ماستر كارد المدفوعه مسبقا ( البنك الاهلي )
استخدمها وكويسه الا ممتازه صراحه وما فيها شي حرام اشحن وادفع ما تشحن بطاقتك بطاقة حساب فاضي
عانيت فيها بالبدايه والحوسه الي عاملينها بالارقام السريه
لكن لا الباي بال ولا المواقع الثانيه ترفضها واستخدامي لها بشكل دائم ومنوع
خواصها تقدر تطلبها وحتى لو ما عندك حساب في البنك الاهلي وحتى لو ما عندك تعريف عمل ولا ولا بس بطاقة هويتك و 100 ريال قيمة بطاقه لسنه
نصيحتي بناء على استخدامي
افتح لك حساب في الاهلي
اربط البطاقه بحسابك ( اسأل فيها البنك ويفيدونك تمام )
تقدر تطلع على كافة تفاصيلك بالبطاقه والمدفوعات والعمليات وطباعة كشف وغيره عن طريق الانترنت وبنفس الوقت
الميزه :
1\ بدل لا تخسر مبلغ عن كل كشف تطلبه لأن البطاقه تطلب قيمة للكشوفات الي تطلبهم
2\ معرفة رصيد البطاقه وكل شي عنها بدون الحاجه للإتصال على خدمة العملاء للكسالى والي ما يبون يوصلون الصراف ( مع عدم تأكدي هل يطلع تفاصيل الصراف ولا لا لاني اشك )
3\ بعدك عن البطاقات الكلاسيكيه والي تنطوي عليها عمولات وحوسه انت في غنى عنها وأسأل مجرب سنين عنها
4\ تريح راسك من ادفع لي وادفع لك وخذ عمولتك