أرررررييييييييد أطططططططططللللللعععععععع.....
جمله ترددها اختي الصغيره طول الوقت ...
تحشرني بالحشره ...
تيني ... تقولي لوووووول أبا أطلع ...
اقولها ...... وين تبين تروحين .. قري محلج
ترد علي ..انزيــ... انزيــــ... انزيــــ ابا أطططططططططلع ..من متى ما طلعت !!
و الله تكسر بخاطري ... يعني أي بنت في عمرها تبا تطلع و تتفسح و تستمتع باللإجازه ..
و ما أبالغ إذا قلت إنها ما تطلع من البيت ...
المشكله إن ما أقدر أطلعها ... يعني مع منو بتطلع ؟ ما عندها حد في سنها
الحين إنتوا تقولون ... حق شو لووول حاطه الموضوع ..
حاطه الموضوع ...يعني يمكن القى الحل عندكم ..
لا البارحه بعد قالتلي شي يديد ... قاعده معاها و قالتلي
لوووووول ... فيا عض شدي ..
قتلها ..شوووو؟؟؟؟
قاتلي .. شو عض شدي ؟؟ تقصد شد عضلي
قتلها ... ليش إنتي فيج ؟
قاتلي ..هيييه
قتلها ... وين؟؟؟ في بطنج ؟؟؟
قاتلي ... لاااااااا ...لووووووووول .... في ريلي
و الله التلفزيون مأثر عليها واااااايد ... و إذا واجعتها أقولها
عيونج بترووووح ... تقولي يعني شو أسوي ؟؟؟؟
و اسكـــــــــــــــــــــت ...
لا هاليومين إختي طايحه في المسرحيات
و اليوم طلعت كلمه يديده ... قاااالت ملااااانه
شو أسوي عشان يروح الملل منها ... قولولي أي طريقه أقدر أسويها لها داخل البيت ...
عمرها سبع سنين ...
عندكم حل ؟؟؟