[للنقاش] ما رأيك بالشراء عن طريق الانترنت؟؟ وهل اشتريت مره من الانترنت؟؟

[t7t7.com]

سلام عليكم
أخوي
شنو المطلوب من الشخص الذاهب لفتح حساب في أرامكس
؟
يعني شنو يحمل معاه ؟
المبلغ و البطاقة ؟ مثلا؟

لاتنسى الفيزا حقتك لانهم طلبوها مني وقالي ضروري

[M. Al-Dhafeeri]

بالتوفيق اخوي Dr-Design بانتظار التجربه


+++++++++

t7t7 متى فتحت :| على البركه :nice:

يالله ان شاء الله تشاركنا فرحة الشراء


بالتوفيق

[Shehabi]

تسلم أخوي على الرد المباشر
عموما بنك البحرين و الكويت كيف أقدر أفتح فيه فيزا و كم يكلف سنويا
؟
و شنو الأشياء اللي راح تحصلها من أرامكس حالما تفتح لك البريد ( الحساب )


؟


و شكرا

[M. Al-Dhafeeri]

الله يسلمك..

والله ماجربت بهالبنك!! :\

يمكن اللي جرب من الاخوان يفيدك ان شاء الله

انا جربت ببيت التمويل و بنك الكويت الوطني

وبخصوص الاشياء اللي تحصلها من اراميكس.. بس يعطونك اوراق الاشياء اللي ماتقدر تشتريها وارقام بريدك وعناوينك بال UK و ال US


بالتوفيق

[t7t7.com]

بوجسوم عقدوووني بيت التمويل الله يرجهم
ماابيهم

سمعت ان المواقع ذي تقبل الدفع بالويسترن اقدر عادي ؟؟

وارامكس تسوي فيزا ولالا

[M. Al-Dhafeeri]

ليش شفيهم ??

مو كل المواقع تقبل الويسترن ولا كلها تقبل كاش يو


واراميكس على آخر مره سألتهم قالوا وقفنا الماستر كارد ماقمنا نسوي :\



التمويل وبس.. ليش عقدوك!

[t7t7.com]

يرجااااال لازم احول الراتب عندهم ولازم يكفلني كويتي

شنو بنغالي انا الله يهداهم هههههههاااااي

فكرت اني اسويها باسم زوجتي لكن تبي الصددددددق

طاببببببببت نفسي

امازون يقبلون ويسترن؟

[M. Al-Dhafeeri]

لوووووووووووول

اذا زوجتك كويتيه توكل على الله


امازون هذي الطرق اللي يقبلها وتحتها الطرق اللي مايقبلها

Amazon.com accepts American Express, Diners Club, Discover, JCB, MasterCard, Eurocard, Visa, Visa Check Cards, payment from your bank account, Amazon.com gift cards, Amazon Store Card, Webcertificates, and checks, money orders, traveler's checks, or cashier's checks denominated in U.S. dollars and drawn on a U.S. bank. Additionally, we accept Borders Gift Cards and Waldenbooks Gift Cards as payment for qualifying orders.

We do not currently accept international wire transfers, PayPal, or Smart Cards. For grocery purchases, we are unable to apply manufacturer's coupons, food stamps, or any other payment method not listed above.


والله كبروا بعيني لما قريت انهم ما يقبلون paypal على راسي كلكم يا اعضاء وزوار وادارة أمازون

<< والاخ t7t7 على راسي بعد لايزعل :nice:
وبعد زوار وقراء موضوعي على راسي :nice: << راح يطيح راسي صار ثقيل :funny: لووول اتغشمر



بالتوفيق وخلك متواصل معانا

[فيصول]

لبى قلبك ياشااعرنا ..


صراحة كنت ادور عن غرض لي شهرين لفيت المحلات لف مالقيته


ودخلت امازون ولقيييته :nice:

وطبعاً صاحبك مايفهم شي .. في الشراء عن طريق النت ,,


على العموم الله لايهينك

السلعه سعرها : 20 دولار << متعوب عليها السلعه
وانا من السعودية ,,

كم يطلع اجمالي السعر مع الشحن الله لايهينك ؟

وياليت تقولي اذا بشتري منهم وش المطلوب ووش الطريقة ؟

وياليت تضيفني اذا ممافيه احراج

ab-#h0tma1l.com

[اقرأني]

أشكر الإخوان وخاصة شاعر النور والأخ كبوت وأقول أن بعض الطلب ألغي لاصرار البائع على أن المعلومات المدخلة للبطاقة غير متطابقة مع المعلومات الأصلية بينما البائع الأمازوني قبل الماستر كارد وقد وصلني المشترى التجريبي وهو عبارة عن حذاءين لسن السادسة قياس M والسعر 90ز34 95ز35 =85ز70 دولار
بتحويلها 85ز70*75ز3 = 6875ز265 ريال سعودي +اجور شحن أرامكس 113ريال سعودي=6875ز378
قيمة الحذاء الواحد تكرم = 6875ز378 تقسيم2=189 الصناعة صيني !
تاريخ الطلب 7 ابريل ووصوله 21 ابريل من نفس الشهر والوزن 1ز3 تدخله في اداة حساب ارامكس يعطيك113

[M. Al-Dhafeeri]

فيصول

هلا فيك يالغالي.. شكلك ماقريت الموضوع

تحتاج ماستر كارد او فيزا و بريد بأراميكس (للمزيد طريقة الفتح وووالخ شوف الموضوع)

