سلام عليكم ورحمة الله وبركاته,
هلا وغلا نور ناوي تنضم لنا عملاء توكيلات جيب وكرايزلر ودودج
,
طيب شوف اخوي نور بوضحلك كل شـي انا لي سنه معهم سيارتي Jeep srt8
السيارات اللي عندهم رائعه جداً , ومريحه وشكلها قابل للتعديل ان كنت من هواة التعديل
الفئات :-
الدوج فيها 4 فئات
الإستاندر - سيئه بعد عنها سعرها جديده وكاله بـ 80 تقريباً لكن لا سيدي ولا شـي .
فئة الأعلى من الإستاندر - حلوه لشخص ماتهمه السرعه او قوة المكينا ويهمه الشكل وراحة البال.
فئة الـRT - وهي فئة مثل السابقه بإختلاف بقوة المكينا + الجنط + شكل الحرفين RT احلى .
فئة الـSRT8 - كل فئات الـSRT8 سرعه عالـيه ولمن اقول عاليه اقصد توصل لـ420 حصان وفوق مع اختلاف الجنط طبعاً عن اللي قبلها ( ملاحظه السياره هذه الوكيل عندنا مايجيبها فكل اللي بتحصلها بالسوق أمريكي ) .
نجي الحين للأسعار بخصوص لو حصلتها مستعمل , اول شـي لا تاخذ اقل من 2008 ابداً ويكون الضمان فيها ( ملاحظة الضمان أحياناً يكون 5 سنوات او 60 ألف كليو أو 100 ألف كيلو حسب رغبة مشتري السياره الأول ) عشان لا قدر الله اكتشفت شي كذا ولا كذا بعد الشراء عندك ضمان .
السعر اللي ممكن تحصل فيه 2008 نظيف وحلو بين ( 78 الى 95 ) ألف هذا طبعاً سعر الـRT الفئات الثانيه لو تجاوزت الـ80 ابعد عنها مره بيكون سعر مبالغ فيه .
نجي للوكيل حسـبي الله عليه
بخصوص سيارتي الحمدلله سيارتي مافيها مشاكل لكن والله واحلف وحنا صايمين
يا أخذ مني فلوس على الصيانات لين قال بس
, طبعاً أكيد هي تختلف من فئة لفئة فالصيانات عشان كذا لاتشيل هم الصيانه من 10 أعطيها 7 ونص , اهم شي ضبطلك واحد بالوكاله تعرف عليه وبيضبطك .
ان شاء الله مانكون قصرنا وإن بغيت شي حاضرين .