القديمه الاوله يعني اللي كانت تتكون كلها من ارقام

وانتو عارفين انه اللوحات تغيرت وصارت ثلاث حروف مع ثلاث ارقام عربيه

وقريبا راح تصير ثلاث حروف مع اربع ارقام انقليزيه

لكن فيه بعضهم يقدر يحتفظ في لوحته القديمه يا بالواسطه او بغيرها

وصديقي يبي له لوحه تكون يا من رقمين او ثلاث ارقام

________________________________________________________________
امثله:

هذي امثله على المطلوب:

17
83
38
624
444
265
الخ من الامثله

________________________________________________________________
الشروط:

- ارسلو الرقم على ايميلي وارسلو معاه كم تبون في رقمكم؟

ايميلي هو l3MW@HOTMAIL.COM

- او تقدرون تضيفوني على الماسنجر

________________________________________________________________
ملاحظات:

- صديقي ساكن في الرياض

- اللي عنده المطلوب او يعرف احد عنده المطلوب او حتى يقدر يدبر لنا ويطلع لنا رقم من المرور او بأي طريقه يراسلني او يضيفني على الماسنجر وصديقي مستعد لأي مبلغ ويكون في المعقول

- لا صديقي ولا انا اعرف طريقة الاجرائات حقت نقل اللوحه لكن تكلفة النقل الخ هو مستعد لها

- انا ما اضمن اني ارد على الموضوع لانه صاحب العضويه ممكن يكون مو موجود او مشغول او بره الرياض او لاي سبب ثاني لانه اذا بغيت ارد على الموضوع لازم اروح له واستخدمه جهازه تحت متابعته

علشان كذا اللي يشوف اني ما رديت يراسلني على ايميلي او يضيفني على ماسنجري
________________________________________________________________

ملاحظه مهمه:

لا احد يذكر الرقم هنا في الموضوع

ارسلوه على ايميلي او ضيفوني على ماسنجري

مع تحيات راعي البي إم

Unixer · 22-06-2006, 01:41 PM

ويبي بعد واحد يجيب له لوحه امريكيه

يعني يشتري له لوحه امريكيه حسب الحروف اللي هو يحددها

لانه المعروف انه بعض ولايات امريكا تكون لوحاتها من حروف بس مثال: SAUDI

اللي يقدر يجيب له اللوحه يراسلني او يضيفني على الماسنجر ويذكر لي كل الاشياء المطلوبه منه وكم تكلف وكم تاخذ لين يستلمها الخ من المعلومات

abdulrahman · 22-06-2006, 06:58 PM

والله اذكر عن واحد من الجماعة شفر هاف موديل 68 وطايح له عشرين سنة

اشوفه لك ان كانت اللوحة فيه الى الان او لا

تحياتي

3iny · 23-06-2006, 12:32 PM

معقوله للحين فيه لوح قديمه ما سحبت الي اعرف ان اللوح القديمه معناها ان السياره ماشيه بدون
تجديد استماره لا جيت تجدد تسحبها الحكومه لاصدار لوحده جديده وعشان تنقل لوحه من شخص لشخص
فيه مشكله لازم السيارتين تكون باسم شخص واحد يعني ما تقدر تبيع لوحه فقط واللوحه لو كانت رقمين على
وقت 7 ارقام يوصل فوق 150 الف بالراحه هذا اذا حصلت طلبك فعلا صعب خلك على اللوحات أأأ 111 او ارقام
مميزه زي ق م ر 014 احسن لك

دمت بود

رائد

Unixer · 23-06-2006, 06:31 PM

إقتباس:

المشاركة الأصلية بواسطة abdulrahman

والله اذكر عن واحد من الجماعة شفر هاف موديل 68 وطايح له عشرين سنة

اشوفه لك ان كانت اللوحة فيه الى الان او لا

تحياتي

ياليت والله تشوف لنا اللوحه والرجال يقول يبي اللوحه حتى لو هي متآكله يعني لونه صاااار غامق ومنتهيه

انا منتظر ايميلك او اضافتك على الماسنجر اذا حصلت اللوحه

Unixer · 23-06-2006, 07:00 PM

إقتباس:

المشاركة الأصلية بواسطة 3iny

معقوله للحين فيه لوح قديمه ما سحبت الي اعرف ان اللوح القديمه معناها ان السياره ماشيه بدون
تجديد استماره لا جيت تجدد تسحبها الحكومه لاصدار لوحده جديده وعشان تنقل لوحه من شخص لشخص
فيه مشكله لازم السيارتين تكون باسم شخص واحد يعني ما تقدر تبيع لوحه فقط واللوحه لو كانت رقمين على
وقت 7 ارقام يوصل فوق 150 الف بالراحه هذا اذا حصلت طلبك فعلا صعب خلك على اللوحات أأأ 111 او ارقام
مميزه زي ق م ر 014 احسن لك

دمت بود

رائد

ايه للحين فيه لوح قديمه وقانونيه اصحابها يا امراء او جايبينها بالواسطه او بطرق ثانيه بعكس اللي مركب لوحات مزيفه مثل واحد شفته راكب مرسيدس من الموديلات الجديده في شارع التحليه ولوحته كانت رقم 7 !!!!!!!!!!!!!!!!!!!!!! وكانت تفصيل مو اصليه فمادري هو اللوحه اصليه والا مزيفه!! لانه فيه بعض اصحاب اللوحات القديمه يفصلون لهم لوحات بدل الاصليه لانه الاصليه تكون متآكله ومو واضحه والبعض يكون مخربها

وفيه البعض الثاني يحتفظون فيها لين جو يجددون الاستماره علشان ما تنسحب او اللي يقول انسرقت الخ علشان يحتفظون فيها للذكرى او يبيعونها على اي واحد ويستفيدون!!!!!!!!

انت روح مثلا شارع التحليه في الرياض تحصل راعي بي ام ابيض مظلل من الموديلات الجديده شفته اكثر من مره في شارع التحليه والتخصصي لوحتها من رقمين ولو تشوف اللوحه لونها اقرب للون الاسود من قدمها!!!!!!!! وعلى سياره تلق من النظافه بيضه!!!!!!

وفراري فيراني من الموديلات الجديده لوحته من رقمين يقولون اصحابي انه من سيارات الأمير خالد بن الوليد!!!! شفته مره في حي النخيل الشرقي

ولكزس سماوي مظلل من الموديلات الجديده لوحته من رقمين وكاتب على القزاز الخلفي MAFIA شفته في التخصصي يعني من جد شعار ماشي مع الرقم ومع الموتر

والا اودي سكري من الموديلات الجديده لوحته من ثلاثص ارقام شفته في شارع العليا العام

والا روح الوزارات مثل الداخليه تحصل بعض السيارات جديده عليها ارقام قصيره واقفه قدام المدخل واكيد اصحابها من الامراء لانها في الداخليه

واما اللوحات الامريكيه فيه واحد شفته اكثر من مره جمس لونه عودي مظلل من الموديلات الجديده لوحته امريكيه حروف وارقام ما اتذكر وش هي

والا واحد لوحته امريكيه FAISAL على جيب لاندكروزر اسود من الموديلات الجديده قد شفته مره في شارع التحليه

وفيه كثير من الامثله لو تقعد تركز على لوح السيارات في بعض الاحياء والشوارع الراقيه في الرياض او في اي مدينه ثانيه

اذا جانا واحد معاه لوحه من رقمين او ثلاثه واتفقنا معاه وخلصنا الاجرائات الخ وقتها يصير بعد عندي خلفيه عن طريقة الاجرائات وكيف البعض يقدر يجددها الخ

Unixer · 24-06-2006, 06:00 PM

up

Unixer · 25-06-2006, 07:51 PM

up

Unixer · 26-06-2006, 03:24 PM

up