السلام عليكم و رحمة الله و بركاته
دربالكم يا اخواني
هالايام في ناس ترسل من ايميلات ثانيه على ايميلي
ونفس الشي في ناس يقولولي انه حتى اهما نفس حالتي
يعني يجي الشخص اللي ما يخاف الله و يرسل من احد ايميلات ربعي
و ما ادري شلون يعرف ايميلاتهم
ويرسل على ايميلي و لما افتحه القاه رفيجي نفس النك و الايميل
وتطلع الرساله مخله بالاداب الاسلاميه
فحبيت انبهكم يا اخواني اذا وصلتكم رساله مني لاي شخص منكم
لا يفتحها لاني انا ما احب ادز رسايل احب دايما على الماسنجر
واذا بقيت ادزلكم اقولكم بسوالف بعدين ادزلكم
يمكن هالشخص يستغل ايميلي و يدزلكم رسايل صور و غيرها
مخله بالاداب واتمنى انكم تنتبهون لهذا الامر
عشان جذي انا اغلقت القروب مالي و كان فيه تقريبا 1000 عضو
اغلقت امس و مسحته من جذره لكي لا يكون حجه علي يوم القيامه
لاني وجدت فعلا اشخاص يرسلون الي القروب بايميلات ربعي
ولما اسال ربعي يقولون و الله مو احنا
المهم حبيت انبهكم
ملاحظه : والله اغلقت القروب لسبب انه هذا الشخص اللي ما يخاف الله
تعدى على القرآن الكريم
امس وجدت رساله بالقروب عنوانها ((سورة التكوير ))
قلت ابي افتحها يمكن سورة التكوير منقوووشه او مزينه او مكتوبه بخط حلو
والله العظيم طلعت الرساله داخلها صور وصخه و محرمه و كلام بذيء
يدل على سلوك صاحبه
لم اتردد و قمت بمسح القروب
وعلى فكره الشخص مرسل الرساله كانه المشرف العام
ما ادري شلون يسوي جذي يرسل رساله باسم و ايميل مشرف القروب
واهوا احد اصدقائي يوم سالته قالي انه ما رسل اي رساله و انا اعرفه
هالشخص مو مال هالسوالف
عموما نسال الله التوفيق و نسال الله السداد
و كما قال تعالى :" من يتق الله يجعل له مخرجا و يرزقه من حيث لا يحتسب ".
مع التحيه
ان شاء الله يكون التحذير وصلكم
وشكرا