السلام عليكم ورحمه الله وبركاته
اسعد الله اوقاتكم بكل خير اخواني ...
حبيت في هالموضوع نتبادل الخبرات عن افضل وارخص مكان لاجراء الاتصالات الدولية عبر الانترنت
فيه مواقع كثيرة على الانترنت تقدم خدمة الاتصالات الدولية وباسعار رخيصه ولكن اغلبنا امكن ما يعرفها . فاليت من خلال هالموضوع اللي عنده تجربه لاحد هالمواقع اللي تقدم خدمة الاتصالات عن طريق النت او معلومة يفيدنا ويشاركنا فيها ..
عن نفسي يا اخوان استخدم الاتصالات الدولية كثير ، واسعار شركات الاتصالات عندنا ما يحتاج مثل المنشار طالعين ماكلين ونازلين ماكلين :court:
جربت الاتصال بواسطة السكايب اسعاره منخفضه بشكل بسيط عن سعر شركات الاتصال عندنا في البحرين وخصوصا دول الخليج والعربية يعني ما فيه فرق كبير بالاسعار ..
عطاني احد الاخوة موقع actionvoip.com وقالي جربه وبتدعيلي
سويت حساب وشحنته بـ 10 يورو وصراحه اسعاره مميزه ورخيصه
مثلاً كنت اكلم المانيا من جوالي العادي الدقيقه 450 فلس ومن خلال خدمة الموقع ، 33 فلس للدقيقه والارضي 3 فلوس فقط
فرق الشمس والارض !!! مثلاً كنت اشحن جوالي 50 ريال اكلم المانيا تقريبا 11 دقيقة بس !!
وعقب ما ركبت برنامج موقع actionvoip.com على جوالي وبديت استخدمه
10 يورو استخدمت فيها اكثر من ساعه ونص ع المانيا وتقريبا نصف ساعه ع امريكا .. واتصالات للمكسيك والكويت ويالله خلصت الـ10 يورو !!
هذا مثال بس ع المانيا .. وباقي الدول مثل الكويت وغيرها اسعارها ارخص من النصف ..
الحلو بالموقع انه مخصص برنامج للجوالات تقدر من خلاله تتصل دون الحاجه لجهاز الكمبيوتر .. تنزل البرنامج ع جوالك وتحط معرفك اللي انت مشترك فيه بموقعهم " تكون طبعاً شاحنه بمبلغ معين " وعقبها تدخل البرنامج من الجوال وتشبك عن طريق شبكة الوايرلس وتتصل فيه ..
اللي عجبني في الموقع يا اخوان عدة امور اهمها طبعاً
- سعر منخفض للاتصالات الدولية
- وضوح الصوت وعدم تقطيعه
- برنامج الجوال للاتصال
وهنا اسعار وتكلفة الاتصال
http://www.actionvoip.com/en/rates.html
مميزات الموقع كثيرة ولكن اخليكم تكتشفونها بانفسكم .. وانا متاكد فيه افضل وارخص منه ...
وانا ما اكتب الموضوع هذا دعايه للموقع وانما من باب تبادل الخبرات .. ياريت اللي عنده موقع او يعرف طريقة للاتصالات الدولية عن طريق النت وتكون رخيصه يفيدنا فيها
والله تعبنا من جشع واحتكار شركات الاتصالات عندنا ...
اتمنى التفاعل
اخوكم
يوسف