بسم الله الرحمن الرحيم
السلام عليكم ورحمة الله وبركاته
سويت منتدى زي باقي خلق اللهبس انه كان متخصص في الفلك والطب وعدة امور أخرى.
الموقع اشتهر بشكل عجيب ,وصار زواره ماشاء الله عليهم (طاح الموقع بسبب كثرتهم كم مره)ower:
وكنت اراسل المشتركين عندي من اسبوع الى ثلاثة اسابيع مرة.
حتى ان الموقع انكتب عنه في جريدة الرياض :eek2: :eek2:
والى الآن مافي اي مشكلة, الموقع زي الحلاوة وكل ما جاله يزيد.
ولا كانت فيه اي مشكلة حتى مع المستضيف.
وفجأة وبدون سابق انذار قفل(علق) المستضيف موقعي . :anger2:
راسلته مارد علي , يوم واثنين وثلاثة ,وبعد جهد كبير رد علي من كثر ما ارسله وقال ان السبب اني ارسلت ايميلات كثيرة للمشتركين عندك.
قلت له دايم اني ارسل ايميل لكل المشتركين ومن زمان ليش ما تكلمت.
سحب فيه يوم واثنين وثلاثة ورد بعدها وقال موقعك مقفل لأنك ارسلت رسائل كثيرة جدا.
قلت في نفسي الله لا يوفقك :anger1: طيب ايش الحل الحين,(كنت ناوي ادفع فلوس ويفك موقعي بس) ولا رد علي ..........
الموقع مقفله له مده طويلة شوي, وانا مقهور من جد, والمشتركين ملوا الانتظار( مو كنها اسم قصيدة)
آههههههههه يالقهر.
المهم الحين فتحه بعد معارك ايميلية انتهت بنصري والحمدلله, لكن نصر بطعم الخسارة, لأنه منعني من ارسال رسائل للمشتركين,
وودي اعرف كيف بيعرفوا.
الحين انا بين خيارين , يا أنقل موقعي لسيرفر يسمح لي ان ارسل رسائل بدون اي مشاكل.
يا ابيع الموقع , وعلى الله العوض.
قولولي ايش رأيكم.
والله الموفق
رد مع اقتباس
