أنقر هنا لنبارك لفوز المنتخب الساحق على الألمان

[عاشق البحر]

الحمد لله على نعمة العقل

اذا فاز المنتحب فروحوا به و كبروه و عطوه اكبر من حجمة تقول ذا البرازيل و لا الارجنتين

و اذا خسر مسحوا قيه الارض

عجيب !

[WWF Manager]

رد مقتبس من عاشق البحر
الحمد لله على نعمة العقل

اذا فاز المنتحب فروحوا به و كبروه و عطوه اكبر من حجمة تقول ذا البرازيل و لا الارجنتين

و اذا خسر مسحوا قيه الارض

عجيب !

إخوي لو إنهز المنتخب وشفنا لون البدلة أو رقمها على الحارس

بنقول المنتخب منتخبنا ، ولكن 8 لهم حق الشباب يظحكون ونكتون

بس لازم يكون في قلبهم نااار زيك كذا اكيد مو رااضي عن الهزيمة

والمنتخب السعودية من كان الهجوم له

[vb-lover]

[awm88]

بصراحه اكفايه عليهم

ما تسوى عليهم يصرو لعيبه منتخب

فيهم الي مكفيهم

يحصلوها من وين او من وين

[MrMaTriX]

بكرة بيفوزون ....

[ابو مشعل]

رد مقتبس من MrMaTriX
بكرة بيفوزون ....

اتحدى

[ziz]

سلام عليكم

الحمد لله الذي عافانا مماابتلاكم به وفضلنا على كثير ممن خلق تفضيلا

المسلمين بكل مكان يذبحون ويصلخون مثل النعاج وحنا همنا يفوز فلان وينهزم علان

والله هزلت

قال ايش قال يرفعون راسنا قدام العالم

ماشاء الله الشباب في معركة

لا ومن شين الامور قال ايش قال وطنية وطنية ايه ياعمي

على مدار التاريخ ماانتصر المسلمون ابدا بتراث هزيل او برياضة عقيمة أو بتقنية شكليه

وإنما بالدين ولا غير


أقول هذا الكلام وأنا لست بمحث او شيخ وإنما شخص من امة الاسلام

لكم تحياتي والحمد لله الذي عافاني من مرض كرة القدم ولله المن والشكر



وبس


عبد العزيز

[الزير سالم]

السلام عليكم.

ياشباب المنتخب السعودي أفضل من أي منتخب عربي غير المنتخب المغربي...وهذا ما يختلف عليه إثنين...علشان مانعطي الحساد مجال يقولو عنا أي كلام...

وبعدين الفيفا محددين مقاعد معينه لآسيا وكان الأجدر المنتخب السعودي بأنه يتأهل على حساب العراق وإيران والبحرين وتايلند..

ولا تقولو المنتخب الإيراني هو اللي يستحق....لا المنتخب السعودي لعب أحسن وإنظلم قدام إيران بإيران...وكمان فوز البحرين الغالي على إيران ساعد في تأهل الأجد بالتأهل...
المهم...هذي مقدمه لكلامي..
الألمان إنهزمو قدام إنجلترا في عقر دار الألمان بخمسة أهداف!!!!!!
وبعدين المنتخب السعودي مو منتخب سيء علشان تضحكون وتعلقون عليه!!!!
بصراحه ولا تزعلون مني كل واحدعلق على المنتخب السعودي اعتبره قليل خاتمه ومنافق ...ليه..
لأنه اذا فاز المنتخب السعودي يمشي بين الناس ويقول انا سعودي ومن قدي ويتظاهر بوطنيته أو عروبته ولما ينهزم يقعد يقول مثل ماقلتو انتم....

صعب تفهمون....بصراحه مثل مايكون هنالك تدريب للاعبين وتمرينات وتطوير لأدائهم ...لازم يقابله توعيه للجماهير الرياضيه من خلال نشرات او برامج يقوم بعملها الإتحاد السعودي والعربي...
.....................................................................................


وبعدين فيه سؤال محيرني؟؟؟؟ أتمنى تجاوبو عليه؟ اذا سمحتو وإنسو الكلام السابق.

ليه قناة دبي الرياضيه ماكانت تنقل مباريات المنتخب السعودي الوديه؟؟مع العم إنها كانت تنقل مبارايات أضعف مستوى من مبارايت السعوديه؟؟؟؟؟؟؟؟؟؟؟
وكمان ليه قناة دبي الرياضيه ماتنقل أخبار الدوري السعودي؟؟مع العلم إنها تنقل أخبار الدوري السوري؟؟؟

[عصفورة الزمن]

اخوان بإختصار..

منتخبنا انهزم .. ايه انهزم.. لعب سيء .. ايه كان لعب سيء..

لكن شغلة انه ليه ننهزم بثمانيه..

يا اخوان اولا حط في عقولكم ترا رحنا والا جينا دولتنا كلها مالها 50 سنة يعني الكوره متى تطورت عندنا ما تطورنا الى من بعد الثمانينات والحمدلله اعتبر انا حققنا العاليمة في كل شيء.. دولتنا ما قصرت ومنتخبنا ما قصر من فريق ولا شيء الى فريق ينافس في كأس العالم ، يا اخوان مو الغريب انا ننهزم الغريب انا نفوز هذي الحقيقة اذا فزنا فهذا الغريب لكن الهزيمه معروفه ومختومه من ضمن الضمان ، صحيح انه كان بإمكاننا نجلس كلنا دفاع ونطلع على الأقل بالتعادل السلبي لكن يا اخوان هذي الكوره بعدين وش فيها ترانا السعوديه وهم المانيا وفازوا علينا بثمانيه صفر .. طيب لا تنسون انه بالتصفيات الأخيره لأوربا انهزمت المانيا من انجلترا مجر انجلترا انهزمت من المانيا المهم انه النتيجه 5/1 وهما فرق من الصعب ان نصل لمستواهم فإذا هم انهزموا بخمسه يحق لنا حنا ننهزم بثمانيه لكن فعلا مو راضين عن المستوى .. لكن ما نجلس نتهزأ كذا واللي يشوفنا يقول انا البرازيل .. اخوان بالعقل من تبون فريق اسيوي أو عربي ينافس بروح قتالية بصراحه غير المغرب مافي يجي بعدها السعوديه .. واحمدوا ربكم انها السعوديه اللي لعبت مو الامارات اللي مع الصين وتاخذ من ثلاثه اجل لو لعبت مع المانيا اقل شيء درزن قولوا الحمدلله ان السعوديه هي اللي تمثلنا وهم رجال وفيهم الخير والبركة ودعواتنا معهم وبالتوفيق...

[2002]

اتوقع يفوز اليوم المنتخب الأردني بهدفين مقابل هدفين للسعودية

[2002]

شباب وش قصة المضاربة

يقولون في مضاربة بين سامي الجابر وأحد زملائه اتكسرت على اثرها يدين اللاعب السعودي مدري والله أي واحد ما استمعت للتقرير عن الحالة .

؟؟

[عاشق البحر]

يا عيني عليك يالزير سالم

و الله افحمتهم بقلمك الرئع

تحياتي

[PasT]

شلونكم يخوان خوش موضوع واللي ربحان من هذه النتئيجه شركات الاتصالات من المسجات الهائله
وثانيا انا مستغرب ليش المشرفين مانقل هذا الموضوع لقسم سوالف
عامة ياخوان القسم هذا برامج تطوير المواقع ( وأستفادة ) واما أذا عنده كلام وتعليق يروحووو لقسم السوالف العامة ويضحك ويشرب كبتشيونوو ويعلق على راحته
من النتئيجه 9/0 وانا اتمنى من المشرفين نقل هذا الموضوع وشكرا

[رضا]

السلام عليكم
بداية كما ذكر الأخوة فأنا أستغرب بقاء مثل هذا الموضوع في هذا المنتدى و هذا المنبر !!
و الذي أستغرب منه أكثر هو كاتب هذا الموضوع فإضافة لما ذكره الأخ زعيم 2000 بأن صاحب الموضوع لديه موقع إسلامي كبير فأنا أعرف صاحب هذا الموضوع شخصياً و لم يخطر ببالي أبداً أن يكتب موضوع كهذا !! .. و لا أقول إلا الله المستعان ولا حول ولا قوة إلا بالله ..
الأمر الثالث أحببت التنبيه لبعض الكتابات و الردود التي ذكرت سواء من كاتب الموضوع أو من المعلقين ..
- أولاً يا إخوة بارك الله فيكم ( الغيبة محرمة ) و كلكم يعلم الغيبة و حكمها و لمن لا يعلم فهي ذكرك أخاك المسلم بما يكره .. و رأيت أن بالموضوع ذكر لكثير من الأشخاص سواء الرياضيين أو غيرهم بأمور لا يرضونها فاقول اتقوا الله ولا تأكلوا من لحوم إخوانكم المسلمين ..
- ثانياً أذكرك بحديث المصطفى عليه الصلاة و السلام (( لا تكذب و لو كنت مازحاً )) و قوله صلى الله عليه و سلم (( ويل لمن كذب ليضحك القوم ويل له ويل له )) وويل قيل العقاب و العذاب و قيل أحد اسماء النار .. فاتقوا الله يا أخوان في أقوالكم و كتاباتكم فرب كلمة تقولها أو تكتبها لا تلقي لها بالا ترمي بك في جهنم سبعين خريفا ..
- ثالثاً (( مرسوم ملكي بتغيير العلم الوطني من" لا اله الا الله " الى " لاحول ولا قوة الا بالله )) هذه الجملة بها سخرية بكلمة التوحيد
.. (( ........ يأمر بأغلاق المرمى السعودي لأداء الصلاة )) ما المقصود منها ؟!! .. و غيرها .. الله المستعان .. و لا أقول إلا حسبي الله و نعم الوكيل ..
الأمر بالنسبة لي سيكون مختلف لو كانت الكتابة من غير أبومعاذ هذا .. لكن والله طحت من عيني يا أبومعاذ بعد موضوعك هذا ولا تحاول تصرفها و تقول أن أخوك الكبير كتبها لأني أعرف أخوك الكبير ولا أعتقد أبداً أنه يكتب هذا .. ثم أنت مسؤول عن هذا الإسم و ما يكتب فيه فاتق الله وكن مفتاحاً للخير مغلاقاً للشر ..
و السلام عليكم

[زعيم2000]

جزاك الله الف خير اخ رضا على التعقيب

بعد سؤال الاخ ViPSiTe عن هل يليق بشخص مثلك لديه كبر هذا الموقع ان تكتب مثل هذا الموضوع ؟!

اجابته ابداً لم تكن مقعنة ولا تدخل الرأس وانما تصريفة 1000%

قال لي :: نحن نملك شبكة في منزلنا ،، والكوكيز ينتقل بين الاجهزه فذهب الكوكيز إلى جهاز اخوي ( Space toon ) ?

قصة خيالية قد يكون الأخ متأثر بـ Space toon

محدثكم يملك شبكة منزلية لأكثر من جهاز لكن مستحيل ينتقل كوكيز إلى الجهاز الاخر طيب لو انتقل ايش عرف اخوه الكبير بمنتدى سوالف لتطوير المواقع وإلا الكوكيز نقله إلى إضافة موضوع في الحال

عجباً !!

تحياتي

اخوكم : الكاسـر