العيديه (2) .. قدم قوائم بريدية لزوار موقعك مجاناً .. معـرب

[Net Hunter]

السلام عليكم
السكربت بلغة البيرل وقوي جدا بس الله يعينك على الداون في السيرفر لو اشتركوا وايد بالخدمة
من مميزات السكربت ان ما يقدر العضو انه يضيف قائمة كبيرة دفعه وحده
وفي هالحاله ما راح يكون موقعك متهم بالسبام لان ما اظن في واحد فاضي يدخل قائمة ايميل ايميل
تقدر تضيف بانر لموقعك يطلع للمشتركين
بيانات المشتركين تتخزن على شكل log ولا يعتمد البرنامج قواعد بيانات ورغم انه يستخدم هالطريقة في التعامل الا اني مجرب هالسكربت وفيه اكثر من 400 مشترك في هالخدمة بموقعي ولا احد اشتكى من البطىء ولله الحمد ..

السكربت عربته لكن تعريب على قد الحال .. يعني الاساسيات فقط صفحة الساين اب ولوحة تحكم العضو و صفحة طلب كلمة المرور .. هذي اهم صفحات وهي الي عربتها في السكربت ويمكن اي شخص يعرب الباقي وما اظن فيه اي صعوبه ..

طريقة التركيب سهله ..
عدل المسارات في ملف config الموجود في الفولدر الاساسي و في فولدر admin للي يناسب موقعك ..
اعطي كل ملفات البيرل تصريح 755
واعطي فولدر المشتركين على حسب ما تسميه log مثلا تصريح 777 وكل الملفات على امتداد txt ايضا التصريح 777
هذا كل شي
ولا تنسى تحمي فولدر admin بطريقة htaccess

حملوا السكربت وكل عام وانتو بخير

[Fuga]

جميل جدا
كل عام وانت بخير وعيدك مبارك مقدما

الظاهر يا بو الشباب بتعطل سيرفرات الناس ههههه ... انا بس مره وحده كنت بجرب ارسل 10000 بريد قام عطلي سيرفر البريد اسبوع كامل

بس هذا البرنامج لأصحاب السيرفرات وبعض المستضيفين يكون ممتاز جدا جدا وخدمة قوية للموقع

يعطيك العافية

[Net Hunter]

الله يعافيك الي يبي الدح ما يقول اح << شنو مغبر

بس الحلو ان العضو ما يقدر يضيف ملف تكست فيه ايميلات دفعه وحده لازم يضيف كل ايميل لوحده او ان زائر موقعه يشترك من نفسه ..
يعني ما راح يكون في ضغط الا اذا في عضو فاااااااااضي بيجلس يضيف 100 الف ايميل كل ايميل بروحه

[بوعابد]

طــيب ياأخــوان

وش الحــل مادام القائمة البريديه تسبب عطل في السيرفر

خصوصاً إذا كان عدد الإيميلات كبيـر جداً


لاتقول لي اللي يبي الدح لايقول أح

نبي حـل جذري ومقنع

[Net Hunter]

الحل الجذري و المقنع انك تستخدم قوائم تطبيقية يعني برامج exe مو سكربتات .. ومثال عليهم mail bomber ابحث عنه وبتحصل ان شاءالله
بس على فكرة هذي مو قائمة بريدية الي مطروحه في الموضوع هذا يقدم خدمة مجانية للزوار يطيهم قوائم بريديه .. يعني مصيبتها اكبر على السيرفر

[Fuga]

ههههههههههه
أقول في حل جذري انك تخلي نيت هنتر يرسل لك لأنه راعي فزعه
شرايك ترسلي رسالة الى 1000000 بريد
ها شرايك نيت هانتر انت طيب وانا استاهل
الحين يقول نيت هنتر أوووف شيبي هذا كل هذي مصلحة عشان سمع عنده قائمة بريدية exe

[Net Hunter]

خخخخخخخ حاظرين فوجا
انت دز لي المليون ايميل الي عندك بس وانا بارسلهم

[jassim33]

الف شكر اخوي قناص النت

خوش برنامج وبالتوفيق

[gsm4arab]

شكرا للاخ الكبير Net Hunter
وانشاء الله نجرب السكربت ونرد لك خبر وانشاء الله يكون الخبر زين مثل صاحب السكربت

[Net Hunter]

لا شكر على واجب اخ جاسم واخ جي اس ام فور عرب
وان شاءالله يفيدكم السكربت ..

تحياتي

[alshargawi]

بارك الله فيك ويعطيك الف عافيه


تحياتي

[البارق]

ألف شكر لك

ماتقصرون ... ياعلكم للقوة إن شاءالله

[بوعابد]

أخي الكريم نيت هانتر

حمـلت برنامج mail bomber

بس ماعرفت أضيف الإيملات ولا فهمت طريقته

فياليت وأنا أخـوك تشوف لنا شـرح لهذا البـرنامج

[يونكس]

:anger2: :anger1:

[ابومنار]

هلا بالغالي نت هنتر وكل عام وانت بخير .. هدية طيبة من رجل أطيب

ما تلاحظ واحد ماله نية يوزع هدايا ؟؟؟؟؟؟؟ وين القرقيعان يابومشعل ؟ :anger1:


والله الظاهر ان الفيمتو له دور في الخثرة