لن اكتب لقصيدتي هذه مقدمه..ليس لأني لا أريد..بل لاني لاأقدر....
----------------
هو صحيح الي حصل..
قريت اسمك في وفيات الجرايد
يعني رحت..
يا روح روحي ومنت عايد
يا اللي راحل عن حبيبك
والله مايفيدك بكايا
وش يفيد الدمع
قلي وش يفيد
والله لا هو الدمع فايد
لا ولا تكفي القصايد
يا بعد عمر القصيد
ياللي من دافي حنانه
ذابت جبال الجليد
واللي من رقة لسانه
ينصهر صلب الحديد
ياللي حبيت الجميع
والله حبوك الجميع
وانت..انت المستفيد
يالحزنى بس يكفيكم كفايه
أدري والله في حشاكم..
نار تنهشها الحيايا
وأدري ان الدنيا عقبه ماتساوى..
يالضلوع الي تعاوى..
اصبري للصبر مخرج..
والقلوب الي تمرج..
ربي ما يرضى عليها
كل هالعالم حزانى
والله يهون عزانا
حتى حبيبي..
قدام عيني أشوفه
ضم عماته لجوفه..
والنكوفه باينه في وسط عينه..
لو يخبيها بكفوفه..
يا حبيبي بس يكفيكم كفايه
ما بقى فيني بقايا
يا حبيبي..
امسح دموعي ثواني
نسني قسوة زماني
لاتخليني اعاني الهم وحدي..
ويا عسى المولى يعين..