عملاء الفنيون السعوديون ( دومينات العملاء)

[Mr_wahid2000]

رد مقتبس من شبكه مرهف

اما مساله ترك حقنا او لا فنحن من يقرر وليس انت ,كوننا فقدنا مبلغ ويجب علينا استعادته ,

أنا فقط أريد أن أسألك سؤال واحد فقط

أولاً من هو هذا الشخص الذي أخذ منك هذا المبلغ هل هو الفنيون السعوديون

أم أصحاب المواقع المساكين الذي

وضعهم قدرهم بين يديك وهل لك الحق بأن تطالب شخص لم يأخذ منك أي مبلغ

بتعويض ما سرقه غيره منك ... ... والله أعلم فعلاً صدق الأخ My Bader

قال أنكم متفقين مع الفنيون السعوديون وهذا هو الأقرب أتمنى تعدل من طلباتك

وشروطك وتصرفاتك الغير مبرره وتفتقد الكثير من العقل والحكمة لتتمكن من إستعادة

ما فقدته من ثقة وإحترام الآخرين

[شبكة عبير الشوق]

السلام عليكم ..

بدايتاً اخواني انا ما ادري ليه التهجم من البعض على شبكة مرهف ..
اول شي الرجال ما سوى شي غلط ولو غلط بشي ما طلب المستحيل .. كلها 20 ريال ولا تجيب نص قيمة عشاك انت والشباب في ماكدونالدز !!!!!!
وانا اقولها وبصراحة .. احمدو ربكم انكم طحتوا عند رجال محترم زي مرهف واخلاقه عاليه ! والاخ مرهف ما طلب من صاحب كل دومين الكثير .. طلب سعر رمزي محاولتاً لتغطية بعض ما دفعه للفنيون السعوديون .. !

يعني يا اخوان الاخ مرهف تضرر كثييير ودفع مبلغ كبير حتى يكفلكم باستضافته ودعمه ..
وبالأخير نصب عليه صاحب الفنيون .. وراحت فلوسه بالهوى .. وزين لحق نفسه بالدومينات ولا حتى كان ما راح يشم ريحتهم ومن مصلحتكم بعد انتقالكم لمرهف !! يعني لو الى الان كل اصحاب الدومينات تحت تحكم الفنيون !!! وش تتوقعو بيطلع منه اذا مواقعكم مقفله ؟ ولا يرد على مكالماتكم وما عنده ضمير يأنبه شوي !! ما يجيي يوم يعني يسرق الدومين ولا يقول توووكل هذا دوميني مو دومينك ؟
حتى ولا واحد منكم مستلم لوحة تحكم لحاله
اقل شي اعتبرو الـ 20 ريال قيمة انشاء لوحة تحكم خاصة لدومينك ويسير تحت سيطرتك وتحكمك تنقله وين ما تبي ،،،، تبي تبيعه انت حر !!!!!

واذا زعلانين على الـ 20 ريال والله حق الرجال اكثر .. يعني الـ 96 دومين لو دفع كل صاحب دومين 20 ريال ما طلع له ولا ربع المبلغ الي دفعه على شراء العملاء والسيرفر ...

واحب ارد على بعض الاخوان .. //

رد مقتبس من Mr_wahid2000

طيب أخوي أنا حاجز نطاقي على حسابي وأنا اللي مسجلة

والحمد لله لو التحكم عندي و ما لحد عندي شيء أو مطالبه

ولا بعد رايح تقولون أدفع عشرين ريال علشان تأخذ دومينك

أقسم بالله أنه سعييد أخو سعيد ما لقيت من الأمانة عند المستضيف العربي

الشيء اللي يذكر إلا مجرد كلام وإستغلال ولا وش ذنب الشخص

اللي دافع علشان يسجل دومينة تأخذه وتقول الفنيون السعوديون نصبوا علي

أنا وش ذنبي نصبوا عليك ولا لا دوميني وأبيه لكن حسبي الله ونعم الوكيل

أو ما قدرت على النصاب جاي تسلب حق صاحب الموقع اللي حطه عندك أمانه

وتمص دمه أجل لو إستلمت المواقع وش رايح تسوي بتقول أدفعوا حق الإستضافة

علشان تستلم موقعك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟

اخوي اذا انت تقول وش ذنبك اذا نصبو على مرهف !! بعد مرهف وش ذنبه يوم نصب عليه الفنيون ..
مو عاجبك انك تدفع عشرين ريال خلاص بعد مرهف مو مكلوف فيك عشان يخدمك ويشغل الدومين على موقعك .. الدومين تحت حسابه يستعمله لنفسه ؟؟؟ وش ذنبه بعد هو مشتري دومينات من الرجال هو حر يسوي فيها الي يبي ؟؟؟؟؟؟

معليش اخوي انا داخل عليك بنفس الاسلوب الي انت تتكلم فيه !!!!

