قرار إداري بخصوص موضوع الاخ qmraa

[Ad For Host]

السلام عليكم ورحمه الله وبركاته

طبعاً الكل شاف وقرأ موضوع الاخ قمرا ، واتضح ان الحق معانا
حسب الشروط التي تم الاتفاق عليها من قِبل الطرفين ( بمجرد الموافقة على الاستضافة لدينا )
- شروط الاشتراك لدينا -
وقد تم دفع مستحقاتنا ( 600 ريال سعودي ) وهي قيمة ريسلر لمدة 6 شهور !
واعتبار فترة الاستضافة - 6 شهور - مجانية ، وسيتم استرجاع المبلغ للأخ صلاح الدوسري

وياريت الاخ صلاح يرسل رقم الحساب على ايميلي sales@ad4host.com

وهذا اعتبره درس لك ، لانك المفروض تآخذ باك اب شهري على الاقل ، وتتحمل مسؤولية قرارك الي تتخذه
ولا تنسى اننا ماقصرنا معك بأي شئ وطول فترة الاستضافة عطيناك حقك بالكامل وايميلاتك ارد عليها بالليل والصبح وماودي اتمنن عليك

وارجوا من الادارة اغلاق الموضوع ، لانه اخذ الحيز الكافي ؛؛؛


وشكرا
تحياتي

[casper]

قرار إداري !!

من أنت حتى تكتب عنوان الموضوع قرار إداري وتعنيني بالموضوع !!

وبعدين حبيبي الحق ماهو معك ولا تحلم أنه يكون معك .

أقرا كلامك عدل
--------------------
كل واحد عارف نفسه شو يسوي وشنو غلطته ؛؛ وعلى فكرة يا اخ قمرا
لو ما وافق صلاح اني احذف المواقع ماكنت حذفتها ، وربك يعلم مافي القلوب

ولا تنسى ان فترة الاستضافة انتهت يعني لو شركة ثانية ساعتها تقولك باي باي
-------------------

أستاذي العزيز قالها لك قمرا وأعيدها لك الفلوس حنا نجيبها مو انت تعطينا اياها .


الأستضافه وقضيتها عندك بمراره والحمدلله جات على كذا .

موضوع المبلغ اتركه لقمرا مو لي ترضيني بقرشين

تحياتي يابو غلطه

[:: MUSTAFA ::]

هذا انت ياخ وسام ...

معروف بشهامتك وطيبت قلبك

ومرة ثانية ((لايهمونك))

[الضاري]

كبير يا Ad For Host

[Ad For Host]

رد مقتبس من casper
قرار إداري !!

من أنت حتى تكتب عنوان الموضوع قرار إداري وتعنيني بالموضوع !!

وبعدين حبيبي الحق ماهو معك ولا تحلم أنه يكون معك .

أقرا كلامك عدل
--------------------
كل واحد عارف نفسه شو يسوي وشنو غلطته ؛؛ وعلى فكرة يا اخ قمرا
لو ما وافق صلاح اني احذف المواقع ماكنت حذفتها ، وربك يعلم مافي القلوب

ولا تنسى ان فترة الاستضافة انتهت يعني لو شركة ثانية ساعتها تقولك باي باي
-------------------

أستاذي العزيز قالها لك قمرا وأعيدها لك الفلوس حنا نجيبها مو انت تعطينا اياها .


الأستضافه وقضيتها عندك بمراره والحمدلله جات على كذا .

موضوع المبلغ اتركه لقمرا مو لي ترضيني بقرشين

تحياتي يابو غلطه

بالتوفيق

انا الي علي سويته ، وبكل الطرق حاولت ارضيكم والظاهر مافي فايدة




واشكر الي ردوا
الاخ دمعة حبيب قلبي ، والاخ الضاري



تحياتي

[casper]

قول خلاص هونت ماني مرجع المبلغ

[Ad For Host]

رد مقتبس من casper
قول خلاص هونت ماني مرجع المبلغ

انا اشتريك انت وربيعك قمرا وابيعكم في سوق السمك
ولا تخلي الامور توصل لإننا نغلط على بعض.

