قبل ان اجلس واطقطق على لوحة المفاتيح لكتابة هذا الموضوع الذي لم اكن لاكتبه الا ان حدث معي حادث بسيط جعلني افكر كثيرا في المستقبل والحرب الباردة القادمة ..
قبل اكتب الي عندي اكتب لكم الحادث الي صار
جاني ضيف ودار بيني وبينه هذا الحوار :
انا : اقول ياخي ايش هذي العولمة ماني فاهمها ياشيخ والله رجونا فيها الجرايد ..
هو : اوووووووه صحي النوم انت ما تعرف ايش معني العولمة ؟
انا : شو هي يعني والله ماني فاهم ورب الكعبة
هو : يعني دمار شركات ماعاد حتشوف لاعبداللطيف جميل (تويوتا) ولا وكلاء الشركات هنا لا حداد (اريكسون) لا الخليج (نوكيا) ..ولاشركه الاتصالات الخ
انا : عجيب !! ليش ؟؟
هو : حيصير من حق اي شركه في الخارج تبني لها مقر هنا وهي تتكفل بجميع عملياته يصير تقشع وكلاؤها الي هنا واذا عاد فيها كرم واعطتهم وجه عطتهم نسبة ودخلتهم معاها !!
انا : ياشيخ فكه هلوكونا بفواتيررهم وكسرو ظهورنا باسعارهم !!
ولحظة تفكير وشهقت شهقة واانكبست وقعدت افكر وتفجرت افكاري وقاعد افكر ايش هذا الي ينتظرنا !! وبدات تتشعب الافكار في راسيوبديت فعلا اخاف من المستقبل المنتظر الله يكفينا شره ...
-----------------------------------------
طبعا واجهت جميع البلدان الخليجية في الاونة والسنوات الاخيرة ظاهرة الغزو الفضائي ونتائجه العقيمة (الرقصات في الشوارع - اللباس الغربي منتشر - درة العروس وصحبة البنات - والترقيم - و ... و ... الخ )
هذا الغزو الفضائي شي ممكن نسميه حرب باردة وشفنا نتايجه بنفسنا
------------
الحين نرجع لموضوع العولمة والحرب الباردة الجديدة !!
الشركات تفتح مقرات هنا لها !! في الخليج في السعودية الامارات و والبحرين وقطر وغيره يعني سيطرة تجارية غريبة معناه انه اريكسون تفتح لها فروع في كل مناطق المملكة رسمية وتقشع وكلاؤها نفس الشي مع حقون السيارات التويوتا ونفس الشي مع غيرهم من اصحاب الاجهزه ومعناه اي شركه عندها اي اختراعات تقدر تفتح منتجاتها لجميع الدول المشاركه في هذا التحالف التجاري
يعني سعودي او اماراتي اخترعو اخترااع وسوو شركه يقدرو يفتحو هذي الشركه باسمهم في اي دولة شاركت في هذا التحالف التجاري من غير اي وكالات ولااظن انه في الغرب تسوي وكالة اتوقع انك تقدر تفتح اي دكان من غير ماححد يسالك مين انت لكن هذا الي جاني على فكري يعني ....
الحين وش تاثيره هذا علينا نحن ؟؟
طيب خلوني اقول لكم احنا الحين البضاعه الي متاثرين فيها وش هي؟ بضاعه الغرب ، كل شي متعلق بالكمبيوتر تقريبا وراه شركه غربية ندر فينا الي ينتج ويلقي اهتمام بانتاجه او زباين عينها عليه كلنا متاثرين تاثير تام ومخدرين بالمنتجات الغربية (سيجا نتندو - اريكسون نوكيا - نستله حليب نيدو - بيبسي كوكا كولا -حليب السعودية اوووه عفوا حليب السعودية ماله صلاح - آآآ اممم وندوز الي قدامي اوفيس - كومباك وديل - بالم )
كل الشركات هذي اصبح بمقدورها تبني لها هنا شركه وتحط موظفينها فيها الي حيكونو ((غرب)) مسيحين ((والله اعلم يعني))
الحين هذولا يرضو بالنظام الموجود حاليا اكييد 100% لا واتوقع يتلغي نظام الكفالة ويجي نظام الضرايب ((يعني مجرد خيال في الامر وتفكير ماني متاكد ماسمعت اي خبريه حول هذا الامر ))
الحين نجي للموظفين الي حيكون فيهم الغربي المسيحي والي حيشتغل ممكن يتاثر من طبايعهم وتصرفاتهم وممكن تفرض الشركات دوام في عز اوقات الصلوات ((الا اذا سيطرت الدولة على هذا الامر)) وهذا يجعلهم يهتمون بالمعيشه اكثر من اخرتهم يعني حبة حبة الي....