وارجو انك فهمت الكلام الي اقصده

رد مقتبس من My Bader
اخاف هذي اتفاق بينكم وبين الفنيون السعوديون


ان يعطيكم الاكاونت وانتم تسحبون علي كل عميل 20 ريال واللى مايدفع يروح عليه الدومين وتكونون انتم اصحاب الحق


الله يعين اصحاب االدومينات والله يهدي اللى كان السبب


:anger1:

اخوي لو انت قاري الموضوع زين كان ما كتبت ردك هذا !! الرجال يقولك بعد ما تدفع راح نفصل دومينك وراح يكون لك حساب خاص ولوحة تحكم لك تسوي بدومينك الي تبي .. مو حركات الفنيون ! حاط كل الدومينات بحساب واحد وتحت تحكمه هو لحاله

رد مقتبس من ..... بحر الشوق
قبل تقرا تعليقي هذي قاعدة نعرفها من زمان

الي يبيع شي مسروق وهو يعلم انة مسروق يعتبر سارق

بالله انت ماعندك ضمير منزل مثل هذا الموضوع في مواقع ودومينات العالم عشان 20 ريال لكل دومين وتلوي ذراع الشبابا تقول بعض الدومينات تسوى اكثر . ولو فرضنا انك غير شريك له يعني نصب عليك لعب عليك لطشك تجي تبي تسوي ذكي على اصحاب الدومينات اقلها الفنيوين المجرمون نصب واستخباء انت جاي تنصب سوى بقصد او من غير قصد وجهك قوي . تكتب مواضيع في سوالف ....... تفاوض على طلب الفدية

---------- اقرواء وش كاتب في كل موقع لدية دومينة ------------

مرحبا بك أخي/أختي

إذا وصلت إلى هذه ألصفحه عن طريق رابط موقعك فهذا أكيد إن اسم النطاق ( الدومين ) تبعك

من ضمن النطاقات المحجوزة لدينا والتي تم حجزها للاستيراد مبلغ تم دفعه إلى مؤسسه الفنيون السعوديون

وللأسف تم النصب والتلاعب من قبل ألمؤسسه ألسابقه وبناء على ما ذكر فلقد تم حجز ما لديه

ومن ضمنها مجموعه كبيرة من النطاقات ( الدومينات )

ولهذا وجب علينا وضع هذه ألصفحه في كل موقع فهذه ألخطوه هي ألطريقه السريعة لمناقشه أصحاب

المواقع التي يملكون هذه النطاقات .


لمعرفه المزيد

يجب الاتصال على

عناية : مرهف

966503950390+

في أسرع وقت كي يتم تسليمك بياناتك اسم النطاق

التحيات

شبكه مرهف

تنبية ::: لاحظ اعلى الرسالة استعراض عضلات كان بالمكان الاكتفاء بوضع رقم الجوال نرجوا الاتصال من صاحب الموقع للاهمية .

........................... هذا رد ومشاركة لني ابحث عن استضافة في الوقت الحالي ........

صدقني وبدووووووووووون مبالغة انت والفنيون وجهين لعملة واحدة لا فرق بينكم وتصبون في نهر المستضيف العربي الي يدير سيرفر من ملحق في بيته ويقول شركة

واسمح لي والله لو انك تركت الدومينات تصقط اوبعتها كم قلت بمزاد اكرم من وضعك هذي الرسالة في مواقع الاخوة تشوية سمعة وتشوية دومين . ( بس مبين ان المجرمون الفنيوين قرصك قرصة قوية ) خلتك دايخ وتتخبط .

اجل تبحث عن 20 ريال الله يصلحك او ....... انت والفنيون في يوم واحد قسم بالله فووووووووضة مالقيتم قانون يلمكم لعب ونصب وحتيال على شباب هاوي يمارس شي مفيد تصيبونة بالاحباط بتلاعبك انت والفنيون ومن هم على شاكلتك نصب علي وبنصب عليكم على مين تبي تطلع نفسك الذكي النقي والله لااااااااااا فرق بينك وبينة اقلها هو افضل منك سرق مبالغ ينقال عليها قيمة سيرفرات سرق سمعة مواقع فلوس... انت جاي تسرق طفاس 20 ريال . افاا بس بدل ماتقول الدومين مجاني لكل المتضررين او هذا دومينك ولو حبيت تستضيف موقعك اهلا وسهلا بك وهذا الدومين تقول 20 = كرتون بيبسي والله بغيت تصيب خابت معك بغيتها دعاية جت على راسك والمعذرة على ردي لكن انت والفنيون خلصنا منكم بس نبي غيركم يستفيد عسى ينبة ضميرة بدل التلاعب في اموال العالم ومجهودهم وتعبهم .


