وينك يا serversplus.com ليش ما ترد علي ؟؟

[uaechat]

السلام عليكم

اخواني صاحب هذا الاستضافه غايب من اسبوع

والمواقع كلها متسكره الي فوق سيرفره

وسمعة ان الهار دسك اخترب الي في سيرفره


وهو ما يرد على التليفون ولا على الايميلات


لو انه موجود في سوالف يرد على الموضوع

واذا اي عضو يعرفه يخبرني عنه

منتدى ب 1300 عضو يروح بهذي البساطه حرام

مع السلامه

[Ad For Host]

الله يعينك يخوي
بس مدري ،، من يومين اشوفك تمدحه بموضوع!!

وهالشخص ماقوله إلا الله يسامحك وهو يعرف ليش

عموماً جرب تتصلبه على التلفون.
واذا عندك باك اب من المنتدى كلمني على الماسينجر ايميلي بالتوقيع
وبستضيفك لمدة اسبوع مجانا لين ما تشوف حل !

تحياتي

[فواصل]

اضيفني اخوي لك استضافة لمدة سنة مجانا
المساحة : 2 قيقا
الترافيك : 100 قيقا


des_web@hotmail.com


ما ابي منك الا الدعاء

[uaechat]

لا يا اخوي انا ما مدحته ولا ذميته حتى الحين ماشفت منه شي الا ما سبق

وبعدين الموقع متسكر من اسبوع تقريبا يا اخوي

وتسلم على الهديه الطيبه الي تقدملي اياه

لكن باشوف فواصل ما بيقصر معانا

تم اضافتك

[سردال]

أخي uaechat، هل تستطيع إرسال بريد صاحب هذه الشركة لي وكذلك اسمه، موقع صديقي osama.ae متوقف وهو يعتمد على خدمة هذه الشركة، وهو الآن في عمله لا يستطيع التواصل مع أحد، وأنا أقوم بإدارة موقعه حالياً فأرجو أن تزودني ببريده.

[uaechat]

اخوي انا سمعت ان الهاردسيك اخترب عندهم

والحين يحاولون يرجعونه

دافع350 دولار عشان تصليحه

حياكم

[design4host]

اي واحد محتاج مساعده بخصوص سيرفر بلس ايميلي في التوقيع

حاليا يحاولون يصلحون العطل في السيرفر وان شاء الله ترجع المواقع كلها باذن الله

[الامارات]

شات الامارات حياك الله وانا تحت الخدمة لو تحتاج استضافة وان شالله تعجبك استضافتنا

[uaechat]

ما تقصر يالاماراتي

فيكم الخير

نحن ننتظر الاستضافه الي نحن عليها

حتى تتعدل

حياكم الله

[host2005]

السلام عليكم

سيرفر بلاس صديقي..

ارفه عدل .. واذا في شي تحب اني اقوله اياه

امر

[uaechat]

هلا والله فيك

قوله يرد خبر على كل الي في سيرفره

الانهم في انتظاره

مب بس انا لوحدي في كم واحد ينتظر خبرمنه وهو مطنش

حياك الله

[NETSCARE]

أنا عندي نفس المشكلة برضو .. مستضاف عند ServersPlus وكان الموقع لا يعمل من حوالي 3 أيام قلت يمكن يكون في صيانة

الله يعين ويسترها مع الجميع .. أتمنى تنتهي المشكلة على خير فأقرب وقت ..

ســـلام .. طـارق

[uaechat]

الله يكون في عونك وعونا

حياك الله

[uaechat]

الظاهر ان في الموضوع ان واخواتها


وينك يا بو الشباب

ترا فيها دم

[osama.ae]

بما أن العطل من قبيل صاحب السيرفر كان من الأولى أن يرسل رسالة ينبه العملاء على الخلل الحاصل و يعتذر لهم عن تعطيل مصالحهم .. و لكن لا إيميل استلمنا و لا هم يحزنون

و ها هو موقعي يدخل يومه السابع و العطل مازال مستمرا و لولا هذا الموضوع لما عرفت أن هناك مشكلة في الهارد ديسك..

لو كانت الاستضافة من قبل شركة أجنبيبة لما عوملنا بمنطق (التطنيش) و لكن هذا جزاؤنا عندما نفكر بأن نفيد أخواننا من بلدنا ..

مااقول غير الله يسامحك يا serversplus.com


و استمر في سياسة التطنيش.. بارك الله فيك!!