السلام عليكم ورحمة الله وبركاته
بداية اشتراكي بسوالف وقبل التسجيل كان عماد الكهف نموذج للشجع والطمع وحب المال واحتكار المعلومه (حسب النظره السابقه لاهل النت)وكانت الاغلبيه تحاول نشر اعماله مجانا وتشويه سمعته والمضاربه عليه بطرح الاستايلات مجانا
لكن ماذا يحدث اليوم اصغر مبتدئي في عالم النت يقدم خدمات الدعم الفني وتركيب الهاكات وبمبلغ مالي والمصيبه انك لو تبحث وراه تلقى الشخص يروح يسال عن حل المشكله في مواقع التطوير لكن يستغل المبتدئين والمحتاج للمساعده وكلمة السر الحل اضفني ولا المسنجر عندك
ليش تغيرت النظرية
تتوقعون ان عماد الكهف هو بداية هذي الموجه اللي كانت مقتصره على ابناء البلاد المجاوره والحين ابناء الخليج اكثر منافسه على تقديم العروض والخدمات المدفوعه
ولا هو شي بيصير لكن البدايه كانت مع الكهف للتصميم
خلونا نقولها بامانه الله يرحم ايام عماد الكهف شركه او اثنين مايتعدون خمسه واصحابها معروفين واعمالهم تشهد لهم وتاخذ عملك مثل ماتطلب (رغم اني ماتعاملت معهم ) والحين دومين ويمكن مساحة مجانية وتلقى شركة تطوير منتديات ولا بيع واجهات واستايلات اغلبها مسروق يامقتبس يامطروحه مجانا ويعاد بيعها وتلقى الشركه على لايكوس
موضوع حبيت اطرحه للسوالف وللتذكير بان عماد الكهف ظلم في فتره من الفترات ومع ذالك واصل وقدم دروس وبعض البرامج المجانيه