كتب صديقي المدون حرباز مقالا في مدونته حول معرض جايتكس 2007 في الرياض وأحببت عرضه على الشباب حتى لايكلفو على أنفسهم عناء الذهاب له :anger2:
لمتابعة بقية المقال ومشاهدة الصورادري اني مبدع في اختيار العناوين شكراً شكراً ههههههه ، اليوم انشر لكم صور لقبل افتتاح معرض الرياض بثلاث ساعات والله يعين الي يشتغلون فيه شلون بيعبون المعرض بس في ثلاث ساعات !!
طبعاً وبكل أسف اقولها المعرض مخيب للأمال ، والي مفكر انه بيكون احسن من السنة الي فاتت اقول له تراه اسوأ بكثير من السنة الي قبل ، وكل سنة المعرض للاسف يصير من أسوأ لأسوأ .
الشركات الي راح تكون عارضة هالسنة : 0 شركات تقنية معلومات متوقعه !
من الشركات العالمية : Sharp ، سامسونج ، توشيبا . شركات عربية : مكتبة جرير ! شركة الإتصالات السعودية ، برافو ، موبايلي (هالثلاث شركات تقول كنهن ضرات مايجي معرض الا ويتميلحون فيه ويتنافسون ) ، شركات الآي اس بي مزودين الخدمة مثل أول نت ، وجيل مدري زجول ، شركات معدات تصوير : سمير للتصوير و الهوشان ، شركة iCom حقت الكنود !
الزبدة ان المعرض مال امينه داعي ، ولافيه اي شي يستاهل الجية ( بالنسبة للمهتمين بتقنية المعلومات ) الي في باله يناظر عروض الاب توبات او تخفيضات اشتراكات او بيشتري سيدي حق قرآن او مترجم او موسوعه الألباني ولا سيديات بـ 10 ريال ، بينبسط
بالمناسبة :قناة التقنية العربية راح يكون لهم تغطية يومية بالفيديو للمعرض الله يعينا مافيه شي نتكلم عنه ولا نغطيه من بياخته ! ، وراح اكون متواجد هناك في المعرض الي يحب يشرفنا في جناح رقم ( الصالة )
يارب متى سيكون لدينا معرضا نجد فيه جديد التقنيات ومعارضا لأكبر الشركات (وليس مكتبة جرير والاتصالات :anger1: )