على كثر الكلام وكثر ماقبل الكلام جروح
سكت ومالقيت الكلمتين اللي على بالي
أخاف ان قلتها وان قلتها وان قلتها بوضوح
توسدني ملامات الرفيق وشرهة الغالي
كذوبه يالهجوس اللي على الخاطر تجي وتروح
بغيت ازبن ذراها واستريح وماتهيا لي
ورحت اتلي شتاتي وآترجا صوتي المبحوح
تموج بي الدروب ومسندٍ كفي على ظلالي
عسى مانتي رجايه يابروق في سماي تلوح
يشرهبني رعدها والظما بالصدر همّالي
نقلت جروح ماعرفها بقلب مرهف مجروح
تنطحت البياض وسود الله وجه عذالي
ولو طالت بي الحروه وبانت للملام شبوح
نهض شوفي جناحه واستبان المرقب العالي
ولو خان الشفق مره ومره طيره المذبوح
بقى وكره على جباهالنجوم المرقبة خالي
يسامحني رفيقٍ كل ماخطى قلت له مسموح
على كبر الهقاوي من رفيقي مرخي حبالي
ماهوب ذنب الكفوف اللي شذاها بالجميل يفوح
الى من صافحت بعض الردى في بعض الاحوالي
مهوب ذنب الوفا والنيه البيضا وطيب الرووح
وانا ثوب الجماله مالبسته جرد واسمالي
على كثر الكلام وكثر غيضي مانويت ابوح
عساها ماتعود الكلمتين اللي على بالي
------------------
احبك لو تحب غيري..وتنساني وتبقى بعيد
عشان قلبي بيتمنى..يشوفك كل لحظه سعيد