شو هذه الحركات من بعض الاعضاء

[riya]

ليش بعض الاعضاء يعيد ويكرر الموضوع مرات ومرات مثل النسخه الجديده هذه
يشوف انه الموضوع موجود وحاطينه قبله 3 اعضاء وبعد هو يرجع وينقل الموضوع نفسه ويحطه مره ثانيه بنفسم القسم !!
فليش يعني هذه الشي او شو الفايده من نقل نفس الموضوع ووضعه في نفس القسم ؟؟؟!!!!

[رصاص]

يمكن كل مقال يتناول الموضوع من منظور آخر إخي الفاضل

أما إذا كان مكرر حرفياً فهذا شي ثاني

يكون واحد فاضي ماعنده سالفة

[الوافي]

الله يهديك ياخوي

وش فيك على الشباب

الناس تجي تقدم مساعده للجميع وانت تقول ليش وليش

وبعدين انا قلت في موضوعي ماشفت موضوعك يا ضيف المهاجر

يعني لازم تحط موضوع وتقول حركات اعضاء

صدق خير تعمل شر تلقى

انا اقول الله يهيدكم هذا اللي يخرب سوالف صدق ان فيه ناس ما تقدر وش يسوون غيرهم


تحياتي لك

اخوك الوافي

[riya]

انا ما اقصد الاخ الوافي او ضيف المهاجر ابداااااااا
انتو تحطون شي جديد وكل واحد مختلف عن الثاني :nice:
انا اقصد باجي الاعضاء

[رصاص]

ممكن مثال للتوضيح اخوي ؟؟!!

[riya]

شو مثاله .. سكربت هو عشان احط مثال

لو ترجع بالصفحه تحت بتشوف انه فيه كم موضوع مكررين ونفس المحتوى بالظبط
اول واحد حط عن النسخه هو تحميل دوت كوم اليوم الصبح
عالعمو خلاص انتهى الموضوع ماله اي اهميه مجرد كلام وخلاص :funny:

[ابن الباديه]

لاادري ماهي المشكله في ان الواحد يحط الموضوع اكثر من مرة
اهم شي الاعضاء يستفيدون منه

ولكن المشكله الي اغلب مشاركاتهم فقط اسئلة
والاسئله الاخري مايجيب عليه
بمعني اصح انه متخذ المنتدي لدعم الفني فقط

[رصاص]

لا بس انت قلت

(( انا ما اقصد الاخ الوافي او ضيف المهاجر ابداااااااا
انتو تحطون شي جديد وكل واحد مختلف عن الثاني
انا اقصد باجي الاعضاء ))

باجي الأعضاء وايد بالآلاف ماشاء الله

اذكرلي مثال على هالأعضاء الي يسوون الحركات الي ما تعجبك !!

اثنين ثلاثة منهم بس !!

[riya]

[رصاص]

الي قصدته يا خي

انك تواجه الشخص وتعطيه كاش في الويه

لانه اسلوب التلميح هذا مب حلو

على العموم

حياك الله