السلام عليكم
يالله هاذي 8 الغاز والي يبي يحل منها لغز يحط رقم الغز والحل
1-انشدك عن بنت وكرها روس الاصباع
ماسال دم عروقها في لحمها
تنطق بحكم والحكم يسمع وينطاع
لامن قاضي المحكمه حب فمها
-----------------------
2-انشدك عن رجل يدل الرياجيل دربه
دهر ماينبت الي وطابه
اصقع عمي مايسمع القيل والقال
وليا حضر فك النشب والطلابه
-----------------------
3- انشدك عن قصر قديم ولازال
وماحد لمس جدران سوره بياديه
ماهو بني مهندس ولابني عمال
ولايحق لك قبل الثمانين تاتيه
--------------------
4- ياعارف الامثال بانشدك لاهنت
انشدك عن ثنتين قيستهنه
عن بنت تركب على بنت
خدعه لواحد ودهن يطرحنه
وحده تقول انا بعينه تزينت
طماع يحسبني على قد ظنه
وحده تقول انا مسكته ولا خنت
لو ان مسكي له على غير سنه
-------------------
5- انشدك عن بنت تذبح الناس بغلاها
من غلاها تذبح النفس الشقيه
شايله عود شجاع في حشاها
العود ميت والبنت باقيه حيه
(هذه في السعوديه فقط والبعض منها يطلع براء)
-------------------
6- انشدك عن بنت حلال
جالسه بين سته رجال
موجوده قبل ابونا ادم
وتراها بنت لاتزال
--------------------
7- ماهو الشئ الذي كان نبات
ثم تحول الى جماد ثم صار
كائن حي (حيوان)
-------------------
8- 10 و10 ماتسوي 20 اذا
زدتها 50 تصير 11