السلام عليكم
شباب لو انسرق ايميلك وتغير الباس ورد والسؤال السري والمعلومات..شو تسوي
كل ما احاول ادخل خاصية استرجاع كلمة المرور
في طريقتين في الهوت ميل
الاولى انه يرسلون لك الكلمه السريه على البريد الثانوي اللي حطيته اول ما سجلت
بس طبعا الهكر مغير هالبريد وبالتالي كل ما ارسل ما يوصلني شي
والشي الثاني لما اجاوب على السؤال السري يقولي انه غلط
مع اني متأكد
هل قام بتغير السؤال السري ايضا .........
وشو الحل
ولا خلاص راحت عليك يا صاحبي
اتمنى حد يساعدني
وبعدين ما حقيقة الإيميلات اللي نرسل لها معلوماتنا
هل هالشي حقيقي او انها ايميلات ناس عادين يريدون معرفة المعلومات واستغلالها لإستراجع الإيميل
ساعدوني الله يفرج عنكم هالمحن
لانه شعور ان يسرق ايميلك هو القهر...مب قهر وبس
قمة القهر....................
والمصيبه ان سباي دكتور مرخص واصلي
ونوروتون انتي فايرس ونوروتن فاير ول مرخص واصلي
بس ما منهم فايده يلستهم مثل يلسة ساعة الكمبيوتر اللي يمهم
اخواني احذروا ترى الإيميل انسرق لاني دخلت موقع وهالموقع اوكي بس انسرق من كم يوم والهكر حاط كوكيز او شي من هالقبيل يرسل له معلومات ايميلك