السلام عليكم
اسوأ قرار أتخذته في الشبكة العنكبوتيه ! >>> الاستضافات العربية
اخواني اصحاب الاستضافات اتقوا الله في انفسكم تعب سنين يروح ( هباءاً منثورا )
ماعمرها صارت يا اخوان !!
كل مانقلت لمستضيف القى انواع الاهمال وعدم الدراية في ادارة السيرفر ولما تطلبه شئ لك ومن حقك مايرد عليك ويطنشك !
لمتى وأحنا انتهازيين وغير مبالين ؟
يا اخوان انا مليت زواري فقدتهم من كثر مايتوقف موقعي , اعضائي طفشوا وملوا من الموقع كله
والله العظيم فقدت مايقارب 60% من اعضائي بسبب توقف المنتدى بشكل متكرر وبطئ التصفح
اقسم بالله ان الستايل احترافي وخفيف جدا و الهاكات ماتتعدى 4 هاكات كلها ماتسوي لود ولاشئ على المنتدى
وماخذ ريسيلر حاط فيه منتدى صغير جداً وثلاث مواقع شخصيه واحد فيه مدونة ورد بريس والثانيات فقط واجهه ؟
وين اللود ووين الضغط الي بيجي عليه ؟
مو من حقي ان يكون موقعي شغال بنسبة 99,9% !
مو كل يوم خمس او ست ساعات الموقع مقفل وباقي الوقت بطئ وتصفحه بالـ ( dsl ) بطئ جداً !
بتقولون انقل لأستضافة ثانيه بقولكم هذي ثاني مره انقل والقى الاستضافات العربيه أغلبهم متشابهين , مجرد ماتنقل وتعطيهم الفلوس يبقى قابلني ان شفت وجهه ؟
طيب ليش الاهمال هذا ؟ ماتعرف ان فيه ناس تسهر ليالي ويقضون وقت وهو يتعب ويدفع على موقعه ويجذب زوار وأنت باهمالك وعدم درايتك في إدارة السيرفر تضيع تعبه ؟
ولامجرد جمع فلوس وبس
نصائحي لـ اصحاب المواقع :
1_ الدومين ( النطاق ) سجله بأسمك وبياناته تكون لك وتملكها ( لأني الان دومين موقعي اركض وراه عشان اسجله بأسمي )
2_ حاول تبتعد عن الاستضافات الغير رسميه والتي ليس لها مقر رسمي وسجل تجاري
لانه مو كل من اشترى سيرفر صار شركة استضافه لانه فتره يتهاوش مع الشركاء وانت تضيع بالطوشه مع مواقعك
3_ اذا ماتفهم في ادارة موقعك بشكل سليم لاتتعب نفسك وتفتح لك موقع لاني شفت صاحب استضافه يركب برودكت بـ خمسين ريال ! تخيلوا يضحك على الشعب ويركب برودكت عادي ماخذه من سوالف او موقع تطويري ثاني ويركبه بخمسين ريال والي يركب ستايل مجاني بـ 500 ريال ههههههههه والله عشنا وشفنا ضحك على الدقون وناس ماتخاف الله
معليش انا ماتكلمت إلا بعد ماذقت الامرين , واسف على ركاكة الاسلوب والله كتبت الموضوع وانا مقفله معي , وياليت تخلونه في العام عشان يشاهده كثير من الزوار وينتبهون.
ولاراح ارد على اي واحد يغير مسار الموضوع
وأكيد انه في استضافات عربيه لايعنيها هذا الكلام وانها من افضل شركات الاستضافه من ناحية الثبات والدعم الفني وسرعة التجاوب ولاداعي لذكرها جميعنا نعرف من هي .