[للنقاش] ما رأيك بالشراء عن طريق الانترنت؟؟ وهل اشتريت مره من الانترنت؟؟

[Dr-Design]

قمت بشراء هذه الساعة ما رأيكم

Amazon.com: Invicta Men's Lupah Collection Grand Zen Chronograph Watch #4545: Invicta: Watches

[M. Al-Dhafeeri]

اممم جميله..

الصراحه اول ما شفت ماركة الساعه Invicta قلت اكيد اللي ببالي لانه عليهم ساعات قويه وماركه معروفه سويسريه


الصراحه انا ما احب هالنوع :\ احب اللي يكونون كبار يعني ال Diameter مال الساعه من 48 مم وفوق


بس خوش اختيار ..

عاد مو تنسى تصورها اذا وصلت وتورينا اياها :nice:


بالتوفيق وانا ان شاء الله باجر اروح اييب الغرض اللي وصلني واصوره وانزله


بالتوفيق

[M. Al-Dhafeeri]

اليوم غريبه!!

فتحت ايميلي ولا واصلني ايميل من Aramex!!!

في شي واصلني بريدي ببريطانيا!!!!!!! :\

يوم رحت اشوف ولا في DVD واصلني!! غريبه مادري من منو ولا مكتوب اصلا من منو!! الله يستر :\

++++++++++++++++++++


اليوم ربحت كوبون خصم 5$ لموقع Watches, Cartier Watches, TAG Heuer watch, Omega watches, Movado watches, cartier watches, cartier watch, swarovski crystal, Bedat ladies watches, timex watches, mont blanc pen, discount watches

وحبيت اهديه لكم

هذا اهوا الكوبون: less5

طبعا تكتبه لما تبي تحاسب وتخلص تروح وتحطه بالخانه اللي اسمها Coupon or Promotional Code

وتضغط على Update وراح تشوف خصم من المبلغ الاجمالي

وبعدين تروح حق ال checkout وتحاسب

بالتوفيق :nice:

[اقرأني]

الإخوة الكرام/
إذا كان حذاء طفل كلفني كما قلت سابقا حوالي 185 وهو صناعة صيني وإذا كنت سألت عن سعر الهاردديسك ماركة الويستيرن ديجتال 80جيجا وقال لي صاحب المحل المجاور أن سعره180ريال سعودي اذاكان سعره مثلا 50دولار في الأمازون 50*75ز3=5ز187بدون عملية شحن !
واذا كان سعر الشنط النسائية كذلك مرتفع عن المحلي
فلأي غرض الأمازون اذن؟
اللساعات واللعب! الانسان في حياته ربما يستعمل ساعتين!
احبتي اثير هذه الأسئلة لأفهم الموضوع فحسب

[M. Al-Dhafeeri]

هلا فيك اخوي الغالي


بالعكس انت فاهم الموضوع غلط وانا بحاول افهمك ان شاء الله

انت قلت ان الهارديسك الخارجي بـ 180 ريال, تمام؟

وبأمازون 50 دولار وقول قيمة التوصيل لأمازون 3.75$

شلون تقوم بضرب ال 50 بـ 3.75؟؟

الجواب الصحيح 50 + 3.75 = 53.75 دولار يعني = 202.182 ريال

ثاني شي انا قلت مو كل شي تشتريه من الانترنت.. في شغلات تلقاها غاليه عندك بالسوق ورخيصه من الانترنت


على سبيل المثال: (هذا المثال ان شاء الله راح اسويه قريبا)

بشتري لابتوب ورحت عندنا بمنطقة حولي ادور لي لابتوب Used (شوف كنت ادور Used) ولقيت اقل شي 130 دينار كويتي!!!!!!

ومواصفات عاديه حيل او بمعنى اخر متواضعه (رام 512 ميجا و AMD وغيرها)

بطلت الانترنت ورحت بالاخص موقع أمازون.. لقيت Laptop Sony Vaio من اللابتوبات اللي احلم اني امتلكها

شفت السعر!!!!!!! انصدمت الصراحه وشفت المميزات قلت يمكن تعبانه!!!! طلعت شي قوي حده Intel Core 2 Duo و الرام 1 GB والهارديسك 160 قيقا وووووالخ

شفت السعر :| 190 دينار كويتي مع التوصيل!!!!!!!!!!!!!!!!!!!!!!!!!

وعندنا بالكويت سعر لابتوب Sony Vaio أقل شي ممكن تحصله 300 دينار كويتي!! وتلقى مواصفاته مو شي :\


عاد ان شاء الله قريبا اقوم بشراءه









ولاتنسى العمله تلعب دور والحمدلله عملة الكويت قويه :nice:


يعني ياخوي اقرأني انه الانترنت مو حق كل شي.. في شغلات بالسوق ارخص بوايد من الانترنت لكن هل نستغني عنه؟ لا بالنسبه لي مستحيل!

لانه ايضا في شغلات ارخص بالانترنت من السوق,,


أتمنى وصلت لك الفكره.. واذا عندك استفسار ثاني على قولتهم Feel Free :nice: يعني خذ راحتك

[اقرأني]

أشكرك أخي الكريم /

شلون تقوم بضرب ال 50 بـ 3.75؟
فقط لتحويل الدولار الى ريال مبدئيا دون شحن كما قلت

[M. Al-Dhafeeri]

مو ضرب اخوي (جمع)

انا شفتك بردك اللي فوق حاط (ضرب) :\


بالتوفيق

[عبدالله الكواري]

اخوي شاعر الظلام اذا بتحول دولار لريال سعودي تضرب في 3.75 .. هذا اللي يقصده الأخ ..

شاعرنا , ابي اشتري Playstation 3 والمشكله مالقيت بأمازون الا الـ 40GB والباقيين موجودين بس مب عند امازون (اشخاص اللي يبيعونهم ) ..

شرايك من وين اشتري ؟ انا متعود اشتري من امازون وعندي مشتريات من 2001 تقريبا .. واخاف اشتري اشياء غاليه من eBay غير موضوع الـ Paypal وعوار راس ..

ابغي موقع يبيع الـ Playstation 3 60GB مابي الـ 80 او الـ 40 .. اذا عندك موقع مضمون اسدحه هني ..

يعطيك العافيه يالغالي

[M. Al-Dhafeeri]

انا عبالي عن سعر الشحن لانه امازون اسعار التوصيل اقل شي 3.75 والغالب انه 3.75


افا عليك اخوي الغالي سوف أقوم بسدح العديد من المواقع لوووووول

PlayStation 3 Offers - Where to find cheap PS3 Deals UK and cheap UK PS3 Offers Online!

Sony PS3, Compare prices on Standard PS3 60GB version packages. - PS3Suppliers

Amazon.co.uk: Sony PlayStation 3 Console (60GB Premium Version): PC & Video Games

Amazon.com: PlayStation 3 (60GB): Video Games


وعادي اخوي اشتر من اللي يبيعون من امازون مو شرط ومافي شي اصلا وضمان مني ان شاء الله 100 بالميه ومن موقع امازون ضمان بعد :nice:

توكل على الله


وبالتوفيق

[عبدالله الكواري]

انا ادري انهم مضمونين , لكن تدري اسعارهم غاليه وايد ..

قعدت اقرأ عن الفرق بين هالانواع , وشكلي باخذ الـ 40GB بس اللي ينقصها فتحات اضافيه للكروت SD وغيره ومالي حاجه بهم , وما تشغل العاب PS2 وهالخاصيه بعد مالي حاجه بها لأن اصلا الالعاب اللي عندنا مب اصليه

تسلم يا شاعر الظلام ويعطيك العافيه

[عبدالرحمن الدوسري]

بوعابد
انا شاري سوني 3 من شارع النصر ب 1790 ريال مع الشريط gta4 ب 250 ريال المجموع 2040 خذته طبعا ب 2000 ريال
بس شوف ترى وزن السوني 3 ثقيل
يعني مادري كم بيطلع عليك الشحن
والي عندي 40 جيجا

[عبدالله الكواري]

الرعايه التقنيه ؟ توني سائل عنها اول امس الـ 40GB بـ 2150 والـ 80GB بـ 2750 وامس رحت كارفور لقيتها بـ 2099 ..

انا طلبتها من امازون بـ 1460 .. ادري الشحن بيكلف لكن اعتقد في النهايه راح تطلع ارخص من هني ..

ها شلون السوني وياك ؟

[عبدالرحمن الدوسري]

والله ممتاز معاي السوني ومافيه اي مشكلة
لكن الحين صار لي يومين مالعبت لان منشغل مع الدوام خبرك عسكري..

بس شف الرعاية التقنية حرامي
روح شبكة اولوبيا للكترونيات قدام فاملي فود سنتر
سعرة 1790 ريال لل40جيجا وهذا رقم محله 4368081
شوف عنده سعر الأشرطة لان ارخص
يعني gta4 حصلته ب 250 ريال
وسعره في السعودية وفي الدمام انا اخر مرة سال عنه هناك ب 500 ريال
دبل السعر الي في قطر
والمهم السوني معاي والله ممتازوماشي الحال وانشالله مع الايام نشتري اشرطة ثانيه
وبالتوفيق يابوعابد

[M. Al-Dhafeeri]

والله ياخوي غاليه ولا لا الصراحه انا ماشفت عندنا بالسوق :\


ولأني اصلا ما احب PS3 فاهتمامي فيها كلش مو شي


انت اخوي شوف الوزن جم يطلع عليك او روح اسال احد المحلات عندكم جم وزنها وشوف تقريبا مع سعرها نفس سعرها عندكم بالسوق ولا اقل؟


واذا ماكو فرق شوف كلام اخونا الدوسري يقول اخذها بـ 2000 ريال


وبالتوفيق

[الشاويش]

أخي عبدالرحمن الدوسري
انت كاتب ....
وانشالله

وهذا
خطأ تكتب إن شاء الله

لأنه معنى كلامك كأن الله يُنشأ ( والعياذ بالله )

اخي اذا متقل من المسطرتين الي بدك تحطهم نادي لما تكتبها بحطلك اياهم ههههههه

سلام