بخصوص جم يطلع سعره اذا بالكويت 20 دولار والشحن يمكن 3.99 دولار = 23.99 دولار

راح يوصلك أراميكس بهالسعر 23.99 دولار والباجي على اراميكس على الوزن يقولوك جم تدفع أول نص كيلو دينارين ونص (كويتي) و كل نص كيلو زياده دينارين كويتي

واي سؤال حاضرين
بالتوفيق

+++++++++++++

اقرأني الحمدلله على الاقل احد ال orders وصلك والحمدلله

وحاول بالمرات الثانيه تكتب عنوان الماستر كارد او الفيزا مثل ما كتبته لما سجلتها وحط فلوس بالماستر او الفيزا دايما أكثر بـ دينار كويتي واحد من اجمالي المبلغ

لانه لا سمح الله تكون متخربط بالحسبه


بالتوفيق وان شاء الله نشوف أكثر

[M. Al-Dhafeeri]

PayLess

ادفع أقل :| !!!!!!!!

موقع الصراحه قوي ورخيص

Payless ShoeSource - Women's Shoes, Men's Shoes, Children's Shoes, Sandals and Boots

بالتوفيق وان شاء الله يعجبكم

[الرومانتك]

مممممممممم مادري هالموقع موجود في الموضوع او لا بس عجبتني بضاعتهم
Macy*s


شاعرنا بسئلك انا اعرف مثلا مقاسي وأنت بالكرامه للجزم والبوتات 43 وهنا اشوفها مقاسات صغيره

<== سؤال غبي خخخخ حسيت نفسي عملاق

[اقرأني]

الإخوة الكرام / أعتقد أن العناصر التالية تدفعني للشراء من الانترنت:

1-التعلم ولو لوجود هامش خسارة
2-وجود نقص في السعر الانترنتي
3- عدم توفر البضاعة التي أصل إليها في الشراء الاعتيادي

وعليه بالنسبة لي تعلمت كيفية الشراء مبدئيا
كان سعر العنصر وهو تكرمون حذاء بوت لسن السادسة صيني 189 سعر غال
طبعا خسران ليست مشكلة لأني تعلمت
عندما حصلت على الماستر كارد المدفوعة الثمن وضعت فيها 500 ريال سعودي وكان استخراجها أول فبراير2008
استعملتها مع الأمازون في 7ابريل 2008 طبعا كما تعرفون طلب رفض وطلب وصل حلو الكلام!
وجدت المتبقي 91ز19 ريال
الأسئلة:
كيف أتبين رخص البضاعة ولتكن مثلا قطع الكومبيوتر يعني هل هناك موقع يعرض لأسعار الكومبيوتر بالريال السعودي في السوق المحلي حتى أعرف أقارن مع أسعار الأمازون؟
هل ضاعت فلوسي ؟أم أن المبلغ معلق ؟أم استغرقت العملية ال 500 كاملها ؟ أم أن البنك يقتات عليها ؟

[M. Al-Dhafeeri]

الرومانتك والله شكله الموقع حده قوي مشكور وايد وجاري تفحصه :nice:


بخصوص المقاس بعض المواقع تحطلك المقاس عادي مثل مانعرفه احنا 40 او 41 او 42 ووو الخ
مثل موقع
Payless ShoeSource - Women's Shoes, Men's Shoes, Children's Shoes, Sandals and Boots

وفي مواقع تستخدم 5 او 6 او 9 او 8 وووو الخ

وطبعا كل موقع لازم يزود المشترين بقسم اسمه Sizing Charts

يقولك كل رقم يدل على اي رقم من اللي نعرفهم

مثال 8.5 = 42 او 41

وهكذا...

وبخصوص صغار ولا كبار لوووووووووول اكيد الموقع يحطلك صور تقريبيه ماكو موقع يحطلك صور تكرم الجوتي مثل ما اهوا

عموما الصور غير والواقع غير

اشتر وعليك الأمان ان شاء الله

++++++++++++

اخوي اقرأني

ما شاء الله عليك تعجبني ولك مستقبل ان شاء الله باهر بالشراء

اول شي لاتحط مبلغ كبير بالبطاقه
ثاني شي ارجع لموقع تحويل العملات اللي انا استخدمه دايما واعرف جم المطلوب كامل عشان تحوله للريال وتحط ببطاقتك نفس المبلغ بالضبط (وزيد عليه ريالين او 5 ريالات للضروره)
Currency Converter for 164 Currencies

ثالث شي لتعرف سعر السوق والسعر بالانترنت اذا كان الفرق كبير او قليل

مثلا انت تبي تشتري LapTop نوعه Vaio وفي مواصفات معينه تبيها روح شوف السوق وشوف جم الاسعار وبعدين ارجع للانترنت وشوف المواقع اللي تبيع وشوف اسعارها
واحسب مع التوصيل مال اراميكس
اذا كان ارخص فأنت الربحان.. واذا كان اغلى فالاحسن انك تشتري من السوق..

وماكو موقع يعرض لك اسعار السوق لانه كل دوله تختلف عن الثانيه والواحد اللي يبي يشتري شي اول شي يسأل عن سعره بالسوق بعدين يروح يشوف بالانترنت


بالتوفيق واي سؤال انا حاضر