السلام عليكم
ما يخفى عليكم موقع تويتر العالمي اللي يسجلون فيه الزوار ويظهر لهم مربع يكتبون فيه "وش يسوون الآن؟"
يعني تدخل الموقع خصوصي عشان تكتب "انا اتصفح الموقع الفلاني" او "انا اتسوق الان في السوبرماركت" .. وغيرها (طب انا مالي؟)
طبعاً عشان تستمتع بإخبار العالم عن كل تحركاتك لازم تكلم اصحابك واقاربك يشتركون في الموقع ويضيفونك كـ متابع (بضم الميم وفتح الباء)
وانت نفس الشي تضيف لك كم واحد وتقعد تتابعه
ومن زين الطبايع يرسلون لك رسالة على جوالك بأي اضافة يكتبها أي واحد من المضافين عندك في التويتر
اول ما اشتركت اضفت واحد فقط من اصدقائي وكل شوي تجيني رسالة (انا رايح اتعشى) ، (اليوم الجو حار) ...الخ وحتى اللي يبغى يضيف تعليق في التويتر يقدر برسالة جوال يرسلها على رقمهم الدولي وتوصل في الموقع وعلى جوالات كل اللي متابعين له @@
اللي قاهرني انه بدأت بالانتشار بشكل سريع في زمن الواحد فيه يدور الخصوصية ويشتريها بفلوس!
حاولت ابحث عن سبب مقنع او فائدة حقيقية لها ما لقيت غير هالثلاث:
اما ملاقيف يراقبون الناس! ----1
او ناس يعانون من فراغ عاطفي يرغبون بلفت الانتباه والحصول على الاهتمام من أي احد بأي شكل! ---- 2
أو نرجسيين متغطرسين مهايطية كأن الواحد فيهم وزير دولة وأي تصريح او تلميح من سموه راح يؤثر على قراراتي وتخطيطي! ---- 3
تكفون اذا انا فاهم غلط صححوني :looking: