متى يقدر الواحد يقول لي يااااا "سعادة الشيخ/ سعود بن عبدالله........"؟؟؟؟
السلام عليكم شباااااب
انا عندي سؤال لكن راح اكتب لكم قصتي باختصار علشان تفهمون الموضوع والمطلوب
انا الله يسللمكم مواطن سعودي عادي.......لا انا ولد شيخ ولا غيره.......وحالتنا الماديه كانت متوسطه.........والقصه انه كان عند اخوي الكبير ارض كبيره وقديمه........ في الرياض....... وباعها من موقت قريب........وانباااعت بمبلغ كبير والحمد لله.....بملااايين.....
فصااارت حالتنا الماديه احسن من المتوسطه وصرنا من اصحاب الملاايين....والفضل يرجع لله تعالى....ثمن لاخوي الكبير الله يطول في عمره اللي عرف متى يبيع الارض وبهذا المبلغ الكبير
فقااام حط بحسااب كل واااحد منا مبلغ معين....يعني كذا مليون لكل فرد من العايله........
وامس شفت خطاب مكتب العقار اللي ارسلوه لاخوي........واللي كانو كاتبين فيه "سعادة الشيخ/ احمد بن عبدالله.........." حق القصر اللي اشتراه لنا كلنا بدل الفله الحاليه,,,,,,,,,,,,,,
فانا اللحين اشوفهم كتبو له "سعادة الشيخ......"!!!!!!!! وصرنا شيوووخ!!!
س رقم واحد:هل اضافة "سعادة الشيخ" امام اسم اخوي كانت صحيحه بشكل عام؟ وبشكل قانوني؟؟
س رقم اثنين: هل اذا الواحد صار عنده ملايين صار شيخ؟؟
س رقم ثلاثه : وهل وقتها اقدر اصير اكتب في البيزنس كارد حقي "شيخ" قدام اسمي؟؟ مابي اتورط واكتب شيخ وبعدها اروح في مصيبه والا مشكله قانونينه والا غيره
سرقم اربعه: وهل اقدر اكتب شيخ في الهويه الوطنيه ورخصة السياره والا ولا؟؟ طبعا بطاقتي ورخصتي الحاليه عاديه ابي اكشخ بصراحه
س رقم خمسه:وهل اقدر اقول للناس "انا الشيخ سعود بن عبدالله...." والا لا؟؟
س رقم سته:وهل لقب "شيخ" يوازي لقب "دكتور" او "مهندس" الخ؟؟
س رقم سبعه:ومتى نقول لاي "منزل" انه "فله" او انه "قصر"؟؟ لانه قال لي اخوي اذا كانت مساحة "المنزل" اقل من 1000 متر مربع فهنا نقول عنه "فله"...........لكن اذا كانت مساحته من 1000 متر مربع الى 3000 متر مربع فهنا نقول عنه "قصر صغير"...........واذا كانت مساحته من 3000 متر مربع وما فوق فهنا نقول عنه "قصر" هل هذا صحيح او لا؟؟
وودنا انه اي واحد منكم يكون خبير بهذي الامور او له خبره كافيه فيها علشان يفيدنا فيها يعني محامي الخ
__________________
العضويه لغير الاستخدام الشخصي
هي لغيري ليستخدموها بمقابل مادي حسب نوع الاعلان
اما اذا ما كان اعلان فهو مجاني
وبشروط بسيطه لضمان عدم الاستخدااام الخاطئ لها
سالم العيسى
الرياض