من عنده قوالب homepage مميزة ؟

[أبوعامر]

3

[أبوعامر]

4

[أبوعامر]

5

[أبوعامر]

6

[Net Hunter]

الظاهر الملف ما وصلك يا بومنار هو مساحته اكثر من 3 ميجا ..
ماعندك بريد مساحته اكبر ؟

[design4host]

تقدر ترسله لي وارفعه لبومنار على مساحتي شو رايك .. ؟
للعلم فقط والله احب اخدم هالبني ادم .. (ابومنار) انتظر ردك اخوي نيت هنتر




ايميلي في التوقيع ...

[athco]

اطلع خمسين يابو منار

www @ athco.com.sa

[Net Hunter]

والله كلنا نتمنى نخدم بومنار يا دزاين فور هوست ما اظن بيوم قصر مع اي حد في هالمنتدى

بس ايميلك على الهوت ميل يعني نفس الشي المساحة ما راح تكفي

[رهين]

ابو منار هنا؟؟

ياهلاوالله وغلا اسفرت وانورت

غالي ويرخص لك الغـــــــالي يابو منـار

هذي مواقع حافظها عندي في المفضلة ان شاء الله تلاقي فيها الي يعجبك

تفضل:

هذا اول واحد حطه الاخ مباشر في سوالف الله يجزاه خير

وهذا طال عمرك الثاني

وهذا ياطويل العمر الثالث صيني وفيه حاجات حلوة

وهذا الرابع



هذا الي عندي في المفضلة..

إذا ماعجبك شي اخوك يطقطق في التصميم على قد حاله والإيميل في التوقيع بس رسالة صغيرة واشرح فيها الشكل الي تبغاه او الفكرة ومن العين هذي قبل الثانية... عزيز وغالي



يشهد الله أني احبك في الله يابو منار ، والله يجزاك عنا وعن المسلمين كل خير.

تحياتي لك وللجميع.

[design4host]

اخوي نت هنتر سوف يتم الارسال عن طريق المسنجر ثم رفعه لبومنار . ..

انتظرك ..

[بو مبارك]

يستاهل كل خير ابو منار

وياليتني اعرف اصمم كان اقدم ولو شي بسيط لك يابو منار

[Bin_Yousif]

ردا للجميل ووفاء بشيء من العرفان المقدم من الاستاذ أبو منار ...

هذا تصميم بسيط .. على هذا الرابط :

هــــنـــــا

صورته مرفقة بالرد

[ابومنار]

السلام عليكم

ياجماعة والله مدري وش اقول .. غمرتوني بلطفكم وكلماتكم ..

الله يجزاكم خير جميعاً ولا يحرمني منكم

اخوي أبوعامر .. الله يجزاك خير يالغالي .. ماتقصّر والله ..

الغالي Net Hunter .. ماجاني شي وانا اخوك ! انا كنت اعتقد انك بتدز عنوان الملف وانا احمّله .. ومع ذلك فبريدي فارغ وبانتظار الملف الموعود

اخوي design4host المشكلة الحين ان هنتر مادز الملف مول !

الأستاذ athco حياك ربي وبياك .. طلعت خمسين مالقيتك .. لا تكون رايح تقنص

Net Hunter من جديد ..... تراني مفضّي البريد المذكور علشان ملفك .. يالله اخلص علينا :anger1: :funny:

اخوي رهين الف شكر حبيبي واحبك الله الذي احببتني فيه ..
مواقعك هذي يبي لها جلسة .. بس مبدئياً تصفحت اكثر من صفحة مافيه غرضي .. ( اقصد مابي قوالب لصفحة كاملة المفترض ان تملأ محتويات .. بل .....اقوللك .. شوف رد اخوي بن يوسف )

اخوي lebanon شكراً لشعورك الطيب .. كافي ردك هذا .. واعتبر انك قدمت لي اكبر خدمة

اخوي بن يوسف .. ( هي دي .. هي دي ) على قولة غازي صدقة
هذا بالضبط ما اقصده ياجعل عمرك طويل .. عمل رائع وأنيق واحترافي ..
لكن فيه ملاحظات بسيطة عليه ما تقلل من روعته ابداً .. اولاً التصميم غامق .. وليس له عنوان أو موضوع محدد .. يعني ما يدلّ على شخصية الموقع ( المكتبة مثل ما ذكرت ) ..
ايضاً واجهت مشكلة إزاحة رابط محدد عن موقعه .. لكن اللي حصل ان جميع الروابط تحركت معه .. يعني لما احدد شفيفة ( اتصل بنا ) واقوم بتحريكها .. تتحرك جميع الروابط معها .. ( اعتقد المشكلة غشامة من عندي ) ..
عموماً ما تقصّر وانا اخوك ورايتك بيضاء وان شاء الله احاول اطوّع عملك الرائع هذا بالشكل المطلوب .

الف شكر للجميع ,,

[design4host]

اخوي بومنار الملف وصلني من الاخ نت هنتر وان شاء الله برسل لك على الخاص بوصلة الملف للتحميل
ومثل ما قال الاخ نت هنتر بيتم رفعه لكم قريبا .. وشكرا

[athco]

هلابك ابو منار

وصلنى مرسولك ولكن التبس علي الامر :shy:

اقين الله لا يهينك