تقارير : قطع الانترنت في سوريا لمواجهة غضب شعبي

لا يا صديقي خبركم للأسف غير صحيح فأنا لا أزال أتواصل مع أهلي وأصدقائي في دمشق وحمص واللاذقية عبر الفيسبوك والسكايب والهاتف
أنا مغترب ولكن تواصلي مع الأهل والأصدقاء في سوريا ميزة أشكر الله عليها.
أرجو من موقع سوالف الذي أتابعه يومياً عدم الإنجرار وراء الأخبار المضلله حتى لا يفقد مصداقيته التي نعتز بها.

صديقكم من الإمارات مضر 

من أول ما صار في مظاهرات في سوريا ما نقطع الأنترنت غير لمبارح نقطع من صبح يوم الجمعة للمساء

وغير هيك ما في شي اسمه قطع أنترنت بسوريا حتى الفيس بوك الي كان محجوب تم رفع الحجب عنه وللعلم انا بسوريا ويلي عم يصير بسوريا اسمه تخريب مو تظاهر.

يلي عايش بسوريا بس الي بيعرف شو الي عم يصير اما الي متمسمر وراء شاشاة التلفزة ولفضائيات راح يفكر سوريا خربانة

عيب,عيب,عيب, و أكتر من عيب يا معلم عبد الله انو تحول موقع كامل الو اسمو و شهرتو بالوسط العربي بمجال التقنيات لمسرح لتداول السياسة…
أنو فهمنا ما كنا نخلص منكون ؟ أنو شو يعني الأفكار السياسية تتشابه فهل تتشابه النهايات ؟
شو هالتخبيص لك ما يكون نصبوك كاتب للأخبار السياسية و مالنا دريانين…
لك يا عبدالله انت هون لتكتب كمن مقال بمجال التقنية, لا تنزاح لسياسة وبعدين شو ثقافتك السياسية و شو مدى صدق الأخبار حتى عم تقول انو الانترنت انقطع قطع بركي ما يكون في عطل بشي كبل من الكبلات انت عليك توصل الخبر و بس يعني ما كان فيك تقول بس انقطع الانترنت
هايها كتير مواقع انكليزية ذاعت الخبر بدون ما تعطي نواحي سياسية, فلشو اكل الهوا ؟
وبعدين لهدول الجماعة الي عم يعلقوا لك سؤال اذا واحد منكون مشاكلو العائلية بطالعها لبرا و بيستعين بالجار على ابو ؟ او امو ؟ لك عيب ما حدا بيحب ينتشر غسيلو الوسخ ما حدا
وبعدين تعا لهون عم تمجد الثورة المصرية؟
يا عبدالله شو طلع من الثورة المصرية غير قتل لكمن قبطي… انا ما عم قول هالشي من باب انو ثورتكون غلط او صح كل ابن بلد ادرا ببلدو …
بس اتذكرو شغليه صغيرة اتذكروا كوندليزا رايز وقت ما حكت عن الشرق الاوسط الكبير و نظرية الفوضى الخلاقة و اعتبرو

للأخ الي سأل إذا كلمت أهلي ما بين الخميس والسبت
نعم أخي دردشت أنا والعديد من الأصدقاء ليلة الخميس وأوقات متفرقة يوم الجمعة بعد الصلاة
وحكيت مع الأهل مساء الجمعة
وحسب ما فهمت منن اليوم انها انقطعت الجمعة بعد نص الليل واليوم عم تابع اتصالاتي معن عالفيسبوك والسكايب كالعادة
يمكن الموضوع عطل مو أكتر.
وانشالله ما يكون كلامي هاد إلو أبعاد سياسية تزعج حدا
وبتمنى من الجميع إننا ما نبتعد عن محبتنا لبعض ووحدتنا لأننا رح نخسر كل شيء اذا تفرقنا
ممكن نختلف بالآراء ولكن هذا لا يعني الكره
(وادفع بالتي هي أحسن فإذا الذي بينك وبينه عداوة كأنه ولي حميم)
أخوكم وصديقكم مضر