المعذرة من المنتديات والاعضاء ومشرف القسم
وناسف وبالمكان حذف ردي

واكرر اسفي فقط اعضاء ومنتديات سوالف والي المشرف

............ لا يوجد رد اخر لهذا الموضوع ............

معليش حبيبي انت جاي طاير والظاهر منت مثمن كلامك ولا انت قاريه زين !!
انت وش مزعلك الحين ؟؟ لك دومين واذا دخلته طلعت لك صفحت مرهف الي حاطها عشان تتصل عليه ؟ هذي ومشكلتها محلوله كلها دقه على مرهف وتطلب منه يشيلها ما اظنه بيقول لأ حتى لو قلت له مطفر وبعدين بأعطيك الـ 20 ريال ..

اما سالفة انك تقول انه ينصب بقصده او مو بقصده ليه ؟ هو وش مسوي ؟؟ رجال ويبي حقه
الحين اصحاب الدومينات صارو تحت استضافته في الدومينات ويبي سعر رمزي على الخدمة وتسجيل دومينك على لوحة تحكم خاصة <<< مرهف ما طلب هالشي بس اعتبره كذا !! وين المشكله
يعني اذا انت مو مستوعب ان الرجال نصبو عليه خلاص افهمها انه يبي سعر رمزي على الخدمه ..

وبعدين مرهف حر يكتب الموضوع في سوالف في صفحة دومينك اهم شي يوصل لك المعلومه !! لأنه شخص واحد وحاط لك رقم جوال واحد مو فاضي يفهم 96 واحد لما يحط رقمه من دون شرح للسالفه .. ؟؟ تخيل نفسك مكانه !

وبعدين ليه الغلط كاتب لي

((((( صدقني وبدووووووووووون مبالغة انت والفنيون وجهين لعملة واحدة لا فرق بينكم وتصبون في نهر المستضيف العربي الي يدير سيرفر من ملحق في بيته ويقول شركة )))

حبيبي فتح عيونك شوي واقرا وش اسم مرهف !! ( كاتب اسمه شبكة مرهف ) ما كتب لي شركة مرهف ولا عمره قال شركة مرهف ؟؟ اذا انت ما تشوف ترا في غيرك يشوف ولا يرضى بالغلط

واذا انت مستحقر الـ 20 ريال (( الي تقول حقت كرتون ببسي )) خلاص سوي نفسك ولد عز ونعمه وتبرع فيها ؟؟ وحط في بالك ان مرهف ما همته الـ 20 حقتك ولاهو ينتظرك تبي تدفع ادفع ما تبي دور دومينك بالمزاد ..

واذا مسوي فاهم وكاتب لي

مالقيتم قانون يلمكم لعب ونصب وحتيال على شباب هاوي يمارس شي مفيد تصيبونة بالاحباط بتلاعبك

يالله على ايديك ورينا نظامك انت وكرتون الببسي ؟؟ ولا شاطر بالكلام بس

على العموم ما ابي اطولها معك وهي قصيرة وعديت كلام كثير لك ولا ابي اغلط عليك اكثر .. ومعليه على الغلط بس ما اسمح لأحد يتكلم عن زميلي كذا وانا جالس اتفرج ... ولو انت عندك ذرت احترام كان رديت بعقل وبدون غلط ؟ الي يسمعك يقول الرجال مقفل موقعك شهر ولا شهرين
تراه ما يبي منك الا مكالمه بسيطة وتفاهم وتحصل الموقع خلال دقائق راجع .. ولا انت على راسك ريشه .. لزم هو الي يجيك ويترجاك تفهمه ؟


واسف على الاطاله شباب .. تحياتي

[زائر..... بحر الشوق]

صدقني كنت كاتب شي كثير لكن احترام للمنتديات والاعضاء ومشرف القسم. تم مسح الرد والاكتفاء بجملة مختصرة تسددددد عين الشمس .


الـــي يـــبـــيـــع شـــيء مـــــســـروق يعــــتـــبــر ســـــارق


طبعا تخيل هذا الرد على انك فعل اشتريت المصيبة كانك ماشريت او انك شريك له.


والمعذرة للجميع وللكل بدون استثناء والله يعوض عليكم

[Mr_wahid2000]

رد مقتبس من شبكة عبير الشوق

اخوي اذا انت تقول وش ذنبك اذا نصبو على مرهف !! بعد مرهف وش ذنبه يوم نصب عليه الفنيون ..
مو عاجبك انك تدفع عشرين ريال خلاص بعد مرهف مو مكلوف فيك عشان يخدمك ويشغل الدومين على موقعك .. الدومين تحت حسابه يستعمله لنفسه ؟؟؟ وش ذنبه بعد هو مشتري دومينات من الرجال هو حر يسوي فيها الي يبي ؟؟؟؟؟؟

معليش اخوي انا داخل عليك بنفس الاسلوب الي انت تتكلم فيه !!!!

وارجو انك فهمت الكلام الي اقصده

شكلنا تورطنا مع هالشبكات والمشكلة كل واحد يسوي فاهم وهو ............

وأنا بعد أعذرني على ردي وياليت اللي يقول كلمة يازنها أول وبعدين يفكر يتكلم

ردي اللي أنت حطيته إقتباس ياليت فكرت تقراه قبل ما ترد علي وأنا أبي أقوله لك مره

دوميني عندي ولوحة التحكم تحت تصرفي أنا لا الفنيون ولا مرهف يوصلها ولا أحد

ثاني شيء حبيت أبين لك وجه الخلاف الحاصل والكلام اللي جالس يصير له أكثر من

أسبوعين الأخ مرهف قام بشراء سيرفرات الفنيون وليس دومينات المواقع

كان من ضمن الأشياء اللي موجوده بالسيرفير الدومينات ... الدومينات ليست ملكاً لعبد العزيز

علشان يبيعها يعني يبي يبيع سيرفره بحريقه هو وياه لكن دومين الموقع لا وألف لا ...

صاحب الموقع هو اللي دافع قيمة الدومين ومن شين حظة سجلة عن طريق الفنيون

لقاها أخونا مرهف هل له حق أنه يبيعها ؟؟؟ إنشاء الله بريالين ما أعتقد له الحق بهذا الشيء

تقول الفنيون نصبوا عليه ويبي يعوض خسارته مع الفنيون ليش ما يطالب الفنيون بالمبلغ

بدل ما يطالب أصحاب المواقع بشراء دوميناتهم ........

أتمنى تكون فكرت بالكلام زين وأستوعبت وبعدين رد علي..............

على فكره قبل أنسى دومين سوالف swalif.net عندي تشتري بريالين ???????????

مع شديد إحترامي لسوالف وتحفظي على الكلام لكن مجرد توضيح تشري ولا لا ؟؟؟؟؟؟؟؟؟؟؟؟

[المهستر]

رد مقتبس من شبكه مرهف
للمعلوميه

لقد تم تسليم اكثر من 35 دومين

وجاري تسليم الاخرين ..

مبروك عليهم رجوع الدومينات وهنيالهم

وبالتوفيق اخوي مرهف

ويكفي افعالك تسبق اقوالك

تحياتي لك

[شبكة عبير الشوق]

اخوي ..... بحر الشوق

وانا بعد اكتفي بقول حسبنا الله ونعم الوكيل على من كان السبب .. وما يحتاج نخلق مشاكل !

اخوي Mr_wahid2000 ..

انا لو فتحت فمي الحين ما راح اسكت الا اذا مليت الصفحة كلام وزي ما قلت بالرد على بحر الشوق .. نكتفي بقول حسبنا الله ونعم الوكيل على من كان السبب ..

تحياتي

[Server Line]

اذا انتهت المهله ترى فيه شرايين

أضفنا

aratalk"@"hotmail.com

[almowj.com]

اعتذر عن التاخير

اخ سعود

وسوف اتصل بك يوم السبت 4-12-2004

[شبكه مرهف]

رد مقتبس من رياح الشمال
اذا انتهت المهله ترى فيه شرايين
أضفنا

aratalk"@"hotmail.com

هلا بك عزيزي المده قاربت على الانتهاء ,,,
سوف تكون من هذه الساعه وضع فتره زمنيه مده 72 ساعه
وبعدها سوف تعرض الدومينات للبيع

واكيد سوف يتم وضع موضوع خاص بالعرض .وابشر بسعدك

رد مقتبس من almowj.net
اعتذر عن التاخير

اخ سعود

وسوف اتصل بك يوم السبت 4-12-2004

هلا بك اخوي وارجو سرعه الاتصال كوني سوف اضطر لعرضها للبيع

بعد فتره 72 ساعه من هذه اللحظه ,,,

=======================
ملحوظه:



من هذه اللحظه ولمده 72 ساعه سوف تبقى الدومينات معروضها للاصحابها وبعد الفتره المقرره سوف يتم عرض الدومينات للبيع

اعتذر من الجميع كون الموضوع موضح هنا + موضح في كل دومين محجوز لدينا على شكل صفحه بالموقع





التحيات