السلام عليكم ورحمة الله وبركاتة ..
شحالكم يا اعضاءنا الكرام ان شاء الله بخير
ما بطول عليكم في الرمسه
انا طلبت تصميم ستايل منتدى من شخص مصري الجنسية وهو مقيم في مصر طبعاً
اتفقت ويا الريال عسب انه يخلص لي التصميم في مده 10 ايام
لكن للأسف الريال خاني لا راواني التصميم ولا شي
وانا ارسلت له 1000 درهم لسعر التصميم ...
المهم انه الريال نصب علي ولا سوا التصميم وخذ البيزات الله لا يبارك فيه ان شاء الله
وكل ما اسوي له تيلفون القاه مغلق .. والحين توني قبل شوي اتصلت له ورن لكن بعد دقيقه من شاف مكالمتي غلقه
قولولي شو تبوني اسوي وياه يمكن في شي اقدر اخذ حقي منه وياريت الكل يساعدني
ونصيحه لا تصممون من عنده نصيحه من اخو لأخوانه
هذا اسم موقعه : http://www.digilins.com
هذا ايميله : des@digilins.com
والسموحه على الاطاله
اخوكم
الإماراتي