السلام عليكم
الواحد بصراحه مش عارف يبدأ منين احم احم
يوم الاحد هاعمل اول عمليه بالمخ لتوسيع وريدين بالمخ .. وفى وريد فيه انسداد ايضا ..
بصراحه العلاج هنا مختلف تماما اسألو فراس عنه
بدايه انا كنت جي مكتئب وزهقان .. بيتي واهلي الى اخره !!
هنا اول حاجه بيهتمو بيها هيا النفسيه .. كل الدكاتره اجمعو علي ان نفسيه المريض وحدها ممكن تموته او تخلي صحته كويسه
وبالفعل من يوم ما بدأت كورس العلاج قبل شهرين .. رحلات فى رحلات ويوفرو جو هادي جدا جدا جدا .. جلسات لحل المشاكل الشخصيه .. نصائح .. حتي انهم بيخلوك فى وقت فراغك تعمل الشىء الى بتحبه باحتراف بمعني .. بتحب الموسيقي يجيبو لك استاذ موسيقي يعلمك .. بتحب الكمبيوتر والبرمجه يجيبو لك خبير يعد ويضحك معاك .. وكل دا عشان نفسيتك تكون احسن
صدقوني لو قولتلكم من قبل ما اعمل العمليه بمجرد اني صاحبت الناس هنا وبهزر وبضحك حاسس اني خفيت من كل الامراض الى عندي ..
صدقوني صلاه وقرائه كتاب الله .. + البرنامج الى عاملينه شال من علي هموم الدنيا .. ادعولي بقى يوم الاحد علما اني مش خــايف مش عارف ازاي داخل وفرحان مع اني بخاف من شكه الابره اساسا :eek2:
الشىء التاني معلش طولت عليكم كان طلبو مشرفيين عشان يساعدوهم فى الاسبام وكدا بس انا قررت اعمل ثوره بقيت بقفل مواضيع واثبت مواضيع يعني بلطجه والى مش عاجبه يقول
بجد احنا محتاجين نتغير وانا اولكم .. مفيش داعي موضوع يتعمل سواء مفيد او غير مفيد .. يتقلب لمشكله ..
ببساطه مش عاجبك الموضوع اخرج من غير رد .. لكن رد مستفز هايجيب رد مستفز وهانوصل ان الموضوع يتقفل .. طيب ليه !!
بعضكم بينصب نفسه استاذ .. وكاتب الموضوع تلميذ .. ممكن يعلمه الادب .. وممكن وممكن .. !!
الى عاوز اقوله لكم كل واحد حـــــــر انت مش هاتنصب نفسك رقيب عليا موضوعي تافه او موضوعي كويس ..
ببساطه انا لما اشوف تجاهل الاعضاء لموضوعي هافهم انه غلط .. لكن بردك المستفز هاتخليني اعاند معاك وفى الاخر سوالف هو الى بيخسر مش انت ولا هو ... واعضاء بتطفش
بصراحه فرحان جدا اني بشوف اعضاء كانو تركوو المنتدي بسبب المشاكل .. ورجعو له تاني مش بمزاجهم اسألوني
سوالف هيرويين .. حاجه كدا الواحد مهما بيشوف منه بيرجع له ... وهو دا الادمان ..
بجد تعالو اننا نغير من نفسنا وانا اولكم تاني ونحاول ننهض بسوالف من جديد طبعا مش زي نهضه محمد مرسي بتاع مصر
وبعد موضوعي دا لو خرجت سليم من العمليه .. يا محمد الفارس زود صلاحياتي عشان اشوف قسم صوت الاعضاء واقدر اساعدهم الى عاوز يغير اسمه .. الى اخره من طلباتهم
ارجع لكم بعد اسبوع من الان يا سليم يا جثه وفى كلا الاحوال اسف لو زعلت حد مني فى يوم ..
خشباوي وغيره كتير زعلتهم مني انا عارف بس سامحوني ما بعرفش انافق وعصبي شويه .. لكن انتم طيبين وانا طبعا طبعا طبعا استاهل :eek2:
يلا نشوفكم علي خير :eek3: