السلام عليكم ورحمة الله وبركاته
قررت افتح موقع خاص كليبات رقص شرقي وخليجي وكانت عندي مشكله بسيطه بالكمبيوتر الثاني وأتصلت على صديق لي عنده محل صيانه
تقريبا من سنه كامله ماشفته بيني وبينه فقط اتصال
ويوم وصل للبيت أنتبهت أنه رجل متدين وقلت ما شاءالله المهم اهو يشتغل بالجهاز قلت له يافلان الملف هذا لا تحذفه أبيه وهذا الملف اهو الكليبات اللى مسويهم فوق 30 كليب رقص خليجي أم علايه جديد ولا معروض بالمواقع وكنت أبيه حصري للموقع ومصمم صفحه رئيسيه للموقع كامله بالصور والمشاهده والتحميل
فقال لي هذا الملف شنو فيه قلت له الموضوع كامل ولا جذبت عليه
رد على قال باجر لو تموت كل شخص يشوف كليب واحد تتعذب بقبرك ونصيحه مني لك
لا تسوي موقع نفس جذي والحمدلله على كل حال أن الله هداني وحذفت الموقع كااااااااااامل
وطلبت من المستضيف مسح الأكاونت للموقع كاامل
وحاليا فتحت موقع إسلامي واهو المسك
http://www.almsk.com/index.php
لكن للحين ماخلص قاعد اشتغل فيه
والحمدلله على كل حال أني ما فتحت موقع جذي