-
موقع مميز للبيع لاعلى سعر ..
السلام عليكم ورحمه الله وبركاته
النهارده وللاسف انا بعلن الموقع للبيع
ودا لاسباب كتير جداا اهمها الانشغال وعدم القدره تماما على متابعه الموقع
طبعا الموقع كأسم معروف كويس اوى ومش محتاج تعريف وانا هعرفكم كل حاجه تخص الموقع
اولا الدومينات
1 - دومين Tarae3o.CoM ودا عمره 5 سنين بالضبط من 14/2/2007 و هينتهى فى 14/2/2013
2 - دومين Tarae3o.Net ودا عمره كام شهر يعنى وهينتهى فى 13/2/2013
والدومينات دى من الشركه الامريكيه Goddady
ثانيا الاستضافه
الاستضافه على سيرفر خاص مواصفاته كالتالى
8Cpu - CPU Intel(R) Core(TM) i7 CPU 920 @ 2.67GHz
Ram - 8G DDR3
HDD - 750*2
بالاضافه الى انه ترافيك مفتوح من بعد 5000 جيجا الكونيكشن بتقل ودا سعره 49 يورو شهريا يجدد شهريا فى يوم 15 من كل شهر
والسيرفر ده من الشركه الالمانيه Hetzener و اعدادات السيرفر واعدادات الحمايه عاملها شركه امريكيه وهى Platinum Server Management
ثالثا التراخيص
1 - ترخيص Cpanel سعره 38 دولار يجدد شهريا من الشركه الامريكيه BuyCpanel
2 - ترخيص المنتدى النسخه الرابعه مدى الحياه لا يجدد شهرى ولا سنوى ودا سعره 1300 جنيه تقريبا من الشركه الامريكيه vBulletin
3 - ترخيص سكربت الافلام والكليبات المشاهده المباشره الى على الرابط ده movies.tarae3o.com من الشركه الامريكيه phpsugar ودا سعره حوالى 300 جنيه مصرى مدى الحياه
رابعا اقسام الموقع والى هيتضمنه البيع
1 - المنتدى ويضم حوالى 310 الف عضو و 177500 موضوع و 892 الف مشاركه
2 - مكتبه مشاهده الافلام والكليبات ودى بتضم 104 عضو وفيها حوالى 790 فيلم لكن اغلبهم مش شغال لان اغلبهم كان مرفوع للاسف على ميجا فيديو الى اتوقف
3 - مكتبه الالعاب الفلاش ودى بتضم 3000 عضو و حوالى 1100 لعبه
4 - صفحه على Facebook بتضم 17340 عضو
5 - اكونت سيرفر ويندوز شغال لحد يوم 20/9/2012
6 - هاك وسكربت اختصار الروابط الاوتوماتيكى بس طبعا الدومين انت هتشتريه لان الدومين الى انا عامل عليه اختصار الروابط مش هسيبه
خامسا احصائيات الموقع
وهو باختصار اليكسا ظاهر كل شىء الموقع كان ترتيبه 20 الف على العالم و 200 على مصر لكن بعد 5 شهور بدون اهتمام ودا لظروف خاصه و بسبب تغيير النسخه وتغيير معظم اعدادات محركات البحث اصبح ترتيبه كما هو حاليا وطبعا على اليكسا تقدر تشوف تاريخ الموقع كله
اما فى احصائيات جوجل فزوار الموقع تقريبا فى رنج 13 الف يوميا
اما الارشفه فى جوجل فتعدى 900 الف رابط ودا تقدر تشوفه من هنا
سادسا واخيرا السعر و الاتصال .
