السلام عليكم
اخباركم ان شاء الله بخير
طبعا انا قدر الله علي وقدمت على دي اس ال بتاريخ 14-4-2005
تقريبا قبل سنه وشهرين
المهم مضاربات انا والاتصالات وحوسه وسب ولعان
وبالاخير لقيتلي خوي ابوي ومع السواليف طلع يشتغل بالاتصالات وشخصيه كبيره
وانا اللي احشره واقوله سالفتي
قال ابشر اليوم الثلاثاء مايجي السبت الا والـDSl راكب عندك
انا قلت قم بس قم
جاء السبت ودق الفني وقال جرب الدي اس ال
وفعلا اشتغل الدي اس ال وانا اطير من الفرحه واشبكه من العصر الى الفجر واطلع اصلي ورجعت نمت وانا مخليه مشغل وصحيت ورحت الكليه وانا مخليه مشغل طاف فيه خخخخ
رجعت من الكليه ساعه 1 وجلست على النت الى ساعه 2 يجي يفصل عندي
قلت بكيفه طفيت جهازي ورحت انام
يوم جت ساعه اربع وانا اشوف ابوي فوقي يقول التليفون مدري وش فيه
يوم رفعت السماعه لقيت التليفون مافيه حراره
وشلون وش السالفه
قلت مالي الا 904 دقيت عليهم وقلتلهم السالفه قالوا ان المقسمات عندهم منحرقه ويبيلها تعديل خلال 24 ساعه
قلت مافيه اشكال نصبر
وعلى هالمنول من يوم الاحد اللي راح الي اليوم وانا كل يوم ادق ويقولون نفس الكلام
طبعا رجع التليفون امس
لكن الدي اس ال الى الحين مارجع
فما ادري وش الحل مع هالاتصالات
وراهم مايفجرونها ويفكونا منها خخخخ
عاد احد الموظفين قلتله ياخي انت نصابين قال ماسمحلك قلت يارجال تقلع قال بحولك على المشرف حولني عليه وقلتله ياخي موظفكم يسب قال انت سبيته قلت يارجال انا اقترح عليكم لو تحطون موظفات حريم حتى لو كذبوا علينا مانشره عليكم لكن رجال يكذب هذي قويه قال الله يصلحك شاكر لاتصالك مع السلامه وسكر بوجهي
وفيه بعد احد المشرفين دقيت عليه ساعه 11 ونص وقلتله السالفه قال ابشر
يوم صليت الظهر رجعت دقيت قلت حولوني على المشرف انا احسبه كل شوي مشرف مادريت انه واحد خخخ
قلتله اسمع قبل ماتسئلني كم رقمي وش اسمي بشتكي قال هلا حمد سعد خخخخخخ يعني عرفتك
من كثر مادق عليهم صاروا يعرفوني
يالله ياخوان نبي دعواتكم ان ربي يفرج همي
بعد ماوصلني الدي اس ال انقطع خخخ
المشكله ان اشتراكي راح عليه اسبوع من يعوضني اقول للشركه عوضوني يقولون حنا مانعوض العطل غير مقصود << هذا كلام 904
يالله سلامو ولحد يفرح اذا جاه DSL ترى بيصيرله نفس ماصارلي :nice: