منو يكون فاضيلي لانه طلبي طويل :)

[smile]

السلام عليكم
انا من مده أحوال أسوي صفحه لي بس مو راضيه افهم يعني دخلت أكثر من موقع و مكان وأقره وسوي الخطوات وبعدين أوقف عن نقطه ويخترب كل إلي سويته :
المطلوب لو سمحتوا إلي يقدر يفضيلي وكون عارف عدل شلون تصميم صفحه يقولي
يعني ابيه يعلمني الخطوات من الألف ليمه الياء

أدري طلب صعب بس انا قلت بجرب يمكن ألقه أحد
وشكرا

[Vampire]

أهليييين وسهلييييين

الغالي يرخص لك .....

بس أول شي حددي الشكل العام للصفحة وأهدافها ....

بعدين نوع البرنامج اللي راح تستخدمينة في التصميم ....

واحنا حاضرين .....


------------------
ســـامر الليـــــــل

[smile]

مشكوووووووووووووووور وما تقصر بس انت راح تجابلني مستعد
يعني تعرف كلشي وراح تستحمل بطأ فهمي
دربالك انا اتعب
فقرر من الحين


------------------
طنش تعش تنتعش

[بويوسف]

هلا سمايل

حاظرين لج اونه لي خبرة في عمل الصفحات انشالله اقدر اساعد

بس لو يكون في اتصال مباشر يعني بالايسيكيو او بالم ار سي

..

عشان جذيه صعبة اشوي ..



------------------
بويوسف

[smile]

مشكور بو يوسف
وما تقصر
بس انا ما استخدم الأيرس ولا أيسكيو
أشتراكي ما يشغل هل برنامجين

للأسف

[Vampire]

ايه ,....,.... فاضي ...

يعني حاليا قاعد أسوي لي صفحة ......

ونسويلك صفحة على الطريق ..............

بس مثل ماقلتلك بالأول .....



------------------
ســـامر الليـــــــل

[smile]

عيل نمشي بدور
لو سمحت يلا قولي
شوف انا مو حاطه هدف معين بخلي جنل للمعلومات عامه جذي
بعدين عاد ليمه اتعلم عدل يصير خير عرفت
بس انت قولي اول خطوه شنو

وين اروح وين أيي

[Vampire]

صفحة معلومات عامة.........

شوفي نوع المعلومات اللي بتحطينها ... تسوين لها تقسيم أو كيف ....

عشان أسهل عليك مهمتك وتفهمينها .... صممي صفحتك على ورق في دفتر او كراسة

ونظميها ورتبيها بعدين اللي سويتيه راح تنشرينة على الأنترنت طبعا راح يكون فية اختلافات من حيث ....وضعك لعدة أشياء جمالية

مثل الأصوات أو الألوان أو الجافا وماشابه.............الخ

طبعا المعلومات عليك والتصميم راح يكون بيننا

زين وش نستخدم للتصميم ....... فرونت بيج ؟؟؟



------------------
ســـامر الليـــــــل

[smile]

اقول مادري شنو فيه للتصميم ترا انا ميح
انت قول شنو بسوي وانا اقلدك يلا

------------------
طنش تعش تنتعش

[Vampire]

هاهاها......

أوكي ...
لو اني محلك وبسوي صفحة عن المعلومات العامة ... اممممممممممم
ايه .....
راح أول شي أجمع هالمعلومات العامة ...
بعدين اصنفها يعني معلومات الكمبيوتر غير معلومات السيارات مثلا ...
بعد ماأخلص ....
ابدأ بالتصميم ..... أشوف لي أو أسوي لي شعار مناسب للصفحة
بعدين أضبط القوائم ......
بعدين الألوان ..... واشوف لي كم شي جمالي احطة فيها ...
بعدين انزلها على الأنترنت .....



------------------
ســـامر الليـــــــل

[__hadi65__]

وينج يا سمايل من متى وانتي مختفية ؟؟؟؟
المهم انا مستعد اعطيج الخطوات
لازم تسوين اول شي ورقة بيدج يكون فيها كل الاشياء الي بتحطينها بالصفحة
تسوين الصفحة على برنامج فرونت بيج اكسبرس مثلا وتحفضينها على الجهاز
تحجزين موقع مثلا www.freeservers.com والموقع هذا ببلاش
تدخلين وتسوين لوقينج على الموقع
تسوين حق كل ملف ابلود يعني تنزلينة على الموقع كل ملف استخدمتية
تاخذين صفحة البداية وتوزعينها على الناس ولازم تكونين مسوية وصلات بين الصفحات يعني صفحة البداية تدخلج على الي بعدها
وبالاخير ما راح تشتغل الصفحة لأني ما شرحت لج بالتفصيل
اخوج عبدالهادي

------------------
ليس الفتى من قال كان أبي إن الفتى من قال ها أنا ذا

[BROKEN HEART]

smile !!!!! افا والله . انتي بس ارسليلي المعلومات وكلها كم يوم والموقع يكون جاهز


هيه لاتصدقين تراني مااعرف في تصميم المواقع شيء لكني راح اتابعكم علشان استفيد ويمكن اصمم موقع اذا اعجبني الوضع

[smile]

أقول عبد الهادي ليش متعب نفسك وكاتب الخطوات

مشكور على تعب وبعدين بسك قصيت ويهي
أقول بروكن هارت
يلا تابع هذا إذا انا توصلت لشي


------------------
طنش تعش تنتعش

[BROKEN HEART]

يالله وين اللي يبون يعلمون smile

[Vampire]

انا جاهز ........

لكن خلي Smile تخلص تصميمها والباقي علينا



------------------
ســـامر الليـــــــل