اولا السعر المطروح هو اقل سعر انا بطلبه فى الموقع ولا يشمل الاستضافه لكن انا هبعت طبعا بيانات السيرفر للمشترى اذا حب يجدد مع نفس الشركه هو حر مش حابب وعايز ينقل برده هو حر بس عشان مش يتذاكى عليا واحد ويقولى اخصم الاستضافه انا مش عايزها
ثانيا لو معاك ترخيص منتدى مثلا و عايز تشترى الموقع من غير الترخيص مفيش اى مشكله
ثالثا مستعد اساعد المشترى فى اى مشكله فنيه فى الموقع بعد الشراء لمده هنتفق عليها ودا مش عشان هو ميعرفش بس عشان اكيد مش هيعرف الاعدادات كلها
رابعا الاتصال مش هيكون الا من خلال الايميل ده commander@tarae3o.comوبالمراسله ودى مش تناكه يعنى بس فعلا انا مش بستخدم اى ماسنجر من اى نوع
يعنى الى جاد فى الشراء يبعت رساله على الميل او يكتب موضوع فى رأيك يهمنا ويكتب فيه اى حاجه هو عايز يقولها والسعر الى هيشترى بيه ومع احترامى للجميع انا هبيع لاعلى سعر يوصلنى فوق الحد الادنى الى هحدده وهو 6000 جنيه مصرى اعلى سعر هيجيلى فوق 6000 جنيه هديله الموقع فى نفس اليوم وهنتظر الرسايل لمده ثلاث ايام لان تسليم الموقع هيبقى فى 1 / 9 /2012
استلام الفلوس او التحويل من مصر هيكون اما ايداع فى NSGB او HSBC و ممكن اوفر حساب فى البنك الاهلى المصرى
اما من خارج مصر هنتفق على الطريقه وغالبا هتكون وسترن يونيون ومصاريف التحويل عليا انا مش على المشترى ..
التسليم فى نفس يوم التحويل والمشترى هيستلم كافه البيانات والايميلات الى تخص الموقع
و امنيه شخصيه ان المشترى يكون جاد وفعلا هيقدر يشغل الموقع لان انا كنت بفكر اقفله خالص لكن قولت ابيع احسن لحد يقدر يشغله ويكون متفرغ ليه بدل ما يتقفل لان الموقع فعلا عزيز عليا جدا وحاسس انى ببيع عيل من عيالى
-
السلام عليكم جاري الاتفاق مع الاخ ... بالايميل
-
وصلتنى رسالتك ويشرفنى التواصل معك ..
-
لو ما تم الاتفاق ارجو اعلامي وايجاد طريقة للنقاش وايضا نحتاج بعض الاثباتات لملكية الموقع
__________________
موقع شركة ديزاين بروف
الماسنجر sa3di @ msn . com
أرقام الهواتف:
الشركة : 00213560170355
-
توصلت لاتفاق مع الاخ سبعات و مازلنا فى انتظار التحويل
واثبات الملكيه كيف ؟؟ الايميل رسمى اولا ثانيا هذا رابط الموضوع من داخل الموقع نفسه
http://www.tarae3o.com/vb/showthread.php?t=206805
اى اثباتات اخرى انا حاضر لها ..
-
تم الاتفاق مع الاخ النمر الابيض
وادعولي وادعوله بالتوفيق ان شاء الله بالبيعة
-
تم ارسال النقود للاخ االنمر الابيض وانا الان انتظر المعلومات الخاصة بالموقع
الرجاء تأكيد الاستلام
والله يوفقني ويوفقه في البيعة
التعديل الأخير تم بواسطة سبعات ; 03-09-2012 الساعة 02:35 AM
-
تم الاستلام وجارى تسليم البيانات
-
تم الاستلام
بصراحة انا كنت متخوف من الارسال بدون وسيط لكن توكلت على الله وارسلت
لكن ماشاء الله الاخ النمر الابيض انسان خلوق محترم صادق ... انا اتمنى له كل التوفيق ان شاء الله والف مبروك على الزواج اخي والحمدلله كسبت اخ وصديق من مصر .
-
اشكرك اخى العزيز سبعات
وانا الى كسبت اخ وصديق محترم واتمنالك التوفيق فى الموقع وتكون ان سبب فى اعادته الى مستواه باذن الله
لك خالص التقدير ..
-
ربنا يوسع على البايع والمشترى
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
أضف موقعك هنا|
شقق للايجار في الكويت |
بيوت للبيع في الكويت |
شركة كشف تسربات المياه |
شركة عزل اسطح بالرياض |
عزل فوم بالرياض|
عزل اسطح بالرياض |
كشف تسربات المياة بالرياض |
شركة عزل اسطح بالرياض