الهيئه وش نقول ؟؟
مافي شي كامل في ناس بالهيئه ودك تبوس راسه لانه يكون محترم وفاهم ويعرف يتعامل مع الناس
وفي بعضهم ماودك الا انك تطب في بطنه زي ماصار بطاش ..
واحنا والله مظلومين بالاماكن مالنا اماكن .. حتى لو فتحوا منتزهات يعني مفتوحه تلاقي العوايل فيها ..
ومن تشوف العوايل بتشوف الهيئه ..
والهيئه ماتصدق تلقى واحد تسحبه على طول .. وتبهدله وتسوي له قصه وهو مايدري
انا لي قصه مع الهيئه ,,
كنت رايح اوصل اختي للمدرستها وكانت في الثانوي ... وطبعا كنت بلحقها قبل لا يروح عليها الوقت
وكنت مستعجل شوي .. مادريت الا جيب شرطه يوقف قدامي وجمس هيئه وراي
ونزلوني وطلبوا اوراقي ..؟؟
انا رجعت ركبت ومشيت ونزلت اختي بالمدرسه بعد مانزلتها .. وقفت وتفاهمت معهم ..
لان يوقفونك معاك حريم بالشارع قدام خلق الله هذي ماصارت ولا بتصير ..!!!!!
الله يعين بس والله وطاش صادق بكل الي قاله
__________________
يقولون العرب صدر الشمالي مايضيق بساع ,,
وانا اقول الصدور اليوم مـاعادت شمـاليــــــــه ,,