الي عندك قلته بموضوع كبره صفحتين ورسالتك وصلت لجميع الاعضاء
والحمدلله ترى نص عملائي من اعضاء سوالف ،، يعني عارفيني اكثر منك

ومو انا الي اهون ،، وطلبت منك فوق رقم الحساب وانت رفضت >>> شكلك تبي تسوي مشاكل بالغصب

وأي كلمة ثانية اعتبرها غلط في حقي وتحمل كل ما يجيك انت وقمرا , لان الموضوع زاد عن حده

تحياتي

[casper]

ممممممممممممممممممممممممم



















تصدق خوقتني أححححححح نسيت من تكون :shy:






أسفين يا عم وسام وحقك علينا واعتبر الموضوع انتهى من جهتي والباقي على قمره كان بيسكت هذا شي راجع له .




العذر والسموحه منك يا عم وسام وسامحنا


تحياتي

[:: MUSTAFA ::]

للمعلومية ياكاسبر مدري وش اسمك

الاخ وسام معروف جداً في اغلب المنتديات التطويرية للمواقع

يعني انت وكم من واحد راح تخرب سمعتة مستحيل ياحبيبي

ومرة ثانية اعرف تكلم

و

و

((لايهمونك))

ياوسام

[qmraa]

اخي وسام
المنتدى بالنسبة لي لا يدر مصدر مادي وانا لا اقتات من استضافة المواقع .
مجرد متعه في ايصال صورة عن شباب وشابات الخليج العربي للعالم العربي.
ولو تأخذ جولة بسيطة في منتداي ..تكتشف ان محدثك ليس انسان مستهتر ...او من تلك الانواع من البشر التي شرها اكثر من خيرها....

الهدف من طرح الموضوع وصل الى مراده ..ورسالتنا اوصلناها ...
لا قيمة لحذف الموضوع الان

مع اني اتمنى من المشرف حذف الموضوع

على فكره
خل فلوسك عندك

[:: MUSTAFA ::]

اخوي qmraa

ابي اعرف انت الان وش استفدت بكتابة الموضوع السخيف..

وردود بعض السخفااء


ابيك تجاوبني ؟؟...

[qmraa]

دمعه
اذا كان في جوفك قلب ينبض اسأليه ...هل ما حدث معي ...
بسبب سوء تفاهم بين الاخوان .. ان افقد
5000 موضوع
2000 عضو
40000 مشاركة

لماذا اكون انا الضحية مع اني لم اكن طرف في اي سوء فهم..


هدفي من الموضوع ان يرى الجميع ما حدث معي مع الشركة الفلانية

فقط

ولكي يحتاط الجميع من موضوع الباك اب.
واعتقد اني اوصلت رسالتي ..
وانا متأكد ان الجميع جدد الباك اب الخاص به ...خوفا يحدث معهم مثلي.

وهذه بحد ذاتها فائدة للجميع

[qmraa]

على فكره

لو لم يكن لدينا النسخة الحالية ..

لكنّا فقدنا

7000 عضو
23000 موضوع
170000 مشاركة

طبعا ما تحتويه من برامج وصور .
المنتدى كبير ... ما كان الوضع يستاهل الضربه هذي.



يعني لولا الله ثم النسخة الحالية ...لكان وسام اصابنا بمقتل

على العموم
حصل خير

انا مسامحك يا وسام
واذا انت تبي شي عشان تكون راضي انا حاضر

هذا اخر رد على الموضوع

[:: MUSTAFA ::]

طيب بهالطريقة توصل كلامك

اخوي فية شي اسمة تفاهم بالبريد

لاكن ماقول.


الى الله يهديك ويصلح بالك

[qmraa]

دمعه
مع اني قلت اخر رد على الموضوع
بس ارجع عشانك

صعب اني انقل لك الشعور اللي عندي ..
ضاع جهد 8 شهور
بضغطة زر
هذي العملية تحتاج قلب قاسي عشان يخطي هالخطوة.

غير كذا
صار فيه احراج مع الاعضاء ومواضيعهم وردودهم.
اللي عنده منتدى يعرف انا وش قاعد اقول ..

اي نوع من الاعتذارات اقدمه للأعضاء .. ؟؟؟
طبعا موقف بارد .

اشكر كل من تحسس المنا وراعا مشاعرنا

اشكركم جميعا يارواد مملكة سوالف





قدر الله وما شاء فعل