بســـم اللـــه الرحمــــن الرحيــــم
السلام عليكم ورحمة الله وبركاته
وأنا جالس "اتسكع" في أرجاء الإنترنت "الأجنبي" ، طحت بموقعك يسوي لك تولبار Toolbar
في الحقيقة مدري إذا فيه أحد شرحها قبلي ، أو اذا فيه شيء أفضل ماعندي أي فكرة نهائياً.
لان ماعندي أي خلفيه نهائياً بالـ"Toolbar" بس قلت خل نشرحها هنا يمكن فيه ناس محتاجينها.
بداية الـتولبار هذا نسوية من الموقع:
http://www.effectivebrand.com/
وبشكل مجاني.
أولاً: ندخل للعنوان http://www.effectivebrand.com/wizardselection.aspx
على طول نضغط Next مثل ماهو موضح بالصورة التالية ، أو نضغط على: Or choose one of our smart templates »
علشان نختار نموذج من النماذج الموجودة ، ولكن الافضل انك تخليها زي ماهي وتضغط على Next
ثانياً: بعد مانضغط على Next راح تطلع خطوتين:
- الخطوة الأولى وهي Choose an image or make your own textual logo
وتعني اختيار صورة تسوي لها استعراض من جهازك ، وإذا كان ماعندك صورة مثل حالتنا هذي راح نختار Define your logo by text and color » يعني أنت تسوي صورة مثل ماهو بالصورة التالية
Logo text : تعني النص المطلوب ظهورة في التولبار ، طبعاً حنا كتبنا Swalif Softs
Font : تعني اسم الخط ، وحنا بهالحاله اخترنا MS Sans Serif
فيه خيارات تحت ، وهي تعني الخط "تحته خط" أو "عريض" وكذلك لون الخط ولون الخلفيه ، حنا تركنا كل شيء افتراضي.
- الخطوة الثانية وهي Define your Logo Button’s link [?]
Clicking the logo will link to: تعني اللي راح يضغط على الشعار وين يروح ؟ < يعني تحت الرابط.
Hint: [?] تلميحات لموقعك ، يعني تكتب بعض الكلمات عن موقعك أي شيء.
الصورة التوضيحية:
وبعدين طبعاً نضغط Next
ثالثاً: بعد ماتضغط على Next راح يطلع لك "عداد" تحت اذا خلص راح ينقلك لصفحة جديدة.
راح يطلع لك صورة للتولبار بالكلمة اللي انت سويتها (أعلى الصفحة).
وتحت يقولك اختار امتداد محرك البحث Google.com ، طبعاً حنا نتركها زي ماهي يعني Google.com وبعدين نضغط Next.
رابعاً: بالصفحة التالية راح يقولك اختار صورة معينه ، وكذلك الرابط اللي يروح عليه أي واحد يضغط على الصورة هذي ، مثلاً تحطها "News" وتروح لأخبار موقعك ، وزي كذا ، عموماً خل ناخذها خطوة خطوة.
1- اختار شكل الصورة اللي تبيها ، (مع العلم) بأنك تقدر ترفع أي صورة من جهازك ، (تلميح) إذا ضغطت على More راح تطلع لك صور أكثر.
طبعاً حنا اخترنا أحد الصور
2- تكتب اللي تبية يكون جنب الزر ، مثلاً Last News ، يعني آخر الاخبار:
مع العلم بأن هذه الخطوة (إختيارية).
3- في هالمنطقة تحط الرابط اللي تبيه يفتح إذا ضغطت على الصورة اللي اخترتها فوق.
يُفضل أنك تحط (صح) عند كلمة Open in new window وهي تعني فتح الرابط في أمتداد جديد.
4- في هالخطة تحط تلميح لموقعك بعد ، يعني اكتب أي شيء مثل:
Swalif, Softs, ........ Anything
مع العلم بأن هالخطوة (أختيارية) ، يعني تقدر تتركها فارغة.
خامساً: في هالصفحة بعد فيه عدة خطوات.
راح اقولها بشكل سريع ، وبدون صور
1- هنا تحط معلوماتك:
Toolbar Name: [?] اسم التولبار اللي راح يطلع لزوارك ، مثلاً Swalif2006
Password: [?] الباسورد
Re-type password: إعادة كلمة المرور
E-mail: البريد الإلكتروني
2- تختار لغة التولبار ، حطها Arabic
3- هذا يعني الرابط اللي راح تحمل منه ، خله زي ماهو ، مو مشكلة.
4- حط صح على I agree to the terms and conditions of the license agreement ، يعني أنك توافق على شروطهم ، ويُفضل انك تقراء شروطهم بالضغط هنا .
5- أضغط على Create my toolbar! .
سادساً: راح تجيك صفحة فيها عداد انتظره يخلص ،
وبعدين راح يدخلك للوحة التحكم ، وراح يعطيك رسالة عنوانها Great! Your toolbar is good to go ، وهذا يعني انك سويت التولبار.
انت سكرها بالضغط على Close.
سابعاً: أنت الان تقدر تضيف اضافات للتولبار وتسوي فيه اللي تبي
وفيه اشياء واضافات حلوه ، أكتشفها بنفسك !
ثامناً ، راح يعطيك رابط مثل هذا: http://swalid2006.ourtoolbar.com/
تقدر حتى تحطة بموقعك ، تو تقدر بس تاخذ رابط تحميل التولبار وتحطة بموقعك وهذا هو:
http://swalid2006.ourtoolbar.com/exe
او حتى تقدر تنزل البرنامج وتحطة بموقعك.
حتى التولبار هذا فيه اشياء حلوه ، مثل الاتصال بنا ، او طريقة الايميل واشياء كثيرة روعه ،
أعتقد كل شيء واضح ولا لا ... ؟
اتمنى ان الكل يستفيد.
وآسف جداً إذا كان موضوعي قديم ولا مكرر.
خالص التحية ،
محمد ..!
رد مع اقتباس
