يا أخوي صدقني الكثير من الشركات الآن تطور خدماتها
لكن مهما لازم تلقى شخص مو راضي !
يعني المسألة كلها وجهة نظر
مهما حدث و صار .. لازم تلقى شخص مو راضي عن خدمة معينة !!
الآن مثل هذه المواضيع انفتحت كثير و النقاش صار فيها مرات عديدة
فعلشان كذا ما راح تحصل الشركات العربية تدخل هناك و تشارك .. لأنهم أشبعوا مثل هذه المواضيع نقاش !
إذا نتكلم عن الشركات الأجنبية .. فصدقني .. في منها النصاب و في منها المتميز في خدماته
شوف في موضوع في قسم النطاقات طرح اليوم حسب ما أعتقد .. شخص يشتكي فيه على الشركة الأجنبية لأنها ما عطته الـرقم السري علشان ينقل النطاق .. و قالوا له لازم تجدد النطاق من عندنا .. و الشركة هي معرفة .. شركة globat.com
أنا ما ألوم الشركة يمكن في من قوانينهم إنه ما يسمح له بنقل النطاق أو امتلاكه بشكل كامل !! و يمكن الشخص ما قرأ القوانين بشكل كامل ! (أقول يمكن !)
بس تخيل لو صار نفس الموقف مع شركة عربية ؟؟؟؟ كيف راح يكون الوضع هنا ؟
فهذه الأشياء مثل ما هي مشاكل موجودة عند العرب تراها موجودة عند الأجانب !
موضوع السعر صار واضح للكل و الكل يعرف ليش العربية أكثر من الأجنبية !
لكن بقية الجوانب .. تلقى الشين و الزين .. في الأجنبي و العربي ؟
يعني مو كل الشركات الأجنبية .. ممتازة في الخدمة و التعامل و الدعم الفني !!!
و في نفس الوقت .. مو كل الشركات العربية ممتازة في الخدمة و التعامل و الدعم الفني !!!
في نفس الوقت تلقى شخص يمدح شركة أجنبية معينة .. و في نفس الوقت شخص آخر يذمهم !!
و أيضاً العربية تلقى شخص يمدح شركة و شخص يذمها ؟؟
صدقوني الموضوع أشبع نقاش من قبل .. و ابحثوا في سوالف و راح تلاقون مثل هذه المواضيع الكثير .. و تتكلم عن نفس النقاط !!
المهم هذا اللي عندي .. و أعتقد تكفي ردودي إلى هنا
شكراً للجميع
و اسمحوا لنا إذا غلطنا على أحد