بسم الله الرحمن الرحيم
السلام عليكم
انا سبق ونزلت موضوع قبل كم يوم على هذا الرابط:
http://www.swalif.net/softs/showthread.php?t=162285
طلبت فيها انكم تشورون علي بالأفضل من ناحية الشكل والقوه والسعر الخ
المهم, انا اللحين وبعد نصايحكم ونصايح أصحابي حذفت كم خيار وصارت اللحين 8 خيارات بدل ال13 خيار واللي هم:
1- جمس سوبربان فل اوبتشونز دفرنسين موديل 2006
2- جمس سوبربان دينالي موديل 2006
3- جمس يوكون فل اوبتشونز موديل 2006
4- جمس يوكون دينالي موديل 2006
انا ليش أضفت الخيارات الأربعه اللي فوق أو أبقيت عليها؟ لانها سيارات وكاله جديده ووسيعه وقويه ولها اسمعها في السوق والسبب الأهم انه أسعارهم طااااااايح بالمررره
ومنها أقدر أدفع على الموتر بدل ال10 آلاف ريال اللي كنت مخصصها للاضافات والتعديلات نقول 50 ألف بالقليل وهذا مبلغ كبير يساعدني في اضافة أفضل التعديلات!!!!!!! لانه اسعارها ما يتعدى ال140 ألف وتقدر تنزل 10 آلاف وأكثر لو كنت تعرف تتفاوض مع مسؤول المبيعات
ايه وممكن بال80 ألف أو أقلب وجه الجمس لل2007 وأحط عليه أفضل سيستم وأركب له أحلى جنوط نيكل وجنوط شاهين مدري الشنابر مدري وش تسمونها وأقدر أضيف اشوية تعديلات ثانيه رايقه :smilie5: وش رايكم؟؟
وبالمناسبه, بكم أقدر أقلب وجه الجمس ابو 2006 الى وجه 2007؟؟ وكيف الطريقه؟ هل هي مجرد شراء قطع غيار ل2007 مع شغل على الوجه او قص كامل للوجه 2007؟؟؟؟
______________________________________________________________________
5- جمس يوكون فل اوبتشونز موديل 2007 لانه نزل موديل ال2007 في المعارض السعوديه الآن
6- جمس يوكون دينالي موديل 2007 لانه نزل موديل ال2007 في المعارض السعوديه الآن
أما النوعين اللي فوق فانا أعجبني شكلهم لكن اللي مخليني متردد هو المساحه الصغيره اللي في الخلف!!!!!!!!
______________________________________________________________________
7- جيب نيسان آرمادا موديل 2006 لانه ما بعد نزل ال2007 في المعارض السعوديه
أما هذا فكل شي أعجبني فيه سواء السعر المعقول والرخيص والمساحه الكبيره اللي مشابهه للجمس السوبربان والفخامه الخ ما عدا خدمتهم يعني هل الوكيل ممتاز والا جيد جدا والا جيد والا تعبان؟؟؟؟؟؟!!!!!!!
______________________________________________________________________
8- كاديلاك اسكايدلاي موديل 2006 مو 2007
أما هذا فانا اخترته لانه مرررره فخم وأفخم من كل اللي فوق وانا متردد لانه شكله راح يكون من القديم مو الجديد
اما السبب الأهم اللي خلاني أختاره لانه سعره طااااح من ال260 ألف الى ال199 ألف أما الجديد فهو ب260 ألف وفوق هذا مافيه شاشة ملاحه مثل القديم وفوقهم ياخذ حوالي 20 يوم عملية الشراء!!!!!! وانا مستعجل وخاصه انه قد بعت موتري وحاليا معي احد سيارات عمي مؤقتا
وفيه ملاحظه اخيره وهي اني رحت مره ثانيه اليوم لوكالة العيسى ومعارض كثيره غيرها علشان أسأل عن الجموس الجديده 2007 وحصلت أجوبه مختلفه عن بعض!!!!!!!!!!!!!!!!!!!!!!!!!!
مثلا عندكم العيسى قالو انه جمس السوبربان وقفو تصنيعه ل2007!!!!!!!!! وانه راح يكون فيه نوعين من اليوكون اللي هم القطع الصغير كماهو المعتاد اما النوع الثاني فهو القطع الكبير اللي راح يكون بدل السوبربان!!!!!!!!!
والى اللحين نزل القطع الصغير اليوكون سواء العادي والدينالي اما القطع الكبير فراح ياخذ من شهر الى اكثر بشويه لين يوصل!!!!!!!
وفيه معارض ثانيه قالت انه كلام العيسى غلط!!!!!!!!!!!! ههههههههههههه وانه السوبربان راح ينزل بعد شهر او اكثر بشوي ولكن راح يكون شكله مختلف تماما عن اليوكون الجديد 2007!!!!!!! ومختلف عن السوبربان القديم 2006!!!!!!!!!
وانه اليوكون فيه منه العادي والدينالي والاكس إل اللي راح يكون بنفس حجم السوبربان!!!!!!!
مع تحيات راعي البي إم