السلام عليكم
المعذرة يا مشرفين , مدري وين احط هالموضوع
رحت للهاردوير لقيتهم يفككون مسامير وقلت انحاش
رحت لمكتب خدمات الحاسوب لقيته مقفل يوم الجمعة
لا صحيح , مايناسب موضوعي ابداً , واغلب مواضيعهم برامج
انا ابغى اسأل عن برنامج بس اكبر شوي (الوندوز)
*****
انا كنت اشتغل على وندوز 98 من ثلاث سنوات
وماحبيت اغيره ابد
لكن طلعت في راسي اركب وندوز اكس بي للناس البروفيشينال والحريفه وقلت خلني اكشخ مع الخلق ياولد
من بعد ماكنت متمسك بال 98 بشدة
المشكلة اني ركبت عالجهاز وندوز اكس بي و 98
والهارديسك = 30 قيقا
حطولي 20 قيقا للوندوز 98
و 10 قيقا للوندوز اكس بي
واحس ان الدنيا ملخبطة علي
مو من المفروض يكون كل الاصدارين في درايف واحد؟
في ال C فقط؟
ويكون D فارغ كلياً؟
ام انه تثبيت الاصدارين يحتاج الى تقسيمهم على C و D ?
******
انا سألت لاني احس الاكس بي بطيء وثقيل على جهازي
وخفت يكون من طريقة التقسيم!
وجهازي مواصفاته مش ولابد
بنتيوم 3
وسرعته 700
والرام كان SDR 128 والسرعه 100
وكنت ابي ازيده رام من نفس النوع لكن قالوا انه منقرض من السوق
وفعلاً بحثت بالشرقية كلها مالقيت احد عنده بنتيوم 3 غيري اصلاً
وركبولي SDR 256 بسرعة 133 + القديم
وصار الرام عندي 384 شي منه بسرعة 100 وشي بسرعة 133
وانا بصراحة ماعمري سمعت برام 384 غير جهازي الحفلة
اخبر الناس يا 128 يا 256 يا 512
وتجي قطع الرام سرعتهم وحده ومتساوية
*******
المهم الحين من الموضوع
هل هو طبيعي تقسيم اصداري الوندوز على قسمين من الدرايف؟
وهل من الممكن تكون في قسم واحد فقط؟ C مثلاً؟ مع امكانية انتقاء الاصدار المطلوب تشغيله عند بداية تشغيل الجهاز؟
*****
هذا علمي وسلامتكم
محدثكم خالد من الوندوز الاكس بي البروفيشينال <<-- كاشخ ومستانس
وعقبال ما اركب الوندوز الجديد آخر مديل 2003 فور طرحه في الاسواق
أقولكم , احد وده يشتري الجهاز؟
تراه يحول من 110 الى 220 توماتيك