-
والله هذاموضوع جديم من مواضيعي و قصة كتبتها في سوالف من فترة .. الاعضاء الجدام شافوها بس اليداد لا .. لذا حبيت انهم يشاركون الاعضاء الجدام حلاوتها ...
اعزائي
كل واحد يشتريله ببسي و حب و يقعد يقرا ...
السلام عليكم و رحمة الله و بركاته ....
سالفتي اليوم سالفة ... عبارة عن قصة ,,, مابقول شي... اقروا روحكم .... ..بس الموضوع شوي طويل ..مع اني متأكد انه يستاهل هذه الاطالة
فكل واحد لازم يكون فايق و رايق ... عموما خلونا نبدا ..بسم الله الرحمن الرحيم:
السالفة حصلت من شهور ... مجموعة من الشباب المواطنين ... تعرفوا على واحد من بلاد غرب افريقيا ..( لعدم التحديد) ... المهم تعرفوا عليه و كانت بينهم طلعات و جولات... في احدى الطلعات ... بين السوالف الي كانت بينهم .. قال لواحد من الشلة ... انت تكلم وحدة اسمها فلانة بنت فلان الفلاني...علاقتك معها كذا تعرفها من كذا .. بس بس بس قال الولد.. بس فضحتنا ...منو قالك؟؟؟!!!! قال ماشي... انسى السالفة.....كيف انساها؟؟؟!!! بس انساها ... مرة ثانية ...في احدى تجمعاتهم.... مبروووووووك مبروووك عليك الخطبة ( لشخص ثاني) .....شو!!!!! و انت كيف عرفت.. انا كنت بخليها مفاجأة ... كيف عرفت!!!؟؟؟... و ما خلوه .. لين ما عرفوا الطريقة ... اعترف صاحبهم و قال الصراحة ان جنية مسلمة متلبستني... و هي تنقلي الاخبار .. اعرفها من زمان ... و هي تحبني موت .... كل ليلة اشوفها .. على شكل انسانة... قطة ... او حيوان ثاني... الجماعة ما دشت السالفة في عقلهم على طول ...شكّوا في الموضوع ... بس ما بينوا له ... مرة ..قالوله .. خلنا انسير البيت المسكون الي في منطقة معروفة في دبي... يلا بنسير .. و كان الوقت ليل... قالهم مافي داعي.. مرة ثانية انشالله ,,, الي يسوق السيارة قال ,,, ياخي مادام انه البيت قريب خلاص مافي داعي نأجل الموضوع ... قال ماعليه مرة ثانية خلوها ... مب وقته .. و مافي داعي... تمّوا يحنون عليه و الله يخليك خلنا نسير و نشوف .. و يلا مرة ثانية بننسى .. و الحين انته معانا ... المهم وصلوا البيت... الساعة 2:30 فجرا ...مكان مظلم ... جدران مكتوب عليها بالرش ... باب البيت مفتوح.... و باب الصالة مغطى بحديد.. و المكان مغبر كعادته بعد ان شرد اهل البيت منه .... مريحانة مصدية... الحشيش اصفر ,, درايش مكسورة ... الملبوس نزل من السيارة .. و الجماعة يطالعونه متجه الى الباب ... وقف فجأة... و رفع ايده .... بشكل المصارع ... الاندرتيكر... قالوا الشلة.. شو يسوي هذا؟؟؟ .. يا فلان .. ينادونه ...ينادونه... و هو ما يرد عليهم و يتابع في حركته ... يا فلان .. لا رد... قالوا خلونا نطلع يا جماعة المكان كئيب و يخوف.. و الي يزيد الطين بلة المخفي الي حاطينه في السيارة.. درجة الرؤية تكاد تنعدم .. اللهم يشوفون واحد رافع ايده و من 10 دقايق ماتحرك.... يلا نروح و نخليه.... قالوا لا .. مافينا يطلعلنا في نص الطرب... بعد فترة ... تحرك المسكون .. و رجع للسيارة ... قالوله وينك ياخي زرعتنا في مكانا ... الريال ساكت و يطالع امامه بلا حراك.. المهم تحركوا .... المنطقة كلها ظلام و مافيها ليتات ... شغلوا الراديو ,,,, لتلطيف الجو ... مرة وحدة .. سكر الملبوس الراديو.... الجماعة في حالهم خايفين من الي صاير,,,, مرة وحدة ....صاح الملبوس..يلس يصيح و يصيح و يصيح لكن العجيب انه ما يصيح بصوته ... يصيح بصوت ثاني...!!!!! .. شو هذا ؟؟؟!!!! وصلوا عند المطار ... هناك قالهم وقفوا هنيه... اخيرا تكلم ... بس بصوت ثاني... صوت حرمة ....!!! .. الي يسوق من الموت وقف على طول... نزل الملبوس من السيارة و مشى شوية بعيد... قالوا لبعض .. هذه هي الفرصة يلا روووووح ... قال الي يسوق.. شو انا مينون ... احصله واقف عند بيتنا بعدين ... يا جماعة خلونا حلوين معاه احسن لنا ,,, و الملبوس يرجع و يقترب... ركب السيارة ... هاه خير ..شو فيك يا (...) ؟؟... بعد ساكت .. ياخي لون الويه تغير... لون وجهه مصفر زيادة عن اللزوم... شو هذا ؟؟!!!! الشعر الي على يده زاد!!! و مستوى الشعر على الوجه زاد بعد بشكل ملحوظ.... الجماعة كلهم في حالة خوف مرعب... يا فلان.. شو فيك كلمنا.. رد عليهم هذه المرة و قال ... هاااااا .. و بعدها على طول قام يصارخ و يصارخ و يقول لالالالالالآلا...لآلالالالالالالالا... لآلآلآلالالالالالالا... في هذه اللحظة كل الي في السيارة نزلوا و ركضوا بعيد.... دخلوا في الفريج الي صوبهم في هلع و خوف و هم يصارخون في نفس الوقت ... على طول اتصلوا الشرطة و خبروهم بالموضوع ... الشرطة وصلت عندهم و قالولهم يلا انسير عند السيارة ... ساروا ...و في الطريق الي كان يسوق كان يسرد تفاصيل القصة ... و من بعيد السيارة تبين ... الابواب كلها مفتوحة ... احاطت الشرطة بالسيارة ... و هجموا على السيارة... بس ماحصلوا شي... بس ورقة معلقة بخيط على المرايا و مكتوب فيها .... المرشد مألف هذه القصة عشان ماتنامون هذه الليلة ...... باي بااااااااي
اكيد بنطرد على هذا الموضوع .... 
فوووووووووووووووووووووووو
------------------
الصلاة الصلاة
ســــــــبـــــــــحـــــــــــان مـــــــــغــــــــيــــــــــــــر
الاحــــــــــــوال
جدد التوبة فانك لاتدري متى النوبة
القي نظرة على
http://www.geocities.com/almurshedm
-
الصراحة عجبتني القصة
بس ما تخوق
------------------
اتق شر من أحسنت إليه
ســـاهــــر
-
ليش حاطنها ... أنا ما صدقت أنساها 
ويييييه بسم الله
ليش جذيه تبا تخرعنا
بس ماعليه اليوم بسلط جنيتي عليك .... ويييييييييه
-
الله يسامحك يعني مالقيت تحطها الا اليوم
حطيتها وسط الاسبوع نروح دوامنا مواصلين ماهي مشكلة بس تروح علينا نومة
العطلة، مااسامحك فيها
------------------
قبل الورق وانتي في بالي قصيدة وبعد الورق ضيعت أنا كل الأشعار
-
الله يسامحك
هذا وانا قاعد اقراها لاخوى الصغير علشان يذلف عنى
قاعد اخوفه وبالتالى قام يضحك
------------------
أحب الصدق وأعمل به كسبته وكنت أنا الخسران ** ولو صدقي يخسرنى تشرفني خساراتي
-
-
هاهاهاهاا ...
بس عناد بحطها ...
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
أضف موقعك هنا |
اضافة محتوى فريد لموقعك
