ياناس ياعسل الفنكوش وصل .. فوتغرافر وينك :)

**بويوسف** · 18-01-2002

معليه اسمحوااا لي ولاتزعلون مني انه فتحت موضوع عشان اطلب طلب من الغالي فوتوغرافر

وفي نفس الوقت قلت اكيد ناس غيري بيستفيدون .. يعني بدال الايميل الخاص الاستفادة اهنيه تكون اعم واشمل ..

الحين الكاميرا موجودة مع معداتها

وكاميرا محترفين ومستواها عالي .. بس بصراحة بعد مافتحت الشنطة وشفتها تخرعت

ماعرف شاسوي شكلها يخوف

شلون ابتدي

يعني ابي استعملها مانويل اش اول شي اسويه ؟

بس هذا اول سؤال

وعشان مايزعلون اهل التصميم بحط تصميم من تصاميمي بالبرايس ..

تحياتي لكم

**الظبي** · 18-01-2002

وين التصميم البرايسي

**PHOTOGRAPHER** · 19-01-2002

بويوسف....

هلا والله ومبروك على العدة اليديدة...مع انك ماقلتلي شو اشتريت عشان ابدا وياك من نقطة الصفر...يعني نوع الكاميرا..الادوات المساعدة مثل الفلاتر...والأفلام..ووووو...الخ

واذا كانت لي من نصيحة فأقترح انك تبدأ اتصور بالمانيوال..تتعود على تجريب فتحة العدسة وتأثيراتها..السرعة وتأثيراتها..اتجرب الفلاتر...وممكن تختار أفكار سهلة التطبيق في البداية....يعني باختصار..جرب وظايف الكيمرة وامكانياتها..وبعدين..ابدأ بالتصوير وفق رؤيتك الخاصة...

تحياتي لك...

وبانضمام منافس جديد الينا...

**بويوسف** · 19-01-2002

الله يهداك يا فوتوغرافر

انه ليش اقول لك تخرعت .. ! عشان الكاميرا تخوف .. هي اصلا مانويل وكاميرا محترفين ..

نوعها هي كانون T70 وبعدين هي معاها ماكرو يقرب الصور عجيب

ومعاها فلاتر كثيرة .. وفي ريموت كنترول .. والستاند مب موجود بس ياي بالطريج

ممممم بعد شنوووو في فلاش بعد والكاميرا تصير اتوماتيك ومانويل بس صراحة ماجرب لي الحين اصور .. شريت افلام عادية 100 وفلم 400 بس ماني عارف كل واحد حق اش

كأني سمعت اسم برااايس

اييه ولايهمك يالظبي الحين احطه

تحياتي لكم

**Soft Ware Lady** · 19-01-2002

مبروووك عالكيمرا الجديدة أخ بو يوسف ...

عسى الله يعطيك خيرها و يبعدك من شرها ....

و ننتظر البرايس

**بويوسف** · 19-01-2002

**راشد الكواري2** · 19-01-2002

مبروك والف مبرك بو يوسف على الكاميرا الجديدة
منتظرين ابدعاتك يا بطل

تحياتي لك
اخوك راشد

**الظبي** · 19-01-2002

........ الفكرة جميله والاخراج أجمل

**بويوسف** · 20-01-2002

هلا .. اخوي راشد هلا فيك وتسلم

والله انه متوهق اشوي .. بس ان شالله توصلني كتب تعليم وكتالوج التصوير .. وان شالله تلقاني في جمعية التصوير بعد كم شهر

الظبي .. شكرا وهذا من ذوقك

**راشد الكواري2** · 23-01-2002

صباح الخير يا بويوسف
لوحتجت حاجة في التصوير او اى معلومات عن الكاميرا
احنا حاضرين وفي خدمة الطيبين

تحياتي لك راشد

**بويوسف** · 23-01-2002

تسلم والله

لاتخجلني بكرمك

ان شالله اي شي بحتاجه بكون على اتصال معاك ولايهمك

لك كل تحياتي وتقديري

الموضوع: ياناس ياعسل الفنكوش وصل .. فوتغرافر وينك :)

أدوات الموضوع

بحث في الموضوع

المواضيع المتشابهه

مشكلة ببرنامج الفنكوش للمقالات

ياناس ياعسل joomla 1.5 وصل

هل يمكن عمل هذا في الفنكوش ؟!!

تم تركيب برنامج الفنكوش

ضوابط المشاركة