السلام
حبيت اقول لكم موقف صار لي أمس :
كنت متملل حدي ومو عارف شاسوي ...المهم طلبت مني الوالده
اوديها السوبر ماركت..
وطبعا ولأني مطيع مارديت طلبها.ومنها اغير جو
واول ما وصلنه سحبت الترولي ومشينا في طرقات السوبر ماركت
ولفيت من طرقه الى طرقه من داعوس لداعوس
وفجأه........!!!!!!! لمحتها..شدتني..تبعتها
طبعأ راح تسألوني من هاذي؟؟!!
راح اقول لكم بنت في منتهى الجمال والنعومه
كانت تمشي قريب مناوكانت تدفع الترولي بكل رقه !!
المهم وبينما الوالده مشغوله مع رف المعلبات
قلت في نفسي ليش ما اجرب حظي واعطيها نظره . وفعلا عطيتها
وفرحت لانها بادلتني النظره
لكن فجأه...
هالبنت اللي كانت تمشي على اقل من مهلها وتشيل الغرض حبه حبه
مثل مايقولون زادت سرعتها وصارت اتكوّد الاغراض في الترولي
وقطت على الرابع وطارت في المشي !!!!!!!!!!
وانا ماقدرت امسك نفسي وطرت وراااااها
وشفت في عيونها الخوف والاستغراب والتسائل ( اش يبي منّي)؟؟؟؟
حاولت اتراجع بس ماقدرت لأنها بصراحه اخذت شي مني معاها
من لحضة تبادل النظرات
شي خلاني افقد السيطره على نفسي واتبعها مثل المجنون
وبعد لحضات من المطارده
استجمعت البنت شجاعتها و وقفت في وجهي ..
وقالت بصوت فيه خجل مخلوط بالخوف
( ممكن اعرف ليش تتبعني لو سمحت )...؟؟؟!!!!!
ماتتصورون فرحتي لما سمعت صوتها. نسيت شنو ابي منها
ابتسمت لها وقلت لها بصوت وآطي ...
انتي اخذتي الترولي الغلط ..يعني كان لي شرف استخدام
تروليج طول هالفتره
..........
بس الله لايراويكم مدى احراجها المسكينه
لكن تبون الصج هذا اطرف موقف مريت فيه مع وحده من بنات حواء
------------------
والله شرايكم