وممكن يفتحو الدكان فيها بياعه مو بايع ((هذا عندهم عاادي في بلدهم)) طبعا الا اذا سيطرت الدولة على هذا الامر ...
المهم سيطرة التجارة معناه بكره راح نشوف بدل دكاكين العرب دكاكين غرب وبدل اسواق العرب اسواق غرب والشغلة حتكون عفيس ...
المصلحة لنا هنا حترخص الاسعار (الاتصالات والجشع انتهي حيصير الاسعار ارخص والشركات تسعى لخدمة ارخص وراقية وتسعي بس وتبوس رجل المستخدم عشان يجي عندها) السيارات حيرخص سعرها
والجوالااات برضه وغيره وغيره لاي منتج له وكاله هنا حتي استضافات الانترنت حتفتح الشركات لها هنا فروع استضافة وتجيب اجهزتها هنا وحيكون الشغل حامي الوطيس في هذي الامور وحيروح كل شركات الاستضافة العربية وطي الا من فكر بعقله ووزن اموره لمثل هذا اليوم !!
التجار العرب حيكونو ماتو وانتهو الا اذا تحالفو وقدمو انتاج من صنع يدهم وجاهدو لانتاج شي حلو بسعر رخيص ...
هنا مين الي حيبقى على قيد الحياة طبعا هم الناس التاليين (حقون المواد الغذئية (بروست -الطازج -الشاورما-المطبق والمعصوب - حقون العصيرات حليب منجا حليب بالموز ) هذول بس الي مااتوقع تنافسهم الشركات الغربية لانه واضح انه الغرب مو قادر ينتج في المواد الغذائية احسن مننا ولله الحمد والله انه هذي نعمة (شكلي بروح بدور لي شغلة في سوبر ماركت)
اصحاب العماير والمخططات اتوقع انهم مايتاثرو في البداية لكن بعد فتره اذا بنو الامريكان لهم هنا املاك وصار من حقهم ياجرون العماير والشقق
حنشوف اسعار الايجارات في التراب ..
طبعا هنا كل شي المستفيد من هذي الامور هو المستهلك ولكن لاحظوا انه زمام الامور التجارية حيمسكها الغرب حيعطونا انتاجهم وحيقتلون انتاجنا يعني اذا ماتم التفكير لتدارك الاوضاع ومحاولة المنافسه راح تكثر المشاكل يصير كل الامور بزمامهم فلوسنا ومصروفنا ودوامنا ويصير الواحد يقول ياليتني تعلمت انجليزي ...عشان السيطرة التجارية الغربية ..
هنا التجار العرب ميح والتجار العرب حيكونو توب للاسف والله هذي مصيبة وطامة اذا ماعرفنا نلحق الموضوع حيفلت وحيصير السيطرة صعبة جدا على الوضع الاقتصادي في حميع الدول العربية اذا كان الاقتصاد مسكته الدول الغربية !!!وصار بيد الشركات الغربية !!
كيف نستطيع السيطرة على هذا !!
بصفتنا نحن مصممين مواقع اتوقع انه الوضع بسيط لدينا خاصه انه الالكترونيات ماتم تعليمها بشكل جيد حاليا فيمدينا نستغل الفرصه ونطور برامج الكترونية قوية ونادرة وذات فكره متميزه وذات اداء عالي !! ونجد في الموضوع ولا نمل ومو عيب انه نبيع المهم اننا نبيع بسعر معقول ونحاول نكسب رضي اهلنا وناسنا ومانخلي الغرب يكسبهم باسعاره !!
والله بصراحة كان بودي اقول اشياء كثيرة لكن لضيق الوقت اقتصر على مااقول الحين واحب اختم بقولة ((اني مااعرف شي كامل عن حقيقة العولمة لكن فقط معلومة اخذتها وبدات تتشعب في راسي فبالله اذا احد شاف مني اي معلومة غلط يصححها لي حول هذا الموضوع ))
وتصبحون علي خير وانتظر تعليقاتككم حيال هذا الموضوع غدا
السلام عليكم
