السلام عليكم ورحمة الله وبركاته
ما ادري شلون ابدء يا شباب ....
من فترة وانا احس اني متغير وصرت احس بملل عجيب وكئابه وحزن لو تسألوني ليش قلت لكم ما ادري؟ انا ما كتبت هالموضوع في هالمكان الا انا اعتبركم مثل اخواني وانتم شباب حالي حالكم وفي كثير من الشباب اثق فيهم امثال سردال الله يرضى عليه ... المشكلة يا شباب اني مو مثل باقي الشباب من ناحية الخرابيط وووو يعني لاني راعي اغاني و اسمعها وصلاتي بالمسجد بس ما ادري احس بكئاب وزادت علي في الاجازة ما احس ان عندي شيء احاول اضيع وقت وحاولت استفيد من الوقت بس ماش ما احس اني قادر استفيد منه احس اني متحطم مالي خلق اسوي ولا ايـــــــ شيــــء ليش؟ ما ادري الوقت يروح في النوم غالباً وعلى الكمبيوتر
فا وش الحل يا جماعة الخير
دكاترة نفسيين واعطوني ادوية وقالو ان فيك حساسيه مفرطه ومن كثر ما تزعل صار لك هالشيء ؟ بس ماش ما اقتنعت.... ولا في فايدة ومشايخ ورحنا وقالو مافيك الا كل عافية
قلت يمكن احد مر عليه مثل هالمشكلة وان شاء الله لقى حل
ودي ادخل نادي مثلاً او اخذ دورات في امور معينة بس احس بكسل عجيب
فيني عجز وكسل ما تتصورون كيف لدرجة ان اشترهت فيه
في انتظار اي كلمة تهدي بالي شوي
لا تنسوني من دعائكم الله يخليكم
اخوي سردال يمكن تستغرب ليش حطيت اسمك في العنوان بس بصراحة اخوي انا ارتاح لك واحس كلامك يوصل لقلبي مباشرة وارتاح لك والله عسى الله يوفقك دنيا واخرة