المشاركة الأصلية كتبت بواسطة البروفسيور
محمد علي يا حبني لك يا شيخ
تمدح في نيويورك ؟ خبل انت قسم بالله لو يعطوني قد راتبي ثلاث مرات ما ظنيت اني باقد اعيش هناك اكثر من اسبوع
غاليين يلعن ابليسهم الله يحّل مرورنا و يبيحهم على اسعارهم اذكر الشقة هناك توصل بالراحه فوق الـ20 الف دولار (تراها عشرين مهيب اثنين)
و بخصوص المرور الله يصلحهم بس
مسكني مره واحد منهم و انهبل ما حصل حتى ولا مخالفه علي والحمدلله
بالاخير طلع وصخ و كتب في المخالفة (السير ليلاً بدون اضواء) و اللي قهرني اكثر شي
اني كنت مولع النور ... لا و فوق كذا يقول لي و ببجاحه غير طبيعيه انت تكذب؟ ما تستحي على عمرك على كبرك تكذب ؟و ما ادري ايش تخيلوا يكذب عيني عينك لا وفوق كذا يتهمني بالكذب
ما اكذب عليكم اني شكيت ان السيارة لمبتها محروقه لدرجة اني اناظر وراء و القاها شغاله و ارجع اطفي السيارة و اشغلها و ما فيها الا العافيه لكنه وصخ و كذاب
بالاخير طفشت منه و صرت اقول له اي انا كذاب كنت طافي اللمبه قال لي تدري لو انك ما اعترفت (الظاهر اني مسوي جريمة
) كان عطيتك مخالفه حزام ..المشكلة اني رابط الحزام و هو شايفني و انا رابط الحزام قسم بالله مريض نفسي !!!
عموما ابتسمت في وجهه و اخذت المخالفه و ارسل رسالة على 88993 عشان اعرف بكم طلعت بـ300 ريال حسبي الله عليه
ولو ان 300 ريال مهيب قليله الا ان اكثر شي قهرني هو انها كذب في كذب مير لو اني طافي النور تهون لكنها حرام
و المشكلة ان جوازي يبي له تجديد بعد شهر تقريبا ما اقدر اسافر ولا مكانه بسببه الله يعين بس