السلام عليكم ورحمة الله وبركاته
من خلال قرائتي للمواضيع بقسم (التسوق عبر الانترنت) .. اشوف معظم المواضيع تتكلم عن شركات الشحن مثل الأرامكس والفيدكس وال دي اتش إل ..
طيب شفيها مؤسسات البريد المحليه؟ أو أصيغ السؤال بطريقه ثانيه .. لماذا لا تتعامل مع مؤسسات البريد المحليه؟
بالنسبه لي من النادر جداً إني أتعامل مع شركات الشحن .. على سبيل المثال الأرامكس اتعامل معاه داخلياً .. وغالباً يوصلون لي بطاقة تلفون sim card أو كردت كارد (يعني شغلات بسيطه) .. أو إذا شريت شي من الخارج وكان الأوبشن الوحيد المتوفر إني استلم اللي شريته عن طريق هالشركات ..
99% من اللي اشتريه استلمه عن طريق صندوق البريد .. سواء بريد مسجل أو ممتاز وبمختلف الأحجام .. طبعاً اتعامل مع (مؤسسة بريد الإمارات - الشارقه) .. عندهم نظام tracking تقدر تعرف من خلاله وين وصل الغرض اللي طلبته .. بالإضافه إلى أنهم يتصلون عليك بمجرد وصول البريد المسجل .. وحتى لو الغرض اللي طلبته حجمه كبير ياخذون جمرك بسيط جداً .. وطبعاً هالشي أوفر لي بوايد من التعامل مع شركات الشحن (العالميه) ..
بإنتظار مشاركاتكم