السلام عليكم
هذي تصاميم المنتدى والمجله واللي صممها توبلاين :anger1: ......... انا بسميه داون لاين
للعلم صممها لي وانا دافع الفلوس كامله من المقدم واتفقنا على بنرات فلاش والوان تشابه الوان الماسنجر الاصدار الاخير اللي هو سبعه ودرجاته الغريب ان الرجل حب يتأكد من الاوان فا طلب مني استقبل صوره منه من خلال المحادثه معاه في الماسنجر استقبلت الصوره وكان تصميم منتدى كل العرب (الصوره موجوده عنديولكن خوف انه ينلطش التصميم من ابن الحلال ماراح انزلها) قلت ياسلام عليك والله فهمتها وهي طايره هذا الاوان اللي انا ابيها قال حلو بعد 14 يوم بتستلم الشغل جاهز !
14 ياقمر وينك !؟! والله واتصير عشرين يوم وراني التصميم ولا تصميم بعيد عني ومافيه اي شي من اللي طلبته ماعلينا قال موافق قلت له لا قال مانغير التصميم يااخ حنا انعدل عليه قلت يالله عدل غير الوان البنر اللي تحت وخلها الوان المنتدى الرئيسيه قال مايصير وكل دقيقه اتصال دولي عشان يكلمني وبرضه يصرف مره يصلي جزاه الله خير ومره يكلمني خويه يقول والله مشغول !!! وانا شنو مو شغل ؟ واذا اتكلمه بالماسنجر كأنك اتكلم ابو الهول بالضبط كأن الدنيا فاضيه وهو المشغول مايرد عليك لو رد ابو الهول قلت طيب وين الفلاش اللي اتفقنا عليه قال ماتفقنا !!! بلعتها لاني كرهت كل شي وابي اخلص :anger2: ...صار عندي نقل ملفات وانتقال لسيرفر جديد ومشاكل وكونفق والخ ورجعلت له بعد شهر ها ياعبدالسلام وين التصميم قال تصميم المنتدى جاهز وقام وركبه ........... يومين ثلاثه وين تصميم المجله ياعبدالسلام قال في الحقيقه انت تعطل شغلك وانا وقفت اشتغل !! ماهو عذر المهم يالله بالموت ركب التصميم ويوم ركبه الاخ طلعت البلاوي !!! لا بنر فلاش ولا تصميم واحد فاهم الاخ ناقل البنر اللي في المنتدى الى المجله وكاتب عليه مجلة حلم :funny:
اطالع بالتصميم ولا غلط في غلط شي اخضر على احمر على بنفسجي اها فهمتها هذي الوان الطيف !!! :funny:
عاد قمت فسرتها واخذ الاستنتاج يلعب في راسي اللون الاخضر طلع حق موقع رفحاء والدليل ملف الفلاش في التصميم حق المجله طلع الاخ صاحب موقع رفحاء على نياته متفق على تصميم وعبدالسلام اخذ تصميمه بأخطائه وانقله عندي وغير الوانه والصور يعني الاخ عنده فكر متعدد وصاحب ذوق رفيع :con2:
هذي مأساتي مع داون لاين
والله اني مافتريت عليه بشي ولا زدت كلمه من عندي هذي تجربتي معاه نقلتها بالحرف من واقع مأساه حصلت معي
ولاني مؤمن وواثق من ان التصميم ماينفعني قلت اخلي الناس اترزق الله فيه ولا راح ابيعه لاحد لانه مايستاهل ............. الرابط موجود واللي يبيه ماعليه الدعاء لي ولوالدتي ووالدي ومن ثم سيف تارقت از
تصميم المنتدى اضغط هنا
-
تصميم مجلة النيوك
للعلم !!
لم اضع هذا الموضوع للنقاش لان النقاش انتهى هذه فقط تجربه واحببت ان اضيفها كي ينتبه الجميع ويأخذها بعين الاعتبار كما تعودنا في سوالف سوفت
تقبلوا مني اخلص واطيب تحياتي لكم
حلم