السلام عليكم ورحمة الله وبركاته
يتني هاي الفكرة فجأه
قلت بسير و بكتب في سوالف عن تجربتي الشخصية في دوامي ...
الموضوع نبغيه على مستوى اوكي ... ما نبغي مصخره ..
الموضوع كالتالي ...
اولا : هل انت راض ٍ عن دوامك ؟
ثانيا: هل انت راض عن مسؤول المباشر ؟
ثالثا: هل مديرك المباشر ( مدير القسم اللي انت تشتغل فيه ) يطورالعمل ام ( طمطمه ) يعني وجوده مع عدمه سواء ؟
رابعا: هل انت تطور عملك ؟
خامسا: متى تقرر الخروج من عملك الحالي ؟
و غيرها من الاسئلة
انا اكتفي بهذه الاسئلة و الآن راح اكون انا اول من يجاوب علشان اللي ما يعرف يغش خخخخخ
اولا : هل انت راض ٍ عن دوامك ؟
* من الناحية العملية نعم ولكن من الناحية المادية لا لانني احس انني مظلوم مع الكثير من اصدقائي في عملي ... الله لا يبليكم ..
ثانيا: هل انت راض عن مسؤول المباشر ؟
* اذا بغينا نحسبها على المستوى العربي فالحمد لله و لكن اكره عدم المبالات و عدم الاهتمام في الموظفين الموجود في قسمنا من المراقب و على ما اعتقد هذا الموضوع في معظم دوائر العمل ...
ثالثا: هل مديرك المباشر ( مدير القسم اللي انت تشتغل فيه ) يطورالعمل ام ( طمطمه ) يعني وجوده مع عدمه سواء ؟
* الصراحة لو سمعني راح يشنقني خخخخ
لانه من النوع الثاني _ طم طم _ خخخخخ الصراحة
يعني انا عملي كالكاشير تقريبا مره من المرات فقدت شيك من الشيكات و حاولت انا شخصيا مع الشركة صاحبة الشيك و لكن كانوا يماطلون .. باجر لا اللي عقبه خذ الموضوع اكثر من اسبوعين و اطريت اني ادفع المبلغ كامل من جيبي الخاص و كام البلغ عود شوي .. مع ان المدير كان باستطاعته انهاء الموضوع خلال ساعات و لكنه اقدر اقول انه ما يحب يضر نفسه علشان واحد تافه مثلي
و هناك مواقف اكثر من هذا بس هذا حصريا .. خخخخ
اما مدير القسم الثاني و الله انه الصراحة خطير و اتمنى في يوم من الايام اكون تحت ايده علشان اتعلم ....
رابعا: هل انت تطور عملك ؟
* انا احاول اني اطور العمل و ازيل بعض العوائق التي قد تقف في طريق الزبائن و تسهيل الامور و اخراجها من الروتين .( سير العويرو اختم ... بعدين ارجع عني علشان اوقعلك و بعدين ارجع العوير نفس مكان اللي ختمت فيه علشان اتحصل 100 درهم مالك ) يعني الموضوع تعقيدات على الفاضي ....
و الصراحه في 3 من ربعنا اللي امشين القسم من مالهم الخاص .. و الله يعني لولا 3 الاشخاص الصراحة ما اعتقد احد كان راح يتحمل الدوام اللي عندنا
خامسا: متى تقرر الخروج من عملك الحالي ؟
* عندما اجد ان مسؤولي المباشر ( طمطمه ) يعني ما يخصه في الدوام كمديرنا يعني انا الحمد لله مترقي من فتره و مستوي مساعد مراقب و كلها ترقيتين و بطلب نقلي الى احد الاقسام الثانية لاني اعرف لو ما نقلت راح اخييييييس تحت ايده ..
افففف
الحين دوركم شباب لا تبخلوا علينا