السلام عليكم ورحمة الله وبركاته
والله مادري من وين ابدأ او وين انتهي والله اني كل ما تذكرت الموقف جلست اضحك
المهم في يوم من الايام بينما كنت اتجول واتجول واتجول واتجول << درينا انك تتجول بس وين ؟
كنت اتجول في صفحات العروض في ترايدنت
الا وشد انتباهي شخص يدّعي انه مبرمج ومحترم ولديه ايميل رسمي ووو ( من العوامل التي تشد انتباه اي صاحب موقع يطلب برمجة سكربت معين )
المهم شفت له بعض العروض قلت خلني اضيفه بستفيد منه في شغله
جيت اكلمه الا ويرد علي بطريقة الفاهم والخبير فعلاً وانا كنت مسوي اني دلخ وماعرف شيء
المهم قمت ركبت صفحه HTML بعد ما غيرت امتدادها الى PHP بس صفحة يعني لا قواعد بيانات ولا يحزنون
قلت له اخوي وش رايك في السكربت ذا لاني ابي واحد يكمله ويسويه بنفس طريقة العرض الي انا مسويها
قال ابشر بس عطني ثواني اتفحص السكربت
بعد مرور ثواني رجع لي ويقول والله اخوي تفحصت السكربت قلت له والنتيجه شوفوا وش طلع به :-
1- السكربت فيه اخطاء كثير
2- وراح يعمل لود على السيرفر
3- وراح يخترق بسرعة
قلت له عفواً اخوي وش الاخطاء الي تتكلم عنها ؟ وكيف عرفت انه فيه اخطاء وانت ما شفت ولا ملف من ملفات السكربت غير صفحة وحده بس ؟ واصلاً هو مافيه لا تسجيل عضويات ولا اكثر من ملف مجلد ملف واحد هتمل ؟
شافني نشبت له اخذ له ساعة صمت ثم رجع وقال
اسف اخوي انا الحين مشغول بمشاريعي وشركتي وعملائي انقلهم الى سيرفراتي الجديدة كلمني وقت ثاني وبساعدك
عاشوا ملوك الاستضافة وعاشت الانترنت العربي حراً ابياً
مسكين لو طاح فيه واحد من اخواننا الي بسرعه يصدقون كان الحين يبكي ويولول