اولا اسعد الله اوقاتكم بكل خير
ثاني شي مبروك عليكم السرعه هذي مع العلم ترى 1 ميجا مارح تاصلك ميه بالميه لن الدي اس ال كله شيرنج يعني 1 مجيا مارح يجيك منه الا 500 الى 600 كيلوا
للاسف جميع خدمات الاتصالات السعوديه سيئه جداا والادهى والامر في ذالك ان الموظفين مو عارفين شي ..
بقص لكم قصتي مع شركة الاتصالات السعوديه وخدمة DSLSKY
الكل منا يعرف الخدمه هذي الجديده التي طرحتها شركة الاتصالات السعوديه وهي دي اس ال سكاي طبعا رحت وقدمت طلب على سعودي داتا بخصوص الخدمه وقالوا لي باذن الله رح تركب عندك بعد عشر ايام المهم الشركه المسئوله عن التركيب هي نوفيا سات طبعا سعودي داتا مالها علاقه في الخدمه نهائيا بس ودها تعلم الناس انها تقدم خدمة الاتصال الفضائي يعني شركة الاتصالات مجرد وسيط بينا وبين نوفيا سات ماعليكم في طولة الكلام اتصلت على موظف 907 وقلت ابي الخدمه هذي اتجاهين 1 ميجا قال لي ابشر قلت طيب انتم محددين الداونلود قال لي ايه قلت كم لي في اليوم ميجا داونلود قال لك 2400 مجيا داونلود يوميا
بصراحه انا انبسطت وقلت اشترك في الخدمه ياولد واشتركت طبعا الخدمه هذي حطيتها في احد المقاهي حقتي والله ياطويلين العمر يوم جاني اخر الشهر الا علي حدود 15 الف ريال
بغيت اموت يوم شفت الفاتوره اسئلهم وش في الفاتوره كذا قالوا انت مستهلك مادري كم جيجا قلت طيب انا لي في اليوم 2400 ميجا وش دعوه قالوا لي من الحمااار وانتم بكرامه اللي قال لك الكلام ذا قلت الموظف حقكم قال غلطان اصلا 2400 ميجا هذي في الشهر والله انصدمت من جد من سوء المعامله
طيب ياخي اذا انتم ماتعرفون شي عند الخدمه وش اللي حاشركم بينا وبين شركة نوفيا سات حنا نصتفي والله العظيم شي مخجل لدرجه ماتتصورون
مع اني شاري الهاردوير بـ 6000 الاف ريال وشوفوه منطول عندي في سطح المحل لاجل غير مسمى ببيعه حديد في الغاله
ماقول الا الله يكون في عونا بصراحه الناس وصلت سرعة 10 ميجا وحنا مبسوطين على 1 ميجا
ـ صوره الى مدير الاتصالات
ـ صوره الى اعضاء سوالف
ـ صوره الى الشعب السعودي
تقبلوا تحياتي