استغربت من الاعلان الموجود في الاعلى في سوالف سوفت عن وجود ثغرة في بريد الهوتميل! هل فعلا لا زال هناك من يستخدم الهوتميل؟ الصغار والكبار اصبحوا يستخدمون الجيميل لانه اسهل واسرع.. او هكذا اظن
عموما ماراح اتكلم عن المساحة الكبيرة والامان وقوة فلترة السبام في الجيميل والاشياء الثانية المعروفة لكن راح اسرد بعض المميزات الجبارة فقط:
١- النقطة ما تفرق:
في ايميلات الجيميل النقطة ما تفرق وجودها من عدمها ابداً، مثا اذا ايميلك user.name@gmail.com فهو نفسه username@gmail.com
حتى لو انك انشأت ايميلك اصلا بدون نقاط مثل example@gmail.com فتقدر تستخدم الايميل هذا ex.ample@gmail.com او هذا exa.mple@gmail.com او حتى هذا e.x.a.m.p.l.e@gmail.com
الفائدة:
بالنسبة لي انا استخدم الايميل ابو نقطة قبل اخر حرف للمنتزيات او الخدمات اللي تتطلب تسجيل وتفعيل وبعدين ما ابغى اشوف منهم او اسمع منهم اي شي، نفترض ايميلي هو example@gmail.com انا اخليه exampl.e@gmail.com واسجل، ليه طيب؟
لأني مسوي فلتر اي ايميل يجي على exampl.e@gmail.com يروح للمحذوفات! :app:
٢- علامة الزائد :
بعد اليوزر حق ايميلك و قبل علامة الـ @ تقدر تحط علامة زائد واي كلمة/حرف، مثلا example+hani@gmail.com وراح يوصلك البريد طبيعي جدا، طبعا تضيف اي شي ان شاءالله example+akdj8whkjsdho89823rjlhweljh4398r4lh@gmail.com <-- هذا برضه ايميلك تقدر تعطيني اياه ارسل لك عليه اللي تبي :app:
الفائدة:
لك ان تتخيل!
ممكن نفس الغرض كالنقطة السابقة
انا حاط example+school@gmail.com في قائمة الكونتاكنت حقتي وارسل لنفسي الواجبات المدرسية ومسوي لها فلتر خاص بها، بكل بساطة اذا بغيت ابحث عن واجب او ملف ارسلته لنفسي متعلق بالمدرسة ابحث داخل هذا الفلتر فقط
نفس الشي حاط example+twtr@gmail.com لاستقبال اي ايميل يجيني من تويتر بخصوص منشن او رسالة خاصة، بحيث يتم ارشفة كل الايميلات الواردة تلقائياً وهكذا!
ملاحظة: الميزة رقم ٢ هذي معناها من ايميل واحد في جيميل تقدر تسوي عدد لا نهائي من الايميلات، لكل خدمة ولكل غرض ولكل مناسبة ايميل مختلف وفي نفس الوقت نفس الايميل اللي تستخدمه!
٣- التراجع:
هذي الميزة قاتلة وموجودة من زمان في الجيميل بس استغربت انه فيه كثير ما يعرفها!
فيه في الاعدادات خيار التراجع عن ارسال الايميل بعد ١٠/٢٠/٣٠ ثانية بحيث انك اول ما تضغط "إرسال" يجيك جنب الرسالة الصفراء اللي تظهر فوق كلمة undo ... طبعا لاني مفهي ولا اراجع ايميل ووش كتبت الا بعض ما ارسل فادتني كثير هالحركة، ما ابالغ ان قلت اني من بين كل ١٠ ايميلات استخدمها عالاقل مرة! احيانا ودك تشيل شي ماله داعي ا، تضيف شي يحسن الموضوع!
٤- المرفقات:
فيه برضه في الاعدادات خيار تفعيل التذكير بالمرفقات، اعتقد تشتغل على الايميلات المكتوبة بالانجليزي فقط، بحيث انك اذا كتبت في ايميلك "مرفق" او "مرفقات" او "ارفقت لك" او اي شي له دخل بالمرفقات وفي نفس الوقت ما كان فيه مرفق في الايميل يجيك تنبيه انك ترى ما حطيت شي في المرفقات! حلوة برضة للمفهيين مثلي :app:
٥- اضغط هنا وشيك بنفسك
تحياتي