السلام عليكم ورحمة الله وبركاته:
جزاكم الله خيرا على موقعكم الفريـــــــد من نوعه من ناحية المعلومات الغزيرة عن أدوات الكبيوتر,
خاصة أخي الوليد(ماشاء الله لاحول ولا قوة إلا بالله) موسوعة متنقلة ,
ولا يهنون باقي الأخوان(مبارك و حسام وعبدالله)ما يحتاج,كلكم ماشاء الله عليكم(أعوذ بالله من كل عين لامة).
بعد المقدمة والسلام نذهب الى مقصد الكلام
=
بعدما قرأت مقالة أخونا الوليد(كيف تجمع جهاز)تحمست للفكرة وقررت أجرب تجاربي على جهاز أخوي(ضحية تجاربي دائماً)
وسوف أحول جهازه من بنتيوم 3الى 4 عن طريق تغيير لوحة الأم والمعالج والرام وبقاء القرص الصلب وأخوانه وأصحابه وجيرانه(حلوها)لكن
عندي أسئلة قبل ما أبدا
1-في المقال ما ذكرت يا أخي الوليد شيء عن صندوق الكهرب هل هو يجي مع صندوق الكمبيوتر ولا
أنا اللي أشتريه؟وهل كل لوحة لها صندوق كهرب خاص؟
2-بما أني سأبقي القرص الصلب على حالة كل شيء فيه البرامج والملفات وحليب النيدوقصدي حبيبي الويندوز
هل سيكون هناك تفاعل ذري قصدي عكسي مع اللوحة والمعالج؟
3-كيف أزيد من سرعة المعالج؟وهل كل معالج له طريقة خاصة
4-الحين لازم امسح قلب المعالج؟(لا وبعد أمسحه بالكحول بعذره حاطين عليه سجن لا ومكيف بعد)
طيب إذا ما مسحته بيصير شيء؟
5-الحين المراوح وين أشبكها؟انا ما شفت إلا سستم فان وحده ثانية
لو كنت بركب 6 مراوح أين أضعها؟
===================
فاصل هوائي
===================
معليش طولت في الأسئلة ب صبر شوي علي,عشاني بسويها قبل مايجي أخوي ويجدني متلبس بالجريمة:d:d
=
@:ما هي أحسن 3 لوحات أم للبنتيوم4 سوكت 468
بحيث أن جميعها تقبل الترقية مستقبلاً الى 3جيجا والرام فوق جيجا ونص؟
@@:اللي في الرياض هل اللوحات موجودة في الرياض وكم سعرها ووين؟
وكم سعرب معالج بنتيوم4 جيجا ونص؟
@@@:ويا شباب اللي في الرياض وش أحسن سوق من هذهي الأسواق
الصالحية
حراج الكمبيوتر في العليا
الجفال
من ناحية توفر العتاد والجودة والسعر؟
وجزاكــ الله ـــــم الله خيرا على سعة صدوركم...
وسلامتكم